#ZabilianZ Sept 9, 2026: High Court-in "NGO ten Mizoram Liquor (Prohibition) Act, 2019 zawm lo te chunga dan kenkawh theihna an nei lo" a ti.
Chhingchhip khua, Serchhip district-a NGO Joint Committee-in zu zuar in an kalhsak avanga Gauhati High Court, Aizawl Bench-a zualko nupa tuakkhat te zualkona ngaihtuahin, Justice Nelson Sailo chuan NGO ten Mizoram Liquor (Prohibition) Act, 2019 zawmlo te chunga dan kenkawh theihna an neih loh thu hi a sawi a. Dan kengkawh tura thuneitute chu dan kenkawh kawngah an pui thei tih erawh sawiin, NGO ten dan zawmlo te in kalhsak theihna an neih loh thu a sawi bawk.
High Court chuan zu khapna dan bawhchhiat a nih chuan dan kenkawh kawnga thuneitu ten dan angin hma an la tur a nih thu sawiin, tualchhung NGO te pawhin tha taka dan kenkawh a nih theihna turin thuneitute an puih theih thu leh anmahni thua dan kengkawha, mi in an kalhsak erawh phal a nih loh thu a sawi a. District Law Enforcement Agency chu hetiang thil a thlen tawh loh na tura hma la turin a ti bawk a ni.#zabilianznews
High Court-a thubuai thehluttu te hian Chhingchhip-a NGO Joint Committee-in zu zuar, vawi thum man chhuah te chu an in kalhsak tura an lo rel tawh chu bawhpelhin, zu an zuar tih vawi li man chhuah an nih avangin an in kalhsak an nih bakah tan in-ah khung an ni bawk.
Sorkar aiawha Govt. Advocate Lalnunhlui'n May ni 19, 2026-a Serchhip SP office-a hemi chungchang sawiho a nih hnu ah SP-in NGO te chu an in kalhsak chu hawnsak leh turin a hriattir tih a sawi a. Hemi hnu hian thubuai thehluttute in chu NGO te chuan an hawnsak leh tawh thu leh tha taka an luahluh leh tawh thu Court chu a hrilh bawk. Thubuai thehluh chhan ber, in kalhsak chungchangah thuneitu ten hma an laksak tawh avangin leh an in hawnsak leh tawh an nih avangin he thubuai pawh hi tihtawp zui a ni. #zabilianz #zabilianznews #zofatehuapzo
0 Comments