Khawiah emaw patling insum thei lo deuh ten committee chhung thu an lo tihput (leak) a awm thin, mi en bik kan ni a, kan tuar bik dawn :K. Sapdanga

#ZabilianZ Sept 14, 2026: Home Minister K. Sapdanga'n committee chhung thu putru awm thin chungchang sawiin, "khawiah emaw patling insum thei lo deuh ten committee chhung thu an lo tihput (leak) a awm thin a, ruling party kan nih avangin mi en bik kan ni a, kan tuar bik dawn" a ti.

ZPM party chhung inkhawm vawiina neihah he thu hi K. Sapdanga chuan sawiin, kum 2023 inthlanah technology thiltihtheihna an hman tangkai thu leh fimkhur taka an hman zel loh chuan a pawthniamtu a la nih tur thu a sawi a. "Kan chakna hnar pakhat kha kan chaklohna hnar ah a chang thei a ni,” a ti.#zabilianznews

ZPM party hruaitu thar tur chungchang sawiin "party leh sorkar tana tha ber tura rin kan thawhkhawm a, kan rel chhuak tha viau nghe nghe a ni" a ti a. ZPM-in Leader an nei chu an danglamna zing ami nia sawiin, "leader ber party hruaitu nih theih loh kha a fel lo hle a, Chief Minister leh party President kawp a thatna leh thatlohna a awm a, kawp loh kan enchhin tawh a, kawp kan enchhin leh ang" a ti bawk.

K. Sapdanga chuan sorkar kal dan chungchangah "lui mawng lam a la fim danah a hnar a fim a ni ang" tiin, "eptu te sawi ang hian a hnar chu nu se, lui dung tluan a nu ang, lum 40 vakvai tawh, eptu a nih lai pawha Chief Minister atana duhtu ngah berin ro a rel mek a ni" a ti a. Lui hnar fim chuan hrinchhuah tam tak a neih thu sawiin, sorkar hmalakna hrang hrang leh khawpui enkawl kawnga hmasawnna leh danglamna thleng nia lang te a sawi bawk a ni.#zabilianz #zabilianznews #zofatehuapzo