#ZabilianZ Sept 5, 2026: Tun thla ni 8, zan atanga LPS Arena-a khelh tan tur Mizoram Labour Link LPS Pro Fight-a tel turin boxer 275 an inbuk a, champion lai pathum te nen he inelnaah hian boxer 278 an tel dawn.
LPS Pro Fight-ah hian Mizoram chhunga leh pawn atangin tel tuma lehkha thehlut mi 336 an awm a, nimin khan LPS Arena, Falkland-ah an hriselna endik a nih hnu ah boxer 275 an inbuk a. Weight hrang panga zingah flyweight tam berin 74 an ni a, lightweight-ah 61 inbukin, bantamweight-ah 58, welterweight-ah 55 leh middleweight-ah 27 an inbuk a ni.#zabilianznews
Champion lai pathum - Lalrinngheta (flyweight), Lalkhawngaiha (lightweight) leh F Lalthanliana Junior (middlewight) te chu title humhim turin a tawpah an inlan dawn a, Bantamwight champion lai Laldinsanga'n a title kalsanin a tel dawn lova, welterweight title kawltu Lallawmawma'n champion kawnghren kalsanin a inbuk a, weight hrang pahniha champion tumin lightwight-ah a tel dawn bawk.
Pro Fight hnuhnung ber 2024 ah khan champion lai te nen boxer 286 an tel a, tuntumah hian tel tuma hming pelut thahnem hle mahse, champion lai te nen kum hnih kalta aiin boxer pariatin an tlem zawk dawn a ni.#zabilianz #zabilianznews #zofatehuapzo
0 Comments