Policy umzui kawngah first class-ah kan pass :Adviser to Chief Minister (Implementation of Handholding Policy)

#ZabilianZ Sept 7, 2026: Adviser to Chief Minister (Implementation of Handholding Policy) Dr. KC Lalmalsawmzauva'n ZPM sorkarin kum 2 leh thla 9 chhungin an policy pawimawh tak tak zaa 70 vel an bawhzui hman nia sawiin, "policy umzui kawngah first class-ah kan pass" a ti.

ZPM chhung inkhawm vawiina neihah he thu hi sawiin, Dr. KC Lalmalsawmzauva chuan an ni anga policy bawhzui tha sorkar an la awm ngai lo niin a sawi a. "Heng hi keimahni theihna ringawt ni lovin Pathian malsawmna kan chan a ni, chapo tur kan ni lo" a ti bawk.

Tih fuh tawk loh leh fel tawklohna tam tak an neih thu Dr. KC Lalmalsawmzauva chuan sawiin, "policy a kan lo dah, constitution-a kan lo dah tawh, a tak chantir dawna theih loh leh tha lo zawk te pawh thil awm thei a ni, kan chhiatpui kher nghak lovin a siamtu kan nih angin a tidanglam theitu kan ni" tiin, India constitution pawh vawi 106 siamthat a nih tawh tawh thu a sawi.#zabilianznews

Adviser to CM chuan, kuminah sawhthing avangin state pawn atangin Rs. vbc 50 vel sum Mizoramah a lo lut nia sawiin, "hei hian nasa takin state economy-ah nghawng a nei ang" a ti a. Kuminah sawhthing bakah hmarcha quintal 98.29 ah sorkarin support price a pek thu leh kumtharah chuan hmarcha pawh secondary collection centre-a lakkhawm tur a nih thu a sawi a. Hmunphiah-ah sorkarin support price Rs nuai 1, sing 1, sang 7 leh 390 a seng niin a sawi bawk.

Handholding loan chungchang sawiin, “India rama state 28 zingah Mizoram chiah hi loan pung za-a-za rulhsak awm chhun niin kan hria" a ti a. "India ram state hrang hrangin eizawnna leh miharsa chawikanna tur scheme an duan zingah Mizoram Handholding scheme chu a tha ber a nih loh pawhin a aia tha an hre mai lo" tiin, "heti chunga kan hlawhtlinpui thei lo a nih chuan entrepreneur te pawh inenfiah kan ngai ang" a ti.#zabilianznews

Mizoram sorkar budget ei hek lovin Rs. vbc. 44 chuang loan sanction a nih thu leh August, 2026 thlengin Banakaih scheme hnuaia loan hmu tur 741 thlan an nih tawh thu leh chhungkaw 494 hnenah loan sanction a nih tawh thu a sawi a. "Kan intiam ang ngeiin sorkar quarantor-a a tanna fee Rs. 14,01,762 kan pe tawh a. Progress partner-te loan pung rulhsak nan sorkarin interest subvention-ah Rs. 1,12,13,347 a peksak tawh bawk" a ti.

August 2026 thlengin CM Special Package Phase I leh Phase II atangin mi 3842 puih an nih tawh thu pawh sawiin, hemi atan hian Rs. 26,25,95,870 sen a nih tawh thu a sawi bawk.#zabilianz #zabilianznews #zofatehuapzo