#ZabilianZ Sept 3, 2026: Mizoram Pradesh Congress Committee (MPCC)-in Chief Minister Lalduhoma'n assembly session - August ni 27, 2026-a a thusawi - August ni 5, 1986-a Parliament-a Mizoram State Bill sawihona-ah he bill thlawp zawnga thusawi anga a insawi chu "thu diklo a ni" an ti.
MPCC chuan Assembly thutkhawm August ni 27, 2026-a Chief Minister Lalduhoma'n Lok Sabha-a 53rd Constitution Amendment Bill 1986 (Art 371G) pass tute zingah a tel nia a sawi pawh thu diklo niin an sawi a. Ni 5.8.1986-a Lok Sabha-a State of Mizoram Bill sawihonaa thusawitu list Parliament Digital Library-a an dahah Pu Lalduhoma hming a lan loh thu leh Noth East MP dangte hming chu thusawitu list-ah a lan thu an sawi.
MPCC chuan "August ni 5, 1986-a State of Mizoram Bill sawiho a niha vote lak a nih khan tuna kan Chief Minister zahawm tak Pu Lalduhoma hi he bill vote tu zingah a tel tarlan a ni lova, a bill do zawnga vote tu hming zingah pawh a tel lo" an ti bawk.#zabilianznews
He bill sawihonaa thusawitu Indian National Congress MP te chu - Bill puluttu Buta Singh (khatihlaia Home Minister), Mool Chand Daga, Shantaram Naik, Manoranjan Bhakta, Samar Brahma Choudhury, Arvind Netam, Raj Kumar Rai, N. Tombi Singh, V. Kishore Chandra Deo, Jaipal Reddy, Priya Ranjan Dasmunsi, Kishori Sinha, Prem Khandu Thungon, Narain Chand Parashar, Somnath Rath, Bipinpal Das, Sharad Dighe te an nih thu MPCC chuan sawiin, "khatihlaia Congress Mizoram MP (Lok Sabha) hming record ah a awm lo" an ti a. "Parliament a State of Mizoram Bill - August ni 5, 1986 a sawiho leh vote lak a nih khan BJP MP pahnih chauhin 'No' tiin an vote" an ti bawk a ni.#zabilianz #zabilianznews #zofatehuapzo
0 Comments