#ZabilianZ Sept 14, 2026: FCS&CA Minister B. Lalchhanzova'n natural gas pipeline phum hna kalmek chungchang sawiin, March 2027-ah chuan hmang hman tawh tura hmalak a nih thu a sawi.
Indradhanush Gas Grid Limited (IGGL)-in Tripura-a Panisagar atanga Sihhmui, Mizoram thlenga natural gas kalna tur pipeline phum hna an thawh mek chungchang a pisa-a sawihonaah he thu hi FCS&CA Minister chuan a sawi a. IGGL lamin Tuidam leh Darlak inkara harsatna an tawh chungchang pawh October 2026 chhungin - IGGL, FCS&CA, PWD leh Mamit Bawrhsap te nen a hmunah enho ni se, a ti bawk.#zabilianznews
Mizoram sorkarin IGGL gas pipeline chu a hunah tha taka zawh a nih theihna tua theihtawp a chhuahpui zel tur thu pawh sawiin FCS&CA Minister chuan, FCS&CA bakah Commerce and Industries Dept. te pawh an inhawn thu a sawi a. IGGL leh Tripura Natural Gas Company Limited te ram mamawhah pawh land acquisition a rang thei angin an tihfelsak zel thin niin a sawi.
FCS&CA Secretary Ravi Dadhich pawhin contractor ten Mizorama hnathawh chu thil awlsam tak a ni lo tih an hriat sa thu sawiin, "hnathawh muan nan chhuanlam a tling lo", a ti a. India sorkar project pawimawh, hunbi nei a nih avanga tan mar a tul thu a sawi bawk.zabilianz #zabilianznews #zofatehuapzo
0 Comments