ZabilianZ

#ZabilianZ Oct. 01: An reh vang vang a, kumin kumtir lamah MZI buatsaih Chapchar Rimawi kut-ah Sipai lammual rawn mawiin, ropui takin an lo lang leh a, an reh leh vang vang hnu ah thawm thar an rawn nei leh ta, Mizo Rock band tha ber pawl Magdalene chuan hla thar 'PARADIS' an tichhuak dawn. He hla hi Magdalene drummer Patea leh Vocalist Steward te phuah niin, an album hmasaber 'Life Beyond Death' ah khan an telh ta lova, khawrpum loh a an dah zui tak reng hnu ah kum 2008 vel khan a Saptawngin an pum a, an vocalist Steward-a'n  Mizo tawng ngeiin a pum leh ta a ni. Magdalene chuan an hla thar PARADIS hi Aries recording-ah an record zawh tawh thu sawiin, Moonshine-in tun thlaa tihhchhuah turin video an buaipui thung niin an sawi bawk.  

#ZabilianZ Sept. 30: Congress party-in Council of Minister thukhawmin grant in aid pek tura a pawm school zingah a taka school awm tawh lo Zasai Memorial HS, Siaha a tel niin an sawi. Mizoram pradesh Congress committee (MPCC) Media Chairman Lalremruata Renthlei-in vawiin khan Aizawl Press Club-ah thuthar thehdarhtute kawmin he thu hi a sawi a. Zasai Memorial HS, Siaha chu MLA inthlan lo awm tura MNF MLA candidate tur Lalmalsawma Zasai pa hriatrengna atana din, kum tam kal tawha tihtawp leh tak nia sawiin, a building pawh mimalin chenna atan an luah tawh niin a sawi. Mizorama mimal, khawtlang leh kohhran school tam takin sorkar tanpuina an dawn ve theih loh laia school awm tawh lo sorkar tanpuina dawng tura thlan a ni chu sut leh tur leh school awm tawh lovin sorkar tanpuina a dawn theihna tura thil diklo titute chhui chhuak a, dan hmanga an phu tawk hremna pe ngei tura an phut thu Lalremruata Renthlei chuan a sawi. MPCC Media Chairman chuan Zasaia Memorial School chuan tihtawp a nih hn

#ZabilianZ Sept. 30: Entertainment Society of Mizoram (ESM)-in nizan khan Vanapa Hall-ah Mizo Film Award an sem a. Pa Hausa-in Award 4 la in tuntuma langsar ber a ni. Mizo Film Award sem inkhawmah hian Mizo Film Industry mi leh sa December 2021 hnu lama chatuan ram pan te sunna hun leh dan lova film tihpuh ruk leh chhuah chhawn (film piracy) duh loh na lantirna hun hman a ni a. December ni 21, 2021 leh August 2023 inkara Mizo film chhuak 50 te atangin category hrang hrang 12 ah te Award hi sem a ni. Mizo Film Award 2023 dawngtute: 1. Best Film : Amawii 2. Best Director: Drew Pachuau (Pa Hausa) 3. Best Cinematographer: Mapuia Chongthu (MiMi) 4. Best Screenwriter: B. Lalbiakvela (Nukawki Pasal) 5. Best Series: Pa Hausa 6. Best Actor: Papuia Pachuau (Pa Hausa) 7. Best Actress: Siami Chawngthu (Lalpa A Tha) 8. Best Supporting Actor: Tommy Rosangliana  (Driver Kima) 9. Best Supporting Actress: Ruthi Chenkual (Ka U Liana) 10. Best Short Film: Eleison: Zahngai Rawh! 11. Best OST: Lalpa a tha

#ZabilianZ Sept. 30: Lengteng bialtu MLA Dr. L. Thangmawia'n VC, LC leh Municipal-a hmeichhiate tana seat hauhsak luahkhattu tur harsa taka a zawna zawn chawpna a tam thin niin a sawi a. Lok Sabha leh Rajya Sabha-in MP leh MLA inthlanah seat za-a 33 hmeichhiate tana hauhsak a remtih tak avangin Mizo hmeichhiate lo inbuatsaih lawk turin a chah. Tun thla ni 28 leh ni 29-a MHIP Ngopa block conference leh silver jubilee lawmna Ngopa-a neih a hmanpuinaah he thu hi bialtu MLA Dr. L. Thangmawia'n chuan a sawi a. MP leh MLA inthlana seat za-a 33 hmeichhiate tana hauhsakna dan hman a nih hunah Mizorama MLA bial 40-a bial 13 chu hmeichhe tana hauh a nih tawh dawn avangin Mizo hmeichhiate mahni inphata, mipui leh ram leh hnam tana thawk tura thutlukna lo siam lawk turin a ngen a ni. L Thangmawia chuan Mizo hmeichhia te an chhuanawm chho hle nia sawiin, board leh university exam hrang hrangah leh MPSC leh MSSSB exam-ah te pawh mipa tam tak tluk loh an nih tak thu leh a lawmpui thu a sawi a

#ZabilianZ Sept 30: MZI President Er. Lalrothanga'n nimin khan MZI Hqrs. Mamit tlawhin, an hruaitute nen an inkawm a. Hqrs mawhphurhna leh tanlakna tur te sawihovin, MZI than zelna tura pawimawh leh branch hawn belh chungchang te an sawiho. MZI President hian MZI Mamit Hqrs., Patron, Mamit Bawrhsap ni bawk VL Remliana nen pawh MZI Mamit Hqrs., in ram an neih theih dan tur te, kumin chhunga event liantham deuh Mamit-a buatsaih chungchang leh thu pawimawh dang te an sawi dun bawk. Nimina neih tan MZI Hqrs. Mamit buatsaih Khawthlang Lelte (Malzaia inelna) hmun pawh MZI President chuan tlawhin, MZI Hqrs. Mamit hruaitute leh PHE Secretary leh Director, PMU te nen PHE hmalakna pawimawh pakhat ODF Plus Model campaign-a inpuihtawn dan tur te an sawiho a. ODF Plus Model campaign chu MZI Hqrs. Mamit-in MZI platform atangin an nei ang a, PHE-in financial support a pe ve thung ang. ODF Plus Model campaign thuchah Director, PMU PHED sawi leh MZI President Er. Lalrothanga thusawi an record nghal

#ZabilianZ Sept. 26: Chakma Autonomous District Council (CADC) chhunga hmasawnna tur sum tihchingpen thubuaia Court-in thiam loh a chantir CADC Chief Executive Member hlui Kali Kumar Tongchangya chu kum 4 chhung Jail tang tur leh Rs. nuai 4 chawi turin a hrem. Tarlan tawh angin, Longpuighat leh Kukurduleya inkar kawng siamna tur Non Lapsable Central Pool of Resources Fund (NLCPR) 2009-2013 sum Rs. nuai 1129.85 atanga Rs. 1,79,03,773 tihchingpen thubuaiah CADC CEM hlui Kali Kumar Tonchangya chu nimin khan Court-in thiamloh a chantir tawh a, vawiin khan a hremna tur puan a ni. CADC sum chingpen chungchangah hian Mizoram sorkara District Council & Minority Affairs changtu Under Secretary-in July ni 26, 2018 khan Anti-Corruption Bureau (ACB) thubuai a thehlut a. Kawng hrang hranga chhui chhoh a nih hnu ah CADC CEM hlui Kali Kumar Tonchangya chuan Rs. 1,79,03,773 a tichingpen ngei a ni tih fianfiah a nih thu Court chuan a tarlang. Court chuan CADC CEM hlui Kali Kumar Tonchangya hi IPC S

#ZabilianZ Sept. 25: Chakma Autonomous District Council (CADC) chhunga hmasawnna tur sum tihchingpen thubuaiah CADC Chief Executive Member hlui Kali Kumar Tongchangya chu Court-in thiamloh a chantir a, hrem a nih dan tur naktukah puan a ni ang. Court thuremnaa a lan danin kum Non Lapsable Central Pool of Resources Fund (NLCPR) 2009-2013 atangin Longpuighat leh Kukurduleya inkar kawng siamna tur sum Rs. nuai 1129.85 atangin CADC CEM hlui Kali Kumar Tonchangya hian Rs. 1,79,03,773 a tichingpen a ni. CADC sum chingpen chungchangah hian Mizoram sorkara District Council & Minority Affairs changtu Under Secretary-in July ni 26, 2018 khan Anti-Corruption Bureau (ACB) thubuai a thehlut a. Kawng hrang hranga chhui chhoh a nih hnu ah CADC CEM hlui Kali Kumar Tonchangya chuan Rs. 1,79,03,773 a tichingpen ngei a ni tih fianfiah a nih thu Court chuan a tarlang. Court chuan CADC CEM hlui Kali Kumar Tonchangya hi IPC Section 409 leh Section 13 - Prevention of Corruption Act 1988 hmanga thiamloh c

#ZabilianZ Sept. 22: Hmeichhiate venhim leh an dinhmun chawikan kawnga hnathawk tha chawimawina -Zakapa Award, 2023- chu Mizoram pawn lama Mizo hmeichhia harsatna tawkte tanpui leh chhanchhuah hna thawk tha Dr. Lalrinawmi Ralte, Tlangnuam, Aizawl hnenah hlan a ni. Sailulak lal Dokhama fapa, 1839-a a piang Fanai lal huaisen Zakapa hian hmeichhiate a humhimna lama khin a nihnaah South Lushai Hills Superintendent CS Murray lakah thiam a chang a. Kum 1891-ah CS Murray chuan Zakapa lal na Khawhri a luh dawnin, lamkal tirin a riahpui tur nula lo ngaihtuahsak turin a ti a. Hei hian lal Zakapa chu a ti thinur hle. CS Murray-a'n Khawhri a thlen chuan lal Zakapa hnenah a nula riahpui tur a lo ngaihtuahsak em tih a zawh chuan Zakapa chuan chutiang hmeichhia an khuaa an awm loh thu in a chhang a. CS Murray chuan Zakapa hnenah "nula min zawn hmuhsak thei lo a nih chuan i nipui min pe tur a ni" a tih chuan Zakapa chuan banglaia a silai chuhin hmun leh hmunah CS Murray chu a tin ta a, C

#ZabilianZ Sept. 18: MNF Adviser Robert Romawia Royte-in "ZPM rorelna - Lunglei Municipal Council (LMC)-ah an hnathawh awm chhun chu car thar lei bawk a ni. Lunglei mipuiin an thlang sual tih an hre tan mek" a ti. MNF party chhung inkhawm vawiina neihah ZPM party nihphung sawiin, Robert Romawia Royte chuan "Thianghlim famkima an ingaihna tak hi Pathian leh mihring tehna atang pawha an fail-na chu a ni" a ti a. An thiltihah an nihna a lang lawi si niin a sawi. Robert Romawia Royte chuan mipuiin ZPM chungchanga thudik an hrechiang ta nia sawiin, "Unit kan din dawn lo ti thin khan a theihna apiangah an din a, MLA hlawh sang kan la ve dawn lo an tih laiin a la hmasatute an ni" a ti a. MLA car man tur sum an dawn ve loh tur thu leh designation plate an tar ve loh tur thu an sawi chungchangah pawh "MLA Car leina atana sum la hmasa leh MLA designation plate pawh a tar fiah fiah an ni" a ti. MNF Adviser chuan "tuna ZPM leader ang chi, political part

#ZabilianZ Sept. 18: ZPM Leader Lalduhoma'n  "Zu in mi kan sawisel lova, a tlawmngai ngai, fel leh inpe pe an ni fo. Zu in hi mimal thu a ni a, a hun leh hmun erawh kan hriat a ngai" a ti. ZPM Pisa-a party chhung inkhawmah he thu hi vawiin khan Lalduhoma chuan a sawi a. Zu chungchangah inzirtirna tha neih a ngai nia sawiin, state dang leh ram dangah pawh an leklam nasa a, thil sualah pawh an ngaih vak lo thu leh Mizoramah erawh khap bur a ni chunga zu a zalen em em chu pawi a tih thu a sawi. Lalduhoma chuan "ZPM hi mipui ten min beisei sang a, kan lakah an thikthu pawh a chhe bik" tiin, "ram rorelnaa Pathian ram tundin kan tumna kawngah kan danglam a ngai a, Pathianin min kaihhruai danah pawh kan lawm takzet a ni" a ti. ZPM chu Mizoram tana ding thei leh siamtha thei awmchhun nia sawiin, Lalduhoma chuan "NDA-in India ramah rorelna an chang leh a nih chuan kan hmabak a thim hle dawn a, chuvangin NDA zawmtu helaia party-te thleng hian mipui ten kan

#ZabilianZ Sept. 18: Mizoram pradesh Congress committee (MPCC)-in tun thla ni 15-a ZPM Champhai North block conference-a ZPM Leader Lalduhoma'n Mizoram sorkar leiba chungchang a sawi dan chu  thudik chanve hmanga mipui bum tumna nia sawiin, an ngai thutak hle niin an sawi. MPCC thuchhuahin a tarlan danin, Lalduhoma chuan sorkar leiba tam tak inchhekkhawl mek chu tuna sorkar laiin a bat chauh ni lovin, sorkar hmasa aṭanga inchhekkhawl chho zel niin a sawi a. "Document ṭha leh rintlak hai chhuah zung zung tur a awm tawh laia, hetiang thudik chanve hmanga mipui bum a la tum fan hi kalphung thar an aupuiah beisei tur a awm chuang lova, eng nge an kalphung thar chu tih hi Congress party ngaihdan a ni" MPCC chuan an ti. MNF sorkar a piangin Mizoram sorkar leiba a pung nasa tih chu thudik nia sawiin, MPCC chuan "Pu Lalduhoma sawi angin kan leiba te hi GSDP aṭanga teh tur a ni bawk. MNF sorkar term hmasa lamah khan Mizoram orkar leiba chu kum 2004-ah GSDP aṭanga tehin 102% a

#ZabilianZ Sept. 18: MNF party in kumtina an hman thin, hnam pasaltha, nunna chan te hriatrengna ni - Martar Day- (September 20) pualin MNF thalaiin naktukah Aizawl-ah two wheeler hmangin ‘Mizo Nationalism Rally’ an buatsaih dawn a. Hnam pasaltha Martar te ngaihlutu zawng zawng leh Mizo hnam hmangaihtute tel vek turin an sawm. Mizo Nationalism Rally chungchangah hian vawiin khan MNF thalai hruaitu ten thuthar thehdarhtute kawmin, rally chu chhun dar 12 ah AMC office bul, Thuampui veng atangin MNF thalai President Dr. L Thangmawia'n a vailiam dawn tih an sawi a. Chawhnu dar 2-ah Vanapa hall tualah Zoramin zalenna a sual laia Army Chief, tuna MNF Sr. Vice President Tawnluia hovin a kharna hun hman tur a nih thu an sawi. MNF thalai hruaitute chuan Mizo Nationalism Rally ah hian thangthar ten Mizoram Independence movement an hriat thar lehna a nih beiseiin Mizoramin zalenna a sual laia Hnam puanzar (Mizoram Flag) an pholang dawn niin an sawi bawk. 

  #ZabilianZ Sept. 18: Lakhimpur Bn., 2 Assam Rifles buatsaih hnam inpumkhatna chawinunna tura ruahman, National Integration Tour (NIT)-a kal tur MJA Gen. Hqrs-a member 8, zirtirtu 2 leh anmahni hruaitu tur te chu vawiin khan Tourism Minister Robert Romawia Royte-in Gajraj Hall, 2 Assam Rifles tualzawl atangin a vailiam. Tourism Minister chuan National Integration Tour thil tum ropui a tih thu leh tun dinhmun ngaihtuahin hnam inpumkhatna lam hawi programme buatsaih a ni chu finthlak a tih thu a sawi a. Mizo hnam ziarang leh nunphung mawi tak tak te hnamdang hmuna lantira zirtirtu nih tum tur leh hnam inpumkhatna kawnga Mizoram sorkar leh Assam Rifles hmalakna bakah Mizoram Tourism chungchang tarlangtu nih tum turin a chah bawk. National Integration Tour hi tun thla ni 26 thleng awh tura ruahman niin, Assam, Arunachal Pradesh leh Meghalaya-a hmunhma pawimawh hrang hrang te an tlawh ang. Vawiin vek khan Press study tour-a Sikkim kal tur Champhai District MJA member 9 leh I&PR Deptt.

#ZabilianZ Sept. 18: Siaha District Jail atanga a tlan chhuah hnua man a nih leh hnua Police kut atanga tlanchhuak leh a Kanan Veng, Aizawla In pakhat rawk leh tu nia hriat Vanrampana, Meisatla, Siaha chu vawiin chawhma lam khan man leh a ni. Nimin September ni 17 chawhma inkhawm hlan khan Kanan Venga in pakhat chu rawk niin, Scooty leh mobile phone ruk chhuah a ni a. Rukru hi rukruk thubuai avanga Siaha District Jail-a tang, tun thla ni 9-a tlan chhuak, tun thla vek ni 15-a man a nih leh hnua Police kut atanga tlan chhuak leh ta Vanrampana ni ngeia hriat a ni. Kanan veng leh a chheh vel branch hrang hranga YMA member te leh Police ten zawng zui nghalin, kum 24 mi Vanrampana chu vawiin chawhma lam khan Rangvamual-ah an man leh ta niin Police hotute chuan an sawi. Nimina Kanan veng, Aizawla in rawktu pawh amah ngei a lo ni tih thudawnna chuan a sawi bawk. Tarlan tawh angin Vanrampana hi rukrua puh a nih avanga man, a chungchang thu ngaihtuahlai niin, tun thla ni 9 khan a tan na Siaha Di

#ZabilianZ Sept. 17: Vishwakarma Jayanti leh Prime Minister Narendra Modi pian champha vawi 73-na denchhenin vawiin khan PM Vishwakarma Scheme chu New Delhi-ah Prime Minister-in a hawng a, Mizoramah pawh Union Minister of State BL. Verma hova he hun hi lo hman ve a ni. PM Vishwakarma Scheme hawnna hun hi vawiin khan India ram hmun hrang hrang 70 chuangah hman niin, Mizoram pawh chawhma dar 10:30 ah tanin, Vanapa Hall-ah hun hman a ni. Union Minister of State, DoNER changtu BL. Verma chuan kutthemthiamna lam thil chi hrang hrang tihchangtlunna tur PM Vishwakarma Scheme atan sorkar laipuiin Rs. vaibelchhe 13,000 a ruahman nia sawiin, ministry 3-in an kalpui dawn niin a sawi a. He scheme atanga hamthatna dawngtute chu suma tanpuina, training & stipend, hmanraw leina tur Rs 15,000 thleng leh an thil dehchhuahte hralhna tur te ngaihtuahsak an nih bakah dahkham ngai lova loan pung tlem Rs. nuai 3 thleng an lak theih tur thu a sawi. Khualzahawm Minister Lalruatkima pawhin thusawiin, kutth

#ZabilianZ Sept. 17: Kanan Veng, Aizawla In pakhatah vawiin chawhma inkhawm hlan khan mi tu tih hriat loh lutin, mobile phone leh Scooty a ru chhuak a. Rukru hi Siaha District Jail atanga tlanchhuak Vanrampana ni ngeia hriat a ni. Kanan Veng YMA hruaitute hnen atanga thudawn danin, vawiin chawhma inkhawm hlan khan mi tu tih hriatlohin an venga In pakhat chu a kalhna karchhiain a rawk a, an hriat mai theih chinah mobile phone leh Scooty rukbo a ni. Rukru hi CCTV atanga a lan dan leh tunhnaia Siaha District Jail atanga tlanchhuak, an man leh hnua tlan chhuak leh ta Vanrampana thlalak nen an khaikhin bakah an chhui zuina atangin rukru hi Vanrampana ngei nia hriat a nih thu Kanan Veng YMA hruaitute chuan an sawi a. A phone ruk lo leisaktu pawh vawiinah vek man a nih thu an sawi bawk. Tarlan tawh angin kum 24 mi Vanrampana hi rukrua puh a nih avanga man, a chungchang thu ngaihtuahlai niin, tun thla ni 9 khan a tan na Siaha District Jail atangin a tlanchhuak a. Tun thla ni 15 chawhnu lam kha

#ZabilianZ Sept. 16: Ministry of Development of North Eastern Region (DoNER) changtu Union Minister of State BL Verma-a'n naktuk Pathianni-a sorkar laipuia scheme thar Prime Minister Vishwakarma Scheme hawnna Aizawla hmanpui turin vawiin khan Aizawl a lo thleng. PM Vishwakarma Scheme hi Ministry of Small, Micro and Medium Enterprises hnuaia kalpui tur niin, naktukah IICC, Dwarka, New Delhi-ah Prime Minister Narendra Modi-a'n a hawng dawn a. He hun hi Aizawl-ah pawh Union Minister of State BL Verma hovin Vanapa Hall-ah chawhma dar 10:30 atangin an lo zawm ve dawn a ni. Naktuka Vanapa Hall-a he hun hmanna ah hian Rural Development Minister Lalruatkima chu khualzahawm a ni ang. Union Minister of State BL Verma chuan vawiin khan Aizawl lo thlengin, North East Special Infrastructure Development Scheme (NESIDS) sum Rs. nuai 1959 hmanga Lengpui Airport tihchangtlunna hna thawh mek a enfiah nghal a. He hna zawh fel hun atan December ni 4, 2023 thleng hun pawhsei ni mahse, kumin April n

#ZabilianZ Sept. 16: AMC leh Ward XVII bialtu Corporator David Zohmangaiha te hmalaknaa Rs. 14,00,000 senga a siam Republic veng Lungli tuikhura water treatment plant chu nimin khan Rajya Sabha MP K. Vanlalvena'n hawngin, Lungli Tuitlan Society kutah a hlan. Rajya Sabha MP K. Vanlalvena chuan AMC, bialtu Corporator leh Society member-te thahnemngaih zara Lungli Tui tihthianghlim leh sawngbawlna hawn theiha peihfel a ni chu lawmawm a tih thu a sawi a. Tui tihthianghlim bakah a sem chhuah dan tur thlenga mumal taka ruahman lawk a ni chu finthlak a tih thu a sawi bawk. Lungli Tuikhur tuihna humhalh hna chu March ni 4, 1996 atang khan tan a ni a. He tuikhur tlan tu ten mumal taka tui thianghlim leh hrisel mahni chenna in theuha an lak luha, an tlan theihna tura hma la turin chhungkaw 232 vel telna 'Lungli Tui Tlan Society' dinin a tul angin hma an la thin a ni. 

#ZabilianZ Sept. 16: Tun thla ni 12 zana an In bul kawrte (Tuikual lui) tuilianin a Vawk vulh lai nen a la nia hriat Pu F Lalhmingmawia (56), Dinthar veng, Aizawl chu vawiin khan thi-a hmuh a ni. Vawiin chawhma lam khan Buichali bul, Sairang Dinthar huam chhung Tlawng lui-ah ruang hmuh a ni a, tun thla ni 12 zana chesual Pu F Lalhmingmawia a ni tih finfiah a nih thu Dinthar veng YMA hruaitute chuan an sawi. Pu Hmingmawia Vawk ni ngeia rin chu tun thla ni 14 khan vau kamah hmuh a lo ni tawh bawk. Pu F Lalhmingmawia ruang hi Sairang Dinthar YMA hall-a lak a nih hnu-ah an In lam panpui a ni ang a, vawiinah vek vui tura ruahman a nih thu Dinthar veng YMA hruaitute chuan an sawi a ni. 

#ZabilianZ Sept. 15: Tun thla ni 9-a Siaha district Jail atanga tlan chhuak Vanrampana, Meisatla, Siaha, vawiin chawhnu lama man leh chu vawiin vek khan a tlan chhuak leh. Thudawnnain a sawi danin, kum 24 mi, Siaha District Jail-a tang tlanchhuak Vanrampana hian vawiin chawhnu lam khan Central Jail-a tang a thianpa tlawh a tum a. Jail duty ten lo ringhlelin, Siaha District Jail lam bepawpa an finfiah hnu ah an man a, Zonuam Police Out-post ah hlan a ni. Vawiin vek khan Police ten Damdawi In lama medical tura an hruai an let leh hnu ah Zonuam Police Out-post an thlenin handcuff nen a tlanchhuak leh niin thudawnna chuan a sawi. Tarlan tawh angin Vanrampana hi rukrua puh a nih avanga man niin, a chungchang thu ngaihtuah a nih laiin tun thla ni 9 khan a tan na Siaha District Jail atangin a tlanchhuak a, vawiin khan man leh niin, hemi hnu hian vawiin vek khan a tlan chhuak leh a ni. 

#ZabilianZ Sept. 15: Tun thla ni 9-a Siaha district Jail atanga tlangchhuak Vanrampana, Meisatla, Siaha chu vawiin chawhnu lam khan Central Jail-ah man a ni. Kum 24 mi, Siaha District Jail-a tang tlanchhuak Vanrampana hian vawiin chawhnu lam khan Central Jail-a tang a thianpa tlawh a tum a. Jail duty ten lo ringhlelin, Siaha District Jail lam bepawpa an finfiah hnu ah an man a, Siaha Police kutah hlan leh a ni ang. Vanrampana hi rukrua puh a nih avanga man, a chungchang thu ngaihtuahlai niin, tun thla ni 9 khan a tan na Siaha District Jail atangin a tlanchhuak a ni. 

 #ZabilianZ Sept 14: Tun thla ni 12 zana an In bul kawrte tuilianin a Vawk vulh lai nen a la nia rin Pu F Lalhmingmawia (56), Dinthar veng, Aizawl chu vawiin tlai dar 5:50 thleng khan a chin hriat a la ni lova. Vawiin khan a Vawk ni ngeia rin erawh Tlawng lui thlen thlak hma deuh vau kamah hmuh a ni thung. Pu F Lalhmingmawia zawn hna hi Dinthar veng bakah veng dang engemawzat leh Sairang, Sairang Dinthar leh Sihhmui YMA te bakah CYMA Quik Response Team ten ngawrh takin an chhunzawm zel a. Vaukamah riahbuk te suala riahchilhin, mi tlawmngai engemawzat an thawkchhuak a ni.       

  #ZabilianZ Sept 12: Aizawla Dinthar veng mawng lama cheng Pu F. Lalhmingmawia chu zanina ruahsur avanga an In bul kawrte tuilianah chesualin a chin hriatlohin a awm mek. Dinthar veng YMA hruaitute hnena atanga thudawn danin, zanin ruahsur kha an veng mawng lama kawrte tui chu tilianin, Pu F. Lalhmingmawia te Vawk in chu a chim a. Pu F. Lalhmingmawia chuan an Vawk chu a buaipui na lamah vanduaina a tawk ta a ni. Vanduaina tawk Pu F Lalhmingmawia hi zanin dar 10 thleng kha chuan a chin an la hre rih lova, mi tlawmngai ten an zawng mek a, YMA lam pawhin a zawn zui zel dan turah ruahmanna te an siam chho mek niin Dinthar YMA hruaitute chuan an sawi bawk.   

#ZabilianZ Sept. 8: Indian National 9 Ball Pool Championship, Daly College, Indore, Madhya Pradesh-a khelh mekah Mizoram Snooker & Billiards Association (MSBA) player Lalrina Renthlei-in Petroleum player Shahbas Adil Khan chu 9-5 frame-a hnehin semi final a lut a, naktuk chawhma dar 11-ah semi final an khel ang.  He inelna hi tun thla ni  1 khan tan niin, ni 15 thleng awh tura ruahman a ni a. Mizoram aiawhin Mizoram Snooker & Billiards Association (MSBA) player pathum - Lalrina Renthlei, Tuikhuahtlang, Aizawl; PB Liansangzuala, Dawrpui, Aizawl leh Laltlansanga, Lunglei te an tel a ni.

#ZabilianZ Sept. 8: Sports Minister Robert Romawia Royte-in budget tlemte nei chunga Sports department kaltlanga sorkar laipui scheme hrang leh CSR kaltlanga Rs. nuai 53,000 chuang hai chhuah a nih thu a sawi. 34th Mizoram Civil Services Association Annual Sports Meet, 2023-2024 (Phase-I) kharna hun a hmanpuinaah he thu hi vawiin khan Ramhlun Indoor Stadium Conference hall-ah Sports Minister chuan a sawi a. A department chan pathum Sports & Youth Services, Tourism leh ICT hmalakna hnuaia GST leh labour cess atangin Mizoram sorkar sum bawmah chhiah nuai sing chuang chhunglut thei tura rin a nih thu a sawi. Covid-19 avangin kum 2 chhung Annual Plan chhunga dah tawh, sum hmuh tur anga ngaih hmuh tak si loh Rs. vaibelchhe 2,600 chuang a awm laiin Covid-19 avanga sum hmuh chu Rs. vaibelchhe 70 chuang hret a nih thu Sports Minister chuan a sawi a. Hemi avanga harsatna hrang hrang karah sorkarin theihtawp chhuahin mipui rawngbawl hna leh hmasawnna ruhrel siam hna a thawh zel thu a sawi ba

#ZabilianZ Sept. 8: Lelte Award Organising Committee-in Manipur buaina tuartu Zofate tanpuina tura Helping Hands Concert leh Helping Hands - Street Donation an buatsaih atanga mi thahnemngaite sum thawh tlingkhawm leh he sum tlingkhawm atanga lei mipui mamawh hrang hrang te chu vawiin khan Lamka, Manipur-ah an sem. Lelte Award Organising Commitee hian Manipur buaina tuartu Zofate tanpuina turin August ni 15&16 zanah Vanapa Hall, Aizawl-ah Helping Hands - concert an buatsaih a, ni 18-ah Mount Carmel School, Aizawl nen Aizawl khawpui chhungah street donation an kalpui leh a, heta mithahnemngaite sum thawh tlingkhawm zawng zawng chu Rs. 17,61,908 a tling. Manipur Zofate tanpuina hlan tura Lamka-a kal Lelte Award Organising Committee te hi Lelte chanchinbu neitu leh Editor C Dinthlanga bakah Lelte Award Organising Committee Chairman  Lalnunkunga Sailo leh Secretary Armand Malsawmdawngzela ten an ho a ni.

#ZabilianZ Sept. 7: October 2, 2023-a LPS Arena, Falkland Veng, Aizawla khelh tan tur Tata SK 612 LPS Pro Fight Organising Committee vawiina thukhawmin lawmman sang zawk an ruahman a. Lawmman sem chhuah tur zawng zawng Rs 6,50,000 niin, hei hi kum danga lawmman an sem chhuah aiin Rs. nuai 1-in a tam a ni. Kum kaltaah weight tina champion-in Rs 50,000 leh pahnihnain Rs 20,000 an dawn laiin, kuminah chuan weight tina champion-in Rs 60,000, pahnihnain Rs 30,000 an dawng ang a, Semi-final leh quarter-final thleng chin te erawh tihdanglam a ni rih lo thung a, Semi-finalist-in Rs 10,000 theuh an dawng ang a, quarter-final thleng chin ten Rs 5,000 theuh an dawng ang. Tata SK 612 LPS Pro Fight-ah hian Organiser lamin lawmman sum an pek chhuah bakah KT Enterprise-in best boxer, promising boxer leh best challenger bakah best referee leh best judge hnenah lawmman pawisa fai leh trophy a pe dawn a. Inhnek zan apiangin GIG Motors Fighter of the Night hnenah lawmman pawisa fai pek thin a nih dawn ba

#ZabilianZ Sept. 7: Social Welfare & Tribal Affairs (SW&TA) Minister Er. Lalrinawma'n "Mizo hmeichhiate humhimtu Zakapa hriatreng nan hmeichhiate dinhmun chawikan leh humhimna kawnga thawk tha te hnenah kumin chhung hian Rs nuai 1 keng tel Zakapa Award sem tum a ni" a ti. Sorkar lapuia Social Welfare & Tribal Affairs Ministry hnuaia National Education Society for Tribal Students, Mizoram Eklavya Model Residential School Society leh SW&TA Deptt. Mizoram te tangtlangin an buatsaih - 2nd Mizoram State level EMRS Cultural & Literary Fest, ni hnih awh tur MZU Multipurpose Hall-a a hawnnaah he thu hi vawiin khan SW&TA Minister chuan a sawi. SW&TA Minister chuan tun thla-ah Mim Kût hmang tura inbuatsaih mek a nih thu pawh a sawi a. SW&TA Department-in hnam nunphung leh ziarang vawn nun kawngah theihtawp chhuah zel a tum thu a sawi bawk. Mizoram state level EMRS Cultural & Literary Fest-ah hian cultural leh literary item hrang hrang hmanga inel

#ZabilianZ Sept. 7: Mizoram DGP Anil Shukla-a'n vawiin khan Saitual tlawhin, Police-te hnathawh dan a enfiahin, an hmalakna lawmawm a tih thu a sawi a. An hnathawh tha te chhunzawm zel turin a chah a. Thuthar lakhawmtute a kawm bawk. DGP chuan ruihhlo tawlhruk leh hman sual do kawnga Police ten chak zawka hma an lak theihna turin District tin te tlawh chhuah a tum thu a sawi a. Inthlanpui lo awm tur atana district Police te inbuatsaihna enfiah leh District Police te kalphung leh hmanruate endik leh an mamawh hriatchian te a tum thu a sawi. Saitual Police Station leh Saitual SP office pawh tlawhin, an hmanraw neih leh an hnathawh dan te a enfiah a. Saitual police ten an harsatna leh mamawh an lo thlenah te hmalakpui a tum thu DGP chuan a sawi. DGP chuan duty leh discipline pawimawhzia sawiin "Police chu invawng tak a ni tur a ni," a ti. Mizoramah Police tam tak an service laia an thi thin chu pawi a tih thu DGP chuan sawiin, Police te chu an hriselna ngaipawimawh hle turin

#ZabilianZ Sept 01: Zirlaite pual, ni hnih awh tur Hnam lama inelna chu nimin atanga Vanapa Hall-a neih chu vawiin khan zawhfel a ni a. Middle school-ah Govt. Middle School, Reiek pakhatna an ni a, High School/HSS-ah Home Missions HSS pakhatna niin, College/University-ah Govt. Aizawl College pakhatna an ni. Mizo Cultural Organisation, school Education Deptt., Tourism Deptt. leh Mizoram State Sports Council te tangtlangin an buatsaih zirlaite hnam lama inelnaah hian - middle school, high/higher secondary school leh college/university te chu hnam lam chi hnih theuh hmangin an inel a. Middle school zirlaite Chawnglaizawn leh Cheraw hmangin an inel a, High school/HSS te Cheraw leh Sarlamkai hmanga inelin, College/university te Cheraw leh Chheih lam hmangin an inel bawk. He inelna kharna inkhawm chu vawiin tlai khan School Education Minister Lalchhandama Ralte leh Mizo Cultural Organisation Gen. Hqrs., President, Minister of State ni bawk Robert Romawia Royte ten an telpui a ni. Zirlaite pu

#ZabilianZ Sept. 1: Sairanga Railway lei dawh chima chhanchhuah hna leh ruang senghawi hnathawktute chu vawiin khan Home Minister, DM&R Minister ni bawk Lalchamliana hova inhmukhawmin, an hmalak dan te an thlirlet a. Chhanchhuah hna thawktute chawimawina hlan an ni. Home Minister chuan Sairanga Rel kawng lei dawh lai chim avanga chhiatna rapthlak tak thleng chu pawi a tih thu a sawi a. Chhanchhuah hna thawktute, ruang senghawi hna thawktute leh ruang thawnchhuah hna thawh dan te thlirletin thawktu ten hna an thawk tha hle nia a ngaih thu sawiin, "engemaw thleng leh palh theiah pawh ngaihtuahna fing zawk min pe ngei ang" a ti. Hmanraw mamawh te a theih anga tihchangtlun zel a nih tur thu pawh Home Minister chuan sawiin, Drone lian chi pawh lei tum a nih thu a sawi. DM&R Minister chuan leimin avanga harsatna tam zawk chu pumpelh theih nia sawiin, in sak leh lei laih kawngah fimkhur tlan a tul thu a sawi a. Tuitla an tam ta lutuk pawh pawi a tih thu sawiin, hemi chungcha