LPS Pro Fight Organising Committee thukhawm - lawmman sumfai tihpun an remti


#ZabilianZ Sept. 7: October 2, 2023-a LPS Arena, Falkland Veng, Aizawla khelh tan tur Tata SK 612 LPS Pro Fight Organising Committee vawiina thukhawmin lawmman sang zawk an ruahman a. Lawmman sem chhuah tur zawng zawng Rs 6,50,000 niin, hei hi kum danga lawmman an sem chhuah aiin Rs. nuai 1-in a tam a ni.

Kum kaltaah weight tina champion-in Rs 50,000 leh pahnihnain Rs 20,000 an dawn laiin, kuminah chuan weight tina champion-in Rs 60,000, pahnihnain Rs 30,000 an dawng ang a, Semi-final leh quarter-final thleng chin te erawh tihdanglam a ni rih lo thung a, Semi-finalist-in Rs 10,000 theuh an dawng ang a, quarter-final thleng chin ten Rs 5,000 theuh an dawng ang.

Tata SK 612 LPS Pro Fight-ah hian Organiser lamin lawmman sum an pek chhuah bakah KT Enterprise-in best boxer, promising boxer leh best challenger bakah best referee leh best judge hnenah lawmman pawisa fai leh trophy a pe dawn a. Inhnek zan apiangin GIG Motors Fighter of the Night hnenah lawmman pawisa fai pek thin a nih dawn bakah, technical official lawmman atan nikum ang bawkin zan khatah Rs 1,500 zel an bituk bawk.

Kumin Tata SK 612 LPS Pro Fight-ah hian Laldingliana leh F Zoramchhana ten WBC India title an chuh dawn bawk a. 2019 Pro Fight bantamweight champion Tuipui boxer Laldingliana'n WBC India bantamweight title a chuh theihna tura WBC hmunpui USA atanga sanction lakna senso chu Organising Committee member Dr Lalmuanpuia'n a tumsak dawn a. Nikum Pro Fight-a bantamweight Title Fight-a chak zo ta lo Cherhlun boxerF Zoramchhana'n WBC India super bantamweight title a chuh theihna turin GIG Motors neitu John Lalpeka'n sanction lakna senso a tum dawn thung. LPS Promotion-in an lawmman tur leh senso tul dang a ngaihtuah ve thung ang.

Tata SK 612 LPS Pro Fight-ah hian kum 17 chin chunglam a duh apiang tan tel theih a ni a, tel tum te tan tun thla ni 20 thleng dilna thehluh theihna hun hawn niin, vawiin tlai thleng khan boxer 258-in dilna an thehlut tawh a ni.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more