Aizawl North II biala MNF Candidate-in bial mipuite hruaitu leh hotu tur ni lovin, an aiawh tura penchhuak a nih thu sawi

#ZabilianZ Oct 21: Aizawl North II biala MNF Candidate Vanlalsawma'n "Mi hausa ka ni lova, mi ropui pawh ka ni hek lo, mi naran mai ka ni" tiin, bial mipuite hruaitu leh hotu tur ni lovin, an aiawh tura penchhuak a nih thu a sawi.

Aizawl North II biala Ramthar Veng Unit I MNF buatsaih Street Campaign leh Campaign Office hawnnaah he thu hi vawiin khan he biala MNF Candidate Vanlalsawma chuan a sawi a. Bial mipui tana theihtawp chhuaha, an hma hruaia, an hnungdawl tur leh nawr ngai na taka nawr tlat tur tein a intiam.

Vanlalawma chuan bial mipuite chu “Engtik lai pawhin in ban phakah ka awm reng anga, in tan tlanchhe lovin, theihtawp ka chhuah dawn" a ti a. MLA inthlan lo awm tura mipui tana rawngbawl hna a thawh theihna remchang siamsaka, vote tling ngei turin bial mipuite a ngen a ni.

He hun hmanpuitu MNF party General Secretary VL Krosshnehzova pawhin thusawiin, an sorkar chhunga harsatna chi hrang hrang thleng te chu opposition party ten hai derin  harsatna tawk lo ang maiin an ngai niin a sawi a. Engmah ti lo angin sorkar chu an ngai nia sawiin, pawi a tih thu leh harsatna hrang hrang thleng te hretu chu Zoram mipuite an nih thu a sawi.

Harsatna hrang hrang thleng karah ei leh barah mipui an hnianghnar a, Buhfai an dawng ṭha a, kawtkaiah Gas an sem a, eng pawh a ṭha em em niin MNF General Secretary chuan a sawi a. Chhungkaw 120000 hnenah SEDP sem a nih thu leh an sorkar leh chuan sem hmabak pawh sem chhunzawm zel a nih tur thu a awi. Family Oriented SEDP bakah Youth Oriented SEDP siamthar a nih tur thu a sawi bawk.