AMC Ward VI Bye-Elelction - BJP Candidate Chawnghmingthanga

#ZabilianZ Aug 08: Aizawl Municipal Corporation (AMC) Ward VI bye-election lo awm turah India rama rorellai pawl kaihhruaitu BJP chuan Chawnghmingthanga, Zarkawt, Aizawl chu an candidate a ni dawn tih vawiin khan an puang.

BJP candidate hi vawiin chawhma dar 11:30 khan BJP Office, Atal Bhavan - Mipui Rùn, Aizawl-ah BJP, Mizoram State President Vanlalhmuaka'n a puang a. An candidate chu BJP, Aizawl District-a General Secretary nilai a ni tih a sawi.

AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang.#zabilianz

Tarlan tawh angin AMC Ward VI bye-election chuh tum te tan tun thla 8 chawhnu dar 3 thleng hming pekluh theih a ni a, a tuk ni 9 chawhnu dar 1 atanga dar 3 inkarah hming pekluh te chu endik a ni ang a, inhnukdawk leh duh te tan tun thla ni 12, chawhnu dar 1 thleng hun hawn a ni ang.

AMC Ward VI bye-election atan hian state-a rorellai ZPM-in candidate an puang tawh a. H. Lalremtluanga, Chanmari West chu ZPM candidate tur a ni.

AMC-a rorellai MNF chu Congress party nen an thawkdun dawn a. He ward bialtu Corporator chatuan ram pan ta John Zosangliana Ralte nupui Lalrinfeli (Mafeli), Chanmari West chu MNF leh Congress candidate ințawm a ni dawn bawk.#zabilianz #zofatehuapzo