#ZabilianZ Apr 13: Directorate of Revenue Intelligence (DRI)-in Mizoramah ruihhlo methamphetamine Kg. 52.67, hei hi international drug market rate-a chhutin Rs. vbc. 52.67 vel hu niin, mi pahnih, a phurtu truck driver leh a puitu pawh man an ni.
Vawiina Union Finance Ministry thuchhuahin a tarlan danin, ruihhlo te hi April ni 11 zana man niin, truck pakhat-ah leirawhchan tiat vela fun, fun 53 an hmuchhuak a, a funna pawm lamah '3030 Export Only' tih leh '999' te a inchhut bakah lunghlu chhinchhiahna te chhut kai vek a ni. Heng thil fun chhunga awm te chu NDPS Field Test Kit-a endik a nih hnuah Methamphethamine an ni tih nemngheh a nih thu thuchhuah chuan a tarlang.#zabilianz
Ruihhlo phurtu truck hi Nagaland-a register niin, Meghalaya atanga Champhai-a cement a dah hnua Zokhawthar pana Zokhawthar atanga Tripura lam pan leh niin Union Finance Ministry thuchhuah chuan a tarlang a. Mizoram a chhuahsan hmain DRI-in lo tidingin, a ruihhlo phurh te chu an man ta niin a tarlang bawk.
Heng ruihhlo te hi Myanmar atanga Zokhawthar paltlanga lo lut nia rin a nih thu Union Finance Ministry thuchhuah chuan a tarlang a. Truck khalhtu leh a puitu chu Narcotic Drugs and Psychotropic Substances (NDPS) Act, 1985 hmanga thubuai siamsak an nih thu leh kuminah DRI-in hmarchhak bialah methamphetamine Kg 148.50 an man tawh thu a tarlang bawk a ni.#zabilianz #zabilianznews #zofatehuapzo
0 Comments