#ZabilianZ July 06: Khawmawi, Myanmar-a Chin National Defence Force (CNDF) leh Chinland Defense Force (CDF)-Hualngoram te nimina an inkahnaa thi C. Lalhmuakmawia (37) chu Chanmari West, Aizawl-a an in thlenpui a ni a, vawiin tlai dar 3-ah vui a ni ang.
C. Lalhmuakmawia te hi an chhungkuaa Chanmari West-a awm niin, a pa in chatuan ram a pansan tawh a, a nu hovin an awm nia thudawn a ni a. Thing mistiri niin, an vengah hian workshop te pawh a nei thin niin thudawnna chuan a sawi.#zabilianznews
Nikum khan Khawmawi-a an chhung ten an insak pui turin an chah chhova, hei hi cham zuiin, CDF-Hualngoram a zawm nia an hriat thu thudawnna chuan a sawi a. Nimina CDF-Hualngoram leh CNDF te inkahnaah khan a vanduai ta a. Zokhawthar YMA-in buaipuiin, nizan khan a ruang rawn hawpui a nih thu thudawnna chuan a sawi bawk.
Tarlan tawh angin CNDF-in CDF-Hualngoram te hi nimin zing lam atang khan ramri hrul, Zokhawthar ep, Myanmar lam Khawmawi khua-ah an inkap a. Chawhnu lam khan CDF-Hualngoram-in an awp china an camp zawng zawng chu CNDF ten luhchhuakin, an thunun a, inkahna pawh a tawp rih a ni.#zabilianz #zabilianznews #zofatehuapzo
0 Comments