#ZabilianZ July 21: Delhi-a enkawl mek Dampa bialtu MLA Lalrintluanga Sailo chuan zanin dar 9 khan chatuan ram a pan a. Naktukah a ruang rawn hawpui hman tumin Delhi-a cham mek Home Miniser K. Sapdanga hovin Delhi Mizo Welfare ten buaipui ngai te an buaipui mek a. Home Minister hian ruang rawn zui haw a tum niin ZabilianZ a hrilh a bawk.
Kum 65 mi Lalrintluanga Sailo hi Max Super Speciality Hospital, Delhi-a enkawl a nih mek laiin July ni 19, 2025 tlai lam atang khan a thawhah zual deuh avangin ventilator hmanga puih a ni a. Ziaawm leh mai tura ngaih a nih laiin zanin khan chatuan ram a pan ta a ni.
Dampa bialtu MLA Lalrintluanga Sailo hi a chhungkhat hnai, tuna damdawi in-a awmpuitu-in ZabilianZ a hrilh danin, pneumonia ten a tlakbuak avangin kumin April thla khan Greenwood Hospital-ah vawihnih an lut a. HDU-a dah ngai te pawhin awm mahse, a ziaawm chho viaua ngaih a ni.#zabilianznews
Ziaawm zel tura ngaih a nih laiin scrub typhus (rannung seh) ten a tlakbuak zui tak avangin June ni 2, 2025 khan Max Super Speciality Hospital, Delhi an pan a. Hemi hnu hian lo haw lehin kar hnih vel in lama an inenkawl hnu ah June ni 29, 2025 khan Max Super Speciality Hospital, Delhi bawk an pan leh a. ICU-ah te enkawl a nih hnuin a ziaawm chho leh viaua an ngaih laiin July ni 19, 2025 tlai lam atang khan a thawhah te zualin ventilator hman ngai hialin a awm a, ziaawm leh mai tura ngaih a nih laiin zanin khan chatuan ram a pan ta a ni.
Lalrintluanga Sailo hian a nupui Lalbiakthuami leh an fa te 5 (mipa 3 leh hmeichhe 2) a kalsan a ni#zabilianz #zabilianznews #zofatehuapzo
0 Comments