ZabilianZ

#ZabilianZ Dec 30: Indian Oil Corporation Limited Retail Sales, NE General Manager RK Sahab leh a thawhpui ten vawiin khan Chief Minister Lalduhoma hmuin, Mizoram Oil Depot a ranglama neih dan tur chungchang an sawiho. Chief Minister chuan Brig. T. Sailo hunlaia an lo buaipui tan tawh Mizoram Oil Depot chu vawiin thlenga a la puitlin loh thu leh mamawhna a san tawh thu a sawi a. Ramria innghirnghona a awm chang te, kawngpui dangtu awm changte, khuarel chhiatna avanga kawngpui a pin chang tein mipui ten harsatna an tawk fo tih sawiin, harsatna thleng thin chu rang taka chinfel thuai an duh thu a sawi bawk. Oil Corporation Limited Retail Sales, NE General Manager RK Sahab chuan a ram tur hmun remchang a awm phawt chuan hma an lak nghal theih tur thu Chief Minister chu a hrilh a. Khawvel thang chho zelah a remchan chuan Rel hmanga phurh thlen theihna hmun a that ber thu leh a zim berah ram Acre 25 a zau tal a tul thu te, mihringin an chim lutuk lohna hmun a that thu te a hrilh. Chief Mini

#ZabilianZ Dec 29: Sports & Youth Services Minister Lalnghinglova Hmar chu nimin khan Addl. Director General NCC, North Eastern Region Maj. Gen. Gagan Deep leh NCC hotute dang ten a pisa-ah hmuin, Mizo thalaite tan NCC kaltlanga huapzau zawka hmalak dan an sawipui. Sports Minister chuan NCC chu thalaite tan thil tha tak, mahni inrintawkna, inthununna leh nun kaihhruaina tha inzirtirna a nih thu leh Mizo thalai ten an tangkaipui hle thin nia a hmuh thu NCC hotute chu a lo hrilh a. Ruih theih thil laka thalaite an fihlim theih nan leh nun kawng dik an zawh theihna turin NCC chu thalaite tan hmanraw tha leh pawimawh tak nia a hriat thu a sawi. NCC kaltlanga Mizo thalaite sipai officer-a an lut thin pawh lawmawm a tih thu Sports Minister chuan sawiin, tam zawk an luh zel thei dan kawng dappui turin NCC hotute chu a lo ngen bawk a ni.

#ZabilianZ Dec 24: Krismas leh Kumthar vuakveta Aizawl khawpui chhung branch, zan lama YMA Duty te chu CYMA hruaitu ten tlawh kualin, thingpui in na tur Rs. 3,000 theuh an pe. Branch YMA duty te tlawhchhuak tur hian CYMA OB leh CEC member te chu hmun hrang hrangah an insem darh a.  YMA duty te thingpui in na tur Rs. 3,000 theuh an pek chu Mizoram sorkarin Rs. 3,00,000 a pek atanga sem chhuah a nih thu CYMA hruaitute chuan an sawi a. Tlawmngaia duty te puihna tur ruahmanna siam a nih avanga Mizoram sorkar chunga an lawmthu an sawi bawk. 

#ZabilianZ Dec 22: Tun thla ni 19 zana Mamit-a Dy. Commissioner of State Tax Office rawktu nia rin mi pathum te chu tukin dar 2 vel khan Police-in Aizawl-ah an man. Thudawnnain a sawi danin, tukin dar 2 vel khan Treasury Square, Aizawl-ah Police duty ten rinhlelh thu ah mi 3 manin, thu an zawtfiah a. Mamit-a Dy. Commissioner of State Tax Office rawktu an nih thu an inpuang niin thudawnna chuan a sawi. Mamit-a Dy. Commissioner of State Tax Office rawktu an nih thu Police hmaa inpuang mi pathum te hi - Kum 20 mi Zothanpuia, Mamit vengthar nia insawi te, kum 27 mi, Chhinga veng, Aizawl nia insawi leh Zoramsangzuali, Mamit High School veng nia insawi te an ni a. An pathum hian Aizawla Hotel pakhata VIP room-ah thlengin, hotel-a an thlenna room atangin Police-in Rs. nuai 4.35 an hmuchhuah bakah an pawisa ruk hmanga an lei guitar, sana, mobile phonne, thawmhnaw leh thildang te an hmuchhuak a. Sorkar pisa rawktu nia insawite hian Rs. nuai 4 chu Heroin ngaihtuahsak tura an tih Siamthara, Bawng

#ZabilianZ Dec 21: Serchhip District MJA-in kumtina an tih thin angin vawiin khan member ten an thawhkhawm atangin Serchhip District Hospital Poor Fund leh Serchhip District Jail-ah te tanpuina an pe. Serchhip District MJA hian Serchhip District Hospital Poor Fund leh Serchhip District Jail-ah te Rs. 5,000 ve ve an hlan a. Serchhip District MJAin tanpuina sum an thawhkhawm zawng zawng Rs. 14,000 niin, District Hospital Poor Fund leh District Jail bakah CHC Thenzawl Poor Fund leh IAH Thenzawl Poor Fund-ah Rs. 2000 ve ve naktukah an hlan leh dawn a ni. 

#ZabilianZ Dec 21: Aizawl Municipal Corporation (AMC)-in kumin October ni 1-8 chhunga Faina Hapta denchenna faina kaawanga inelna a buatsaih chu vawiin khan a hmawr bawkin, AMC Auditorium-ah Aizawl Mayor Lalrinenga Sailo hovin lawmman semna hun an hmang. He inelna hian AMC hmalakna tam tak zingah Local Council 85 atanga veng fai thlan chhuahte, bawlhhlawh thliar hrang tha veng thlanchhuahte, faina leh thianghlimna kawnga hma la tha mimal chawimawi te, vantlang inthiarna tihchangtlunte leh hmankhat daih plastic (single use plastic) khap chungchanga hmalaknate a huam a. Aizawla veng fai berah Republic Vengthlang thlan niin, Rs 50,000 an dawng. Pahnihna Laipuitlang niin, Rs 30,000 an dawng a, pathumna Thakthing vengin Rs. 20,000 an dawng a. Veng 5-in consolation prize Rs.5,000 theuh an dawng bawk. Bawlhhlawh thliar hrang tha Local Council pathum - College Veng, Chawnpui leh Bethlehem Vengthlang ten Rs 5,000 theuh an dawng a. Faina leh thianghlimna kawnga hma la tha mi 23 hnenah chawimawin

#ZabilianZ Dec 21: MJA Charity Fund atangin Mizoram Journalists' Association (MJA) Gen. Hqrs chuan Manipur buaina tuartu Zofate tan Zofa Global Council hnenah Rs 26,500 leh Civil Hospital, Aizawl Charity Fund-ah Rs 50,000 pein, tanpuina sum hi vawiin khan MJA aiawhin President C Lalrambuatsaiha'n a dawngtu tur te hnenah a hlan. MJA Gen.Hqrs hian kumtin Krismas dawn apiangin Charity Fund a khawn \hin a, miharsate \anpuina turin MJA member ten sum an thawhkhawm \hin. Kuminah pawh MJA member \hahnem takin sum an thawhkhawm leh a, MJA Charity Fund atana sum thawhtu zingah MJA member ni lo mithahnemngai dang an awm thin bawk. MJA Gen. Hqrs. hian tukin khan Aizawla awm MJA member kum lama upa mi pakua hnenah Krismas thilpek an hlan bawk a ni.

#ZabilianZ Dec 21: ZPM party Vigilance department-in District Council & Minority Affairs (DC&MA) Minister hlui Robert Romawia Royte, Office of Profit dan bawhchhiaa puha Larsap kaltlanga Election Commission of India (ECI) hnena chhui chiang tura an ngen chungchangah DC&MA Minister hluiin thiam a chang. Kumin February ni 28 khan ZPM Vigilance department chuan DC&MA Minister hlui Robert Romawia chu Office of Profit dan bawhchhiaah puhin Mizoram Larsap kaltlangin ECI-ah chhui chiang tura ngenna an thlen a. Hemi chungchang hi ECI-in a chhui chian hnuah tunhnai khan Mizoram Larsap hnenah an thutlukna chu an pe a. ECI thurawn angin Larsap chuan tun thla ni 14 khan Robert Romawia chu puh a nihnaah thiamlohna a neih loh thu hriattirna a tichhuak ve bawk. Mizoram Chief Secretary pawhin Larsap thupek angin vawiin khan puh a nihnaah Robert Romawia'n thiamlohna a neih loh thu chu Mizoram Gazette (Extraordinary)-ah a tichhuak a. Mizoram Gazette-a tarlan a nih danin, 'ECI chu

#ZabilianZ Dec 21: Excise and Narcotics Department,  Mamit District chu hunpui lo thleng tur atan ngawrh takin an inbuatsaih zel a, motor khaltu ten rui chungin an passenger-te an phur em tih te breath analyzer hmangin an enfiah. Lirthei khalhtute enfiah hi hunbi bi nei chuang lovin a remchan dan angin an chhunzawm zel an tum tih an sawi a. Passenger phur driver zu rui man an nih chuan, hrem ngei an nih tur thu sawiin, mipui him zawkna atan rui chunga passenger la lo turin driver te an ngen. Passenger te pawh mahni chuanna motor driver ten rui chunga motor an khalh chuan Police station hnai berah report thin turin an ngen a. Driver man avanga kawnglaka motor tlan khaihlak a awm a nih pawhin mipuite himna tur a ni tih hriaa an hmalakna thlawp turin Excise and Narcotics Department chuan mipuite an ngen bawk. 

#ZabilianZ Dec 20: PHE Department leh Central YMA ṭangkawpin nizan khan rampum huap faina lama hma la ṭha te chawimawina hun -Faina Thlentute Ni- an hmang a, PHE Minister Prof. Lalnilawma'n hmanpuiin, phutlet nei lo leh mahni ṭhahnemngaihnaa khua/veng faina atana hma la ṭhin mi 46 te chawimawina hlan an ni. He hun hmanpuitu PHE Minister Prof. Lalnilawma chuan “Kan ram fai tur hian sawrkar hmalaknain programme hrang hrangte duan a lo ni tawh thin a, nasa takin hma min sawn tir bakah, sawrkar, khawtlang hruaitute leh mimal thahnemngaite ṭanrualna vang a ni" a ti a. Ram leh hnam hmasawn tur chuan a chhunga cheng mipuite zawng zawng an pawimawh thu sawiin, "kan theihna zawnah ṭheuh ṭhahnemngaihna nen theihtawp kan chhuah hian rahbi thar kan kai thin" a ti. Faina Thlentute Ni hi kumin kumtir Pawlkut thla ni 27 (zirtawpni) khan PHED leh CYMA Coordination Committee chuan hman a rel a, thlanchhuah hna chu ram pum hrut chhuaka puanzar niin, a dap chhuah hna pawh CYMA kaltlang

#ZabilianZ Dec 18: Dampa bialtu MLA Lalrintluanga Sailo-in sorkarna an chan tak loh avangin West Phailenga College din tura hmalak an tumna a hlawhtling thei lovang tih a hlauh thu a sawi. Lalrintluanga Sailo chuan vawiin khan a bial tlawhin, West Phaileng-a amah lo lawmtute hmaah he thu hi a sawi a. West Phaileng MUP hruaitute nen West Phailenga College din tura hmalak an tum thu sawiin, sorkarna an chan tak si loh avangin an hlawhtling lo mai ang tih a hlauh thu a sawi a ni. Sorkar hmasa lama West Phaileng Bazar sakna tur NEC kaltlanga an lo buaipui tawh hmanga Commerce & Industries Dept. leh PWD kaltlanga sak ṭan mek pawh Dampa bialtu MLA chuan a tlawh a. West Phaileng leh a chhehvel khua ten an hman ṭangkai thuai theihna tura a hun taka zawh a nih theih nan thawktu te pawh tawiawm tha turin West Phaileng mipui te chu a chah. Dampa bialtu MLA chuan MLA inthlan zawh taka amah thlang tlingtu Dampa bial mipuite lawmthu hrilhin, Dampa bialin nasa zawka hma a sawn theihna tura a thei

#ZabilianZ Dec 18: Mizoram MLA inthlan zawh taka Serchhip district-a hmeichhe vote thlak thatna MHIP Branch te hnenah vawiin khan Serchhip district SVEEP Nodal Officer, District Information & Public Relation Officer (DIPRO) Lalnunmawii'n lawmman a hlan. Serchhip district-a hmeichhe vote thlak thatna ber Neihloh khua-ah hmeichhe vote nei zinga za-a 94.95 in vote an thlak avanin Neihloh Branch MHIP-in lawmman Rs.10,000 an dawng a. Pahnihna - Buhkangkawn-ah hmeichhe vote nei zinga 94.82 in vote thlakin, Buhkangkawn Branch MHIP-in Rs 7,000 an dawng a. Pathumna - Hriangtlang-ah hmeichhe vote nei zinga za-a 93.89 in vote thlakin Hriangtlang Branch MHIP-in Rs. 5,000 an dawng bawk. An ni bakah hian za-a 90 chin chunglam hmeichhe vote thlak awmna MHIP Branch 14 ten Rs. 5,000 theuh leh za-a 80 chin chunglam hmeichhe vote thlak awmna MHIP Branch 68 ten Rs. 1,000 theuh an dawng bawk a ni. Sorkar thuchhuahin a tarlan danin Serchhip District Election Office hnuaia SVEEP kaltlangin Serchhip D

#ZabilianZ Dec 17: Home Minister K. Sapdanga'n district pathum - Saitual, Khawzawl leh Champhai district te tlawh turin naktukah a zin chhuak dawn tih sawi. District pathum tlawha a zin chhuah tur thu hi Home Minister chuan a Instagram page-ah a tarlang a. "District ramria official ten Home Minister zin an lo hmuah thin chu tih tawh loh ni se ka ti" tia tarlangin, kawtchhuaha mipui pungkhawma inhmuahte leh inzawn thlengin tih loh ni se tia a ngenna an zawmsak dawn avanga a tlawh tur khaw mipuite hnena lawmthu sawina a tarlang. Home Minister chuan a tul chin bakah chuan sorkar resource leh mipui hun leh tha heh lo zawnga chettlat intihhmuh deuh deuh tula a hriat thu pawh a tarlang a. "Tihphunga kan lo neih tawh hi thil ho tê thlengin thlak danglam a harsa fo thin. Chuvangin, kan tlawh tur khua official leh VC te be lawkin hetiang ngenna hi ka siam a ni" a ti bawk.

#ZabilianZ Dec 14: Hrangturzo bialtu MLA Lalmuanpuia Punte chu Adviser to Chief Minister (Political) atan ruat thar a ni a. Aizawl West I bialtu MLA TBC Lalvenchhunga chu Adviser to Chief Minister (Finance) atan ruat thar niin, Champhai North bialtu MLA H. Ginzalala chu Adviser to Chief Minister (Technical) atan ruat a ni a. Lawngtlai East bialtu MLA Lorrain Lalpekliana Chinzah pawh Adviser to Chief Minister (Health & Family Welfare & Agriculture) atan ruat thar a ni bawk.  

#ZabilianZ Dec 13: Speaker of Mizoram Legislative Assembly Speaker hlui Dr. Kenneth Chawngliana chu Mizoram State Planning Board Vice Chairman atan ruat a ni a. Tuichang bialtu MLA atana thlan thar W. Chhuanawma pawh Deputy Government Chief Whip atan ruat thar a ni. 

#ZabilianZ Dec 13: Information & Public Relations (I&PR) Department Deputy Director Andrew H.Lalremruata'n vawiin khan Lawngtlaia District Information & Public Relations Office leh an hmunhma te tlawhin, thawktu ten mamawh an lo thlen te thuneitu sang hnena thlensaka hmalaksak a tum thu a sawi. I&PR Dy. Director hi Lawngtlai District Information & Public Relations Officer (DIPRO) Hmingthanzuala leh a thawhpuite bakah Lawngtlai District MJA President Lalngheta Ralte ten an lo dawngsawng a. DIPRO, Lawngtlai-in mamawh an neih te lo thlenin, building cheithat leh thuamthat ngai te an enho nghal a ni. Andrew H. Lalremruata chuan Lawngtlai-ah I&PR leh Journalist ten thawhhona tha tak an nei tih an hriat thin thu leh lawmawm an tih thu a sawi a. MJA President-in ngaihpaiwmawh zual a neih, a hnena a lo thlen te pawh a theih anga enzuisak a tum thu a sawi bawk.

#ZabilianZ Chief Minister Pu Lalduhoma leh a nupui Pi Liansailovi ten vawiin khan Mizoram Chief Minister hmasaber Pu Ch. Chhunga nupui Pi Rothangi chu Saron Veng, Aizawl-a a chenna In-ah an tlawh. Chief Minister thar te nupa hian Chief Minister hmasaber nupui chu duhsakna chibai bukin, pangpar an hlan a. Chief Minister hmasaber nupui pawhin Chief Minister thar te nupa chu lo lawmin, tluang taka sorkar a kaihhruai theih nan Chief Minister thar chu duhsakna a lo hlan a. Chief Minister Bangla-a an luh hunah la tlawh ve ngei a tum thu a lo hrilh bawk. Kum 1972-a Mizoram UT sorkara Pu Ch. Chhunga Chief Minister a nih khan tuna Chief Minister ni ta Pu Lalduhoma hi a Private Secretary ni turin a ruat a, chutatang chuan tun thlengin a chhung te nen pawh inpawh takin an awm zui ta nia sawi a ni. Mizoram Chief Minister hmasaber nupui Pi Rothangi hian kumin June ni 11 khan a kum 99 tlin lawmin, tunah hian a kum 100-na a hmang chho mek. A hriselna a la tha viau a, a mit leh beng pawh a la tha viau

#ZabilianZ Dec 12: Mizoram Legislative Assembly Speaker thar Lalbiakzama'n vawiina Assembly thutkhawm zawha thuthar thehdarhtute a kawm hnuah Mizoram Legislative Assemby Speaker hmasaber Dr. H. Thansanga thurawn leh malsawmna dawng turin a pan nghal a. Synod Hospital, Durtlang-a enkawl mek  Dr. H. Thansanga chuan Mizoram Legislative Assembly Speaker thar Lalbiakzama chu thurawn tha tak tak lo pein, Pathian hnenah malsawmna dilin a lo tawngtaisak a ni. 

#ZabilianZ Dec 11: MNF party President Zoramthanga'n "a hlawhtling lo zawkah tang mah ila, inthlan result hi kan thatna tur zawka Pathian remruat a ni tih kan pawm" a ti a. Kum tharah an insiamthat vek tur thu sawiin, rawtna zawng zawng pawh ngaithlak vek a nih tur thu a sawi. MNF party chhung inkhawm vawiina neihah he thu hi MNF President Zoramthanga chuan a sawi a. "MNF party atangin MLA 10 lai Pathianin min pe hi a lawmawm hle" tiin, MLA inthlan neih zawh taka party worker te thawhrimna leh mipuite thlawpnaah lawmthu a sawi. Zoramthanga chuan an sorkar loh avangin an zavaiin an na tih an hiat thu sawiin, "Pathian remruat dan zawh rual a ni lova, ZPM sorkar turin Pathianin rem a ruat a ni tih pawm thiam ila, Pathianin Zoram hi han enchhin ve reng reng a duh a ni", a ti a. Zoram hmun hrang hranga an party worker ten zam mai lova rilru thar nen tan an lak theuh a pawimawh thu sawiin, "chak zawkin hei aia tha hian kan kal anga, kan tho kang leh nge

#ZabilianZ Dec 11: Mizoram MLA inthlan zawh taka Siaha biala BJP atanga thlan tlin Dr. K. Beichhua-a'n BJP a hlauhawmlo nia sawiin, hlauh tur dik chu Pathian a nih thu a sawi a. "Ei tur min petute kan do tlat chuan harsatnain min tlâkbuak ang" a ti. BJP-in an party atanga MLA atana thlan tlin mi pahnihte lawmpuina hun an hmanna ah he thu hi vawiin khan Dr. K. Beichhua chuan a sawi a. "Khawvela cheng minung, nitina ei a, in a, e chhuak ṭhinin ei tûr petu a hlauha, a do tlat chuan harsatna tam takin a tlâkbuak dawn" a ti a. Do tur diklo do tlat ṭhin te chu an dam khawchhuak ngai lo niin a sawi. Dr. K. Beichhua chuan "Mizoram mipuite hian hlauh loh tur kan hlauh ṭhin avang hian 'kan va mawl tak êm!' kan tih hun a la thleng dawn" tiin, "Pathian leh mipui zara Mizoram MLA ka nih angin hlauh tur dik tak Pathian hi hlau zawk tur leh kan ram ṭhan lenna tur leh hmasâwnna min pe theitu tur party lam hawi turin Zoram mipuite ka sawm a ni," a ti

#ZabilianZ Dec 11: Tourism Minister Lalrinpuii'n India Hmarchhak tlawhtu khualzin zingah za-a 0.01 chauh Mizoramin tlawhtu kan nei a, hei hi chona min petu ni se. Tourism hnuaia hnathawk zawng zawngte nasa lehzuala tan la turin ka sawm a ni" a ti. Mizoram Tourism-in Aizawl sipai lammual-a ni ruk chhung awh tur Winter Festival Cum Mega Exhibition a buatsaih a hawnna ah he thu hi vawiin khan Tourism Minister chuan a sawi a. Thalai ten eizawnna tluantling an neih theihna tura hmalaknaah Tourism Industry kaihhnawih training buatsaih tum a nih thu leh Tourist management lamah pawh hmalak a nih tur thu a sawi bawk. Winter Festival Cum Mega Exhibition-ah hian Food Court telin stall hrang hrang 100 siam a ni a. Mizo kutchhuak thiamthil chi hrang hrangte pawh a duh tana lei theih tura phochhuah a ni a. Tunkar Inrinni thlengin chawhnu dar 2 atanga zan dar 10 thlengin zai leh lam te bakah intihhlimna chi hrang hrang nen hun hman thin tura ruahman a ni.

#ZabilianZ Dec 11: Mizoram sorkar thara Minister leh Minister of State ten vawiin khan an Pisa an luahlut tan hlawm a. Home Minister thar K. Sapdanga pawhin a pisa luah tanin, Rev. Dr. K. Lallawmzuala'n Home Minister leh a pisa leh thawktute Pathian hnenah a hlan. K. Sapdanga hian Home Deptt. bakah Urban Development & Poverty Alleviation (UD&PA) Deptt., Department of Personel & Administrative Reforms (DP&AR) leh Disaster Management & Rehabilitation (DM&R) Deptt. te a enkawl dawn a ni. PWD Minister thar Vanlalhlana pawhin vawiin vek khan a pisa luah tanin, Pastor Lalremruata Ralte-in Minister leh a pisa leh thawktute Pathian hnenah tawngtaiin a hlan a. Minister Vanlalhlana hian PWD bakah Transport Deptt. leh Parliamentary Affairs te a enkawl ang. Minister C. Lalsawivunga pawhin vawiin khan pisa luah tanin, Pastor John Raldosanga'n Minister leh a pisa leh thawktute Pathian hnenah a hlan a. C. Lalsawivunga hian Local Administration Deptt., District Council

#ZabilianZ Dec 10: Mizoramah Force Motors dealership vawihnih tihtawp ni tawh mahsem automobile lama tawnhriat nei tha LBS Group-in lalut thar lehin, nimin khan Bawngkawn South YMA hall-ah Force Motors Limited President Rakesh Maru-a'n a hawng. Force Motors Limited President Rakesh Maru chuan an inpekna leh an hnathawh dan avangin LBS Motors chungah rinna an nghat tih a sawi a. Hlawhtling taka an kalpui theihna tura duhsakna a hlan rualin - service, spare part leh traning lamah an pui dawn tih a sawi. LBS Motors Managing Board member H Ngurdingliana Ngurte-in mi hrang pahnihin Mizoramah Force Motors dealership an kalpui tawh thu leh chhan hrang hrang avanga a tawp ve ve tawh thu a sawi a. Tuntumah hian an dil vanga hmu an nih loh thu leh Force Motors-in Mizorama dealer ni tura an ngenna an hnawl hnuah intiamkamna tha tawk nen inremna an siam thu a sawi. H. Ngurdingliana chuan Force Motors nen kum 2019-ah an indawr tawh thu sawiin, kumli hnuah an puitlin thei chauh tih a sawi a. &qu

#ZabilianZ Dec 08: South Tuipui bial MNF West block-in South Tuipui bial MLA atana thlan tlin, ZPM candidate Jeje Lalpekhlua an lawmpui thu an sawi. South Tuipui bial MNF West block chuan vawiin khan an President J. Lalchhuana kaihhruaiin Hnahthiala MNF party pisa (Hnam Run)-ah MLA inthlan zawhfel tak an thlirlet a. South Tuipui bial MLA tura thlan tlin Jeje Lalpekhlua an lawmpui thu hi an sawi a. Hnahthial district leh bial hmasawnna tura hmachhawp tam tak an la neih te chak taka bawhzuia a tihhlawhtlin ngei an beisei thu sawiin, duhsakna an hlan a ni. Zoramthanga kaihhruai sorkar kal tawhin ram leh hnam tana a hmalak tawhna hrang hrang te pawh ropui leh chhuanawm an tih thu South Tuipui bial MNF West block chuan an sawi a. "MNF party min hruai zel tur pawhin tha kan ti a, kan ring tawk a ni" an ti. Sorkar liamtaa South Tuipui bialtu MLA Dr. R. Lalthangliana chu kum 5 chhung (2018 - 2023)-a bial nu leh pa nih tling, zo taka bial enkawltu nia sawiin, an thlang tling zo ta lo

#ZabilianZ Dec 08: Minister atana lakluh thar - K. Sapdanga, Lalnghinglova Hmar leh Dr. Vanlalthlana ten Minister atana vawiina lakluh an nih hnuah Aizawl Press Club an tlawh nghal a, MJA member te nen inkawmin, thingpui an inho. Minister thar pathum te leh MJA member te inkawmhona hi MJA Gen. Hqrs. President C. Lalrambuatsaiha'n a kaihhruai a. MJA President hlui, Home Minister thar K. Sapdanga chuan media chu Minister a nihna kawng sialtu leh hlangkaitu nia sawiin, he mawhphurhna a namluttu media a nih angin MJA member te chu amah ṭawiawma thlawp tur leh finchhuah thin turin a sawm. Home Minister thar chuan ramria sumdawng driver te laka  receipt awm lo tur chhiah lak awm thin chu ram hmel tibaltu nia a hriat thu leh, tih tawp ṭul a tih thu a sawi bawk. Sports Youth Service Minister thar Lalnghinglova Hmar pawhin MJA member te chu a tih dik loh te hrilh hreh lova, a ṭul anga thurawn pe tur leh finchhuah thin turin a sawm. DIPR Minister thar Dr. Vanlalthlana pawhin chanchinbu khawv

#ZabilianZ Dec 08: Chief Minister atana vawiina lakluh a nih zawhah Mizoram Chief Minister thar Lalduhoma'n Raj Bhavan atangin Sakawrtuichhuna Tawngtai Bethel Camping Centre (TBCC) a tlawh a, TBCC chhung inkhawm a telpui. Chief Minister chuan, an sorkar huna tih tur pawimawh an duan zinga pakhat chu 'ram rorelnaah Pathian ram lo thleng rawh se' tih a nih thu sawiin, "Pathian lal ram lo thleng tur lo dipdaltu lian tak pakhat chu ruihhlo a ni" a ti a. "Chief Minister atana lakluh ka nih hnua mahni in pawh tlawh lova he hmun ka tlawh chhan chu he Centre leh a anpui kan rama inenkawlnate kan ngaipawimawh vang a ni" tiin, zu leh ruihhlo laka thalaite humhim an nih theihna tura sorkarin theihtawp a chhuah tur thu leh ruahmanna pawh siam a nih thuai tur thu a sawi. Lalduhoma chuan "Kan Home te, Jail te leh Centre hrang hrang te hi sual laka fihlim nan chauhva hmang lova kan fihlim tawh hnua eizawnna leh thiamna hlu tak tak hmuh theihna hmun atana buatsaih

#ZabilianZ Dec 07: Laldinpuia, Chawnpui Veng, Aizawl (Ebenezer damdawi in bul) chu nizan dar 10 vel khan Tuirial lui, N. Serzawl ramah chesualin a tla a, zawn mek a ni. Kum 45 mi Laldinpuia hian nupui fanau neiin, lui leh ram lamah te ei a zawng a țhin a. Nizan khan a țhian te nen an lui kalna ah a chesual palh niin thudawnna chuan a sawi. Chalfilh Group YMA hruaitu ten ZabilianZ an hrilh danin, tui tla zawn hna hi a theih ang anga thawh nghal ni mahse, ruah a sur reng avangin chetlak a harsa hle a.  Lawngleng an neih tam tawk loh avang leh ei leh in senso thlenga a haitak ve theih bawk avangin Group YMA ruahmannain tuithiam te leh YMA hruaitu țhenkhat te chauh tui tla zawng tur hian an thawk chhuak rih a. Ruah a sur reng avang leh khua a vawh avangin duh angin tui thiam te pawh an che hleithei rih lo a ni.

#ZabilianZ Dec 07: Millionaire Farmer of India Award 2023 chu nimin khan Delhi ah sem a ni a, Mizoram atangin - KB. Sangkhuma, Rabung, Khawzawl district; M. Hrangmawia Siata, Siaha district; VL Remruatpuia, Darlak, Mamit district leh Vanlalfela N. Vanlaiphai, Serchhip district ten an dawng. Award dawngtute hi Mizoram KVK-in nomination an siam atanga thlan chhuah an ni a. He program hi Krishi Jagran te chhawpchhuah niin, Mahindra Tractor ten an sponsor a ni. Khawzawl district atanga he award dawngtu KB. Sangkhuma hian Sawhthing, Fu leh Silk pangang khawiah te hmalain, kumin hian Sawhthing quintal 70 lai chingin a tlem berah quintal 400-500 a thar beisei a ni a; A hmalakna atangte hian he Award hi a dawng a ni. Siaha district atanga dawngtu M. Hrangmawia chuan Sial, Bawng, Vawk, Kel, Beram leh Ar vulhin hma a la a, tunah hian sial, a note nen 250 vel neiin, Sangha dil lian tak tak 5 atanga sangha tam tak thar chhuah leh a ranvulh dangte avangin he Award hi a dawng. Mamit district atanga

#ZabilianZ Dec 05: MNF President Zoramthanga'n MLA inthlan neih zawh takah a kaihhruai party MNF-in hnehna an changzo ta lo chu President a nih anga a mawhphurhnaah ngaiin MNF President a nihna atanga banna a thehlut. Zoramthanga chuan MNF President a nihna atanga banna hi vawiin khan MNF Senior Vice President Tawnluia hnenah a thehlut a. Hemi chungchang hi naktuk chhun dar 12-ah MNF National Core Committee (NCC) leh Political Affairs Committee(PAC)-in an ngaihtuah dawn nia thudawn a ni. 

#ZabilianZ Dec 05: Chief Secretary Dr Renu Sharma hova sorkar thar lakluh chunghang ngaihtuaha a kaihhnawih sorkar mipawimawhte vawiina thukhawmin sorkar thar lakluh hun atan December ni 8, 2023, chawhma dar 11 an ruahman. Raj Bhawan-a sorkar thar lakluhnaah hian Chief Minister leh Council of Ministers tur te rinawmna thu tiamtira lakluh an ni ang. 

#ZabilianZ Dec 04: Vawiin hi thlalatu pawl Mizo Photographers' Society (MPS)-in kum 11 tlinna champha a ni a. He ni puala member ten an thawhkhawm Rs.40,000 chu vawiin khan MPS hruaitu ten TNT, Muanna Veng, Aizawl tanpuina atan an hlan. 

#ZabilianZ Dec 04: Chief Minister, MNF President ni bawk Zoramthanga'n Mizoram MLA inthlan-ah an chak zawh tak loh avangin vawiin tlai dar 4 khan Mizoram Larsap hmuin, Chief Minister atanga banna a thehlut. Thuthar thehdarhtute zawhna chhangin Zoramthanga chuan mipuiin sorkar lai paihthlak an duh lutuk na chu an tlin zawh loh chhan niin a sawi a. COVID hrileng avanga harsatna lian tak kara sorkar duhkhawplohna lian tak piang chu an tlak chhan ber nia a hriat thu a sawi. COVID hri leng avanga sorkarin harsatna hrang hrang a tawh te pawh mipuiin hnenah an sawifiah hman niin Zoramthanga chuan a sawi a. Tuna an tlakna chuan an party-ah nghawng a neih loh tur thu a sawi bawk.

#ZabilianZ Dec 02: Kum 10 vel kalta-ah khan Doordarshan News lama thawk pahnih Pu Alfred Vanchhawng leh kum 2020, April ni 14-a chatuan ram pan ta Pu Francis Paul (Gerrard-a Pa) te khan 'Zabilha'n a ti' tih tawngkam kha an uar thin em em mai a. Zabilha pawl te group siam ang.. tiin an duh dan ang ngeiin Whatsapp lamah mi chi hrang hrang ten zalen leh huapzau taka an vei zawng leh duh zawng an sawi theihna ZabilianZ group a lo piang ta a. December ni 2, 2022-h Pu Alfred Vanchhawng pawhin ropuina rama min hawsan ve leh tak avangin ZabilianZ chuan facebook leh youtube lamah te huang zauhin a bultantute duh danin chanchinthar puanzarna bakah huam zau taka kalpui zui a ni ta zel a ni. Vawiin hi Pu Alfred Vanchhawng ropuina rama a chawlh atanga kum khatna champha a lo ni ta reng mai. Pu Alfred Vanchhawng hi May ni 5, 1972-ah Aizawl-ah a piang a, unau pianpui 3 a nei. Kum 2000-ah Mary Lalthanpuii nen inneiin, fa mipa pakhat leh hmeichhe pahnih an nei a, vanduaithlak takin an fa hm

#ZabilianZ Dec 01: Election Commission of India (ECI)-in Mizoram MLA inthlan vote chhiar ni atana December ni 3 (Pathianni) a lo ruat tawh chu Kristian te ni serh zing ami a nih avanga sawn tura ngenna nasa tak a awm avangin Mizoram MLA inthlan vote chhiar hun chu December ni 4 (Thawhtanni)-ah sawn a nih thu a puang. Mizoram inthlan ruala inthlang state dang 4 te erawh ruahman lawk sa angin December ni 3 (Pathianni)-ah vote chhiar a ni ang a. Vote chhiar tura ruahmanna siam sa dang te pawh tihdanglam a ni lovang.