Aizawl Mayor hovin Faina Hapta denchenna faina kawnga inelna lawmman sem


#ZabilianZ Dec 21: Aizawl Municipal Corporation (AMC)-in kumin October ni 1-8 chhunga Faina Hapta denchenna faina kaawanga inelna a buatsaih chu vawiin khan a hmawr bawkin, AMC Auditorium-ah Aizawl Mayor Lalrinenga Sailo hovin lawmman semna hun an hmang.

He inelna hian AMC hmalakna tam tak zingah Local Council 85 atanga veng fai thlan chhuahte, bawlhhlawh thliar hrang tha veng thlanchhuahte, faina leh thianghlimna kawnga hma la tha mimal chawimawi te, vantlang inthiarna tihchangtlunte leh hmankhat daih plastic (single use plastic) khap chungchanga hmalaknate a huam a. Aizawla veng fai berah Republic Vengthlang thlan niin, Rs 50,000 an dawng.

Pahnihna Laipuitlang niin, Rs 30,000 an dawng a, pathumna Thakthing vengin Rs. 20,000 an dawng a. Veng 5-in consolation prize Rs.5,000 theuh an dawng bawk.

Bawlhhlawh thliar hrang tha Local Council pathum - College Veng, Chawnpui leh Bethlehem Vengthlang ten Rs 5,000 theuh an dawng a. Faina leh thianghlimna kawnga hma la tha mi 23 hnenah chawimawina thuziak leh Rs. 2,000 pek niin, Sr. Sanitation Office hnuaia khawlai hmun phiat (street sweepers) hnathawk tha Malsawmkimi leh B. Lalrinkunga ten chawimawina thuziak leh Rs 10,000 an dawng bawk a ni.

Aizawl Mayor Lalrinenga Sailo-in property tax chu AMC sum hmuhna pawimawh a nih thu sawiin, 15th Finance Commission atanga sum hmuh a tlem tial tial avangin chhiah khawn a tul thu a sawi a. Chhiah khawn dan chu langtlang a ni tur a nih thu a sawi.

Kum 2022 chhungin AMC-in property tax atanga sum a hmuh chu Rs. nuai 324 a nih thu Aizawl Mayor chuan sawiin, kumin chhungin Rs. nuai 573-ah a kai chho niin a sawi a. Property tax punna chhan ber chu veng hlut dan danglam ta leh mipui hmaizahna avanga rei tak a zat dik lova kalpui tawh chu siamṭhat a nih tak vang niin a sawi.

Aizawl Mayor chuan AMC-in online-a property tax pekna a siamthar thu leh mi tam zawk erawh chuan Local Council kaltlanga an la pek zel dawn avanga tlawmngaih chhuaha property tax khawn chhunzawm zel turin Local Council te a chah.

Inhmun laih, phallohna hmuna bawlhhlawh leh leivung paih chungchangah Local Council ten thuneihna tam zawk an neih theihna tura hmalak chhoh zel a nih thu pawh Mayor chuan a sawi a. Veng thenkhat street light neilote chu AMC-ah report zel turte, AMC leh Local Council ten thawhhona tha an neih zel theihna tura rawtna thlen zel tur tein a chah bawk a ni.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more