ZabilianZ

#ZabilianZ Jan 30: Academy of Women Enterprise (AWE 4.0) chu nimin khan Aijal Club-ah hawn a ni a. AWE hi US sawrkara Department pakhat Bureau of Education & Cultural Affairs (ECA)-in a huaihawt niin, khawvel hmun hrang htranga hmeichhia ten entrepreneurship lama hmasawnna an neih theihna tura hmalaktu a ni. AWE 4.0 hi Mizoram leh Tripura tan bika ruahman project niin, West Bengal-a social enterprise pakhat Contact Base chu implementation partner an ni a. Mizoram leh Tripura-a hmeichhia ten entrepreneurship lama hmasawnna an neih theihna turin hma an la dawn a, Online/offline in he programme-a tel tura diklna thehluh theih a ni a. Hmeichhe 50 tan kumin April-ah Bootcamp buatsaih an tum a ni. Bootcamp-a tel te chu kawng hrang hranga hmasawnna an neih theihna tura kaihhruai an ni dawn a. An zing atanga thlan chhuah mi 20 te chu kumin September-a Kolkata-ah an business plan hmangin an inel ang a. A ti tha zual mi pathum ten cheng nuai hnih an dawng dawn niin a buaipuitute chuan an saw

#ZabilianZ Jan 25: Padma Shri Award 2024 dawng tur te hming chu zanin khan puan a ni a, he chawimawina dawng tur zingah hian Thutak Nunpuitu Team (TNT) dintu leh an hotupa ni mek Pu Sangthankima a tel. Mother Teresa Awards for Social Justice (2014) dawng tawh Pu Sangthankima hian Social Work huang atangin India sawrkarin Civil mi te chawimawna sang a pek thin Padma Shri Award hi a dawng dawn a. Kum 2014-ah vek khan Vanglaini chanchinbu-in kum hnih dana an sem thin Mizo Award a dawng tawh bawk. Kum 1960, October ni 18-a piang Pu Sangthankima hian kum 1988-a a din Thutak Nunpuitu Team (TNT) chu tun thleng hian a kalpui a. Fahrah chanhaite, rualbanlo leh ruihhlo bawiha tang te tana a inpekna avangin chawimawina tam tak a dawng tawh a. Kum 2008 khan Rangoon's Methodist Bible College-in honorary doctorate degree an pe nghe nghe.

#ZabilianZ Jan 25: Nizan atanga a chin hriat loh Siaha Auto Rickshaw MZ 03 7550 khalhtu KL Zoasa, ECM Vaih, Siaha ruang chu vawiin tlai dar 6 vel khan KMMTTP road, Mampui peng atanga kilometer chanve vela hlaa awm Raltlan camp peng kawng thlangah hmuh a ni. Tarlan tawh angin KL Zoasa khalh Auto Rickshaw chu nimin khan Myanmar raltlan mi 4-in Lawngtlai kalna atan an hmang a. Nizan atang khan biak pawh theih a ni lova, a chin hriat a ni ta lo bawk. Nimin lama KL Zoasa Auto Rickshaw Lawngtlai kalna atana hmangtu 4 zinga 3 te chu Police ten manin, thu an zawtfiah a, KL Zoasa chu an thah a nih thu an inpuang ta nia thudawn a ni. 

#ZabilianZ Jan 25: Mizoram Pradesh Congress Committee (MPCC) office bearers vawiina thukhawmin MPCC inthlan hun atan February ni 20, 2024 an ruat a. Officcial candidate siam nghalin President candidate atan Senior Vice President nilai Lal Thanzara, Vice President candidate atan Vice President nilai Lalnunmawia Chuaungo leh Treasurer candidate atan Treasurer nilai bawk Dr Lalmalsawma Nghaka te an ruat. Vawiina MPCC OB thutkhawm hi President Lalsawta'n a kaihhruai a, Congress Working Committee member Lal Thanhawla'n a telpui bawk. Tarlan tawh angin MPCC inthlanah hian President atana party official candidate Lal Thanzara chu MPCC Treasurer atanga bang ta, MLA hlui Zodintluanga Ralte-in a khing dawn nia thudawn a ni a. Vice President candidate pawh MPCC General Secretary, MPCC ațanga MLA awmchhun C. Ngunlianchunga'n a khing dawn a, Treasurer candidate pawh MPCC General Secretary, MLA hlui Lalrindika Ralte-in a khing dawn bawk a ni. 

#ZabilianZ Jan 25: FOCUS Mizoram leh All Mizoram Women Federation tangdunin vawiin khan Hyve Aizawl City Hall-ah hmeichhiate hmasawnna tur chungchang zirhona workshop an buatsaih a. State Project Director, FOCUS Lalengzami Haulai-in a hmanpui. Lalengzami Haulai chuan workshop buatsaih chhan sawiin, mipa leh hmeichhe intluktlanna chungchanga inzirtirna leh kawng hrang hranga hmeichhiate hmasawnna atana inzirtirna hun atana buatsaih a nih thu a sawi a.  FOCUS-in hmeichhiate dinhmun chawisanna lama theihtawpa hma a lak thu sawiin, kuthnathawh kawnga hmeichhia ten hna hahthlak an thawk thin tihziaawmna atana hma a lak nasat thu a sawi bawk. Workshop-ah hian Dr. T. Vanlaltlani, Prof. Lalneihzovi leh Rev. Dr. RL. Hnuni ten zirtirna hun an hmang a. All Mizoram Women’s Federation member - Lai Women Federation, Mara Chano Py, Chakma Mahila Samiti, Women  With Purpose in Mizoram, Mahni thlai thar zuar pawl leh Mizoram Mahila Sanghatham atangtein an kalkhawm a ni. 

#ZabilianZ Jan 25: Siaha Auto Rickshaw MZ 03 7550 khalhtu KL Zoasa, ECM Vaih, Siaha chu nimina Lawngtlai a kal tun thlenga a la haw loh avangin zawn mek a ni a. Mi kut tuara thi nia a lan avang leh a thattute Police kutah an awm nia an hriat avangin amah zawng tura kal Police te pawh mipuiin an la dang buai mek nia thudawn a ni. Siaha Police hnen atanga thudawn danin, nimin khan Siaha Auto Rickshaw MZ 03 7550, KL Zoasa khalh chu Myanmar raltlan nia hriat mi pali-in Lawngtlai kalna atan an hmang a. Nizan dar 9 vel atang khan Auto Rickshaw khalhtu chu a chhung ten an be pawp thei ta lova, vawiin chawhma dar 10 vel khan Auto Rickshaw chu Siaha khaw dai-ah hmu mahse, a khalhtu chu a chin hriat a la ni lo. He thil thleng chungchangah hian nimina KL Zoasa khalh Auto Rickshaw Lawngtlaia hmangtu mi pali zinga mi pathum te chu Police-in thu zawhfiah turin an la tawh a, pakhat erawh a chin hriat a ni rih lo. Heng mi pathum te hian nizan dar 7 velah Lawngtlai atangin Siaha-ah an let leh nia sawii

#ZabilianZ Jan 25: Home Minister K. Sapdanga'n ramri chungchanga sawrkar hmasa hmalaknate zahawm a tih thu sawiin, tuna sawrkar kal mek pawhin sawrkar hmasa hmalakna chu an ngaipawimawh hle niin a sawi. He thu hi vawiina Mizoram State Boundary Committee thutkhawmah Home Minister chuan a sawi a. Ramri him, mipui te thlamuang taka an khawsak theihna tur nawr chhuah chu an thupui ber a nih thu sawiin, "thenawm state te nen kan lungrual tlanna tur kan zawn a pawimawh" a ti bawk. Tuntum hi State Boundary Committee an thutkhawm vawi 6-na a ni a, tuna sawrkar kalmekah erawh an thutkhawm vawikhatna a ni thung. State Boundary Committee-a tel pawl leh party hrang hrang aiawh ten ramri buaina chinfel a niha, inremna neih thuai an duh tawh thu an sawi hlawm. Home Minister K. Sapdanga kaihhruai Mizoram State Boundary Committee chuan sawrkar hmasa hun tawp lama Mizoram sawrkar leh Assam sawrkar indawrna kal tluang lai, Mizoram MLA inthlan avanga chawlh lailawk chu tharthawh tura hmalak

#ZabilianZ Jan 25: Minister of State Lalnghinglova Hmar-in vawiin khan Govt. Aizawl West College, 31st Annual College Week kharna, Vanapa Hall-a neih a hmanpui a. "Standard time hi kan thenawm ram te aiin darkar khatin a tlai sa a. Mi tam tak zingkara hna tam tak thawk hman an awm laia mut nana hun kan hman zel chuan kan inenlet a ngai takzet a ni" a ti. Lalnghinglova Hmar chuan zirlaite chu zing tho hmaa, taima turin a chah a. Thingtlang lam atanga Aizawla lehkha zira awm mek te pawh nu leh pa ten lehkha zir tura an tih ang ngeia Aizawl-a awm ringawt duhtawk lova, thiamna tak tak zirchhuak turin a chah.  Zirlaite chu an zirlai bakah Mizoram History, Geography leh politics te hriat ve zel tum tura chahin tawng chi hrang hrang, a bikin English, Hindi leh Japanese tawng te eizawn theihna tur khawpa thiam tum turin a chah a. Family background avanga chhuanlam siam lo tura chahin thawhrimna hmanga an thiamnate tihmasawn zel turin Lalnghinglova Hmar chuan a chah bawk. Govt.

#ZabilianZ Jan 25: ZPM thalai President, MLA inthlan zawh taka East Tuipui biala ZPM candidate Dr. C. Lalrammawia'n MLA inthlanah tling zo ta lo mahse, East Tuipui bial hmasawnna tura theihtawp a chhuah zui zel tur thu a sawi.  East Tuipui biala khaw hrang hrang tlawha zin kual mek Dr. C. Lalrammawia chuan MLA inthlan zawh taka ZPM party-in Tuipuiral mipuite duhsakna an dawn te avangin lawmthu a sawi a. MLA inthlanah tling zo ta lo mahse, sawrkar kalphung thar, sawrkar tha duha ZPM vote tu te beiseina erawh a thlawn lo nia sawiin, amah pawhin East Tuipui bial hmasawnna tura theihtawp a chhuah zui zel tur thu a sawi a ni.  Dr. C. Lalrammawia "Tuipuiral zirna in hrang hrang tlabal leh thawktu nghet sawn chhuah leh pension an tam avanga zirlai ten harsatna an tawh te chu, ZPM kaihhruai sawrkar hnuaiah sutkian a nih theihna turin theihtawp kan chhuah ang" a ti a. "Sikul zirtirtu pawh unit kaltlang ni lovin, dik takin lak an ni dawn" a ti.  Bungzung, Vangchhia

#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.

#ZabilianZ Jan 23: Mizoram Pradesh Congress Committee (MPCC) chu kumin February-ah an inthlang dawn a. MPCC inthlan hun tur hi tun thla ni 25-a MPCC OB țhukhawm turin an tichiang dawn ni a thudawn a ni. Thudawn danin, MPCC inthlan lo awm tur hi President nilai Lalsawta chuan a chuh ve dawn lova. Sr. Vice President nilai Lal Thanzara leh Treasurer hlui Zodintluanga Ralte ten President nih an inchuh dawn. Vice President nilai Lalnunmawia Chuaungo chuan Vice President bawk a chuh leh dawn a, General Secretary, MPCC ațanga MLA awmchhun C. Ngunlianchunga nen an inkhing ang. Treasurer nilai Dr. Lalmalsawma Nghaka pawhin Treasurer nih a tum leh dawn a. General Secretary, MLA hlui Lalrindika Ralte nen an inkhing ve thung dawn nia thudawn a ni bawk.

#ZabilianZ Jan 22: National Red Ribbon Quiz Competition, Jaipur, Rajasthan-a neiha pakhatna - Republic Presbyterian English School zirlai Zonunsangi, Class VII leh Janet Malsawmpuii, Class IX te leh anmahni hruaitu MSACS-a Asst. Director Joseph Lalnunmawia leh Republic PES-a zirtirtu Zonunpuii bakah Republic PES Principal Dr. John Hlychho chu Chief Minister Lalduhoma'n lawmpuina thingpui a inpui. Chief Minister chuan Zonunsangi leh Janet Malsawmpuii te chu "zirlai taima leh entawntlak, Mizoram hming timawitu an ni" tiin, lawmthu a hrilh a. Lehkathiam tak, ram tana mi tangkai tak an nih chhoh ngei theih nan duhsakna a hlan. Anmahni enkawltu Republic PES-a thawk te leh MSACS chungah pawh lawmthu a sawi bawk. Zonunsangi leh Janet Malsawmpuii te hian an inbuatsaih dan tlangpui, district level atanga national level thlenga an inbuatsaih dan te Chief Minister hi an hrilh ve bawk a ni. 

#ZabilianZ Jan 22: Nikum November ni 3, zing dar 3:30 vela bungraw chuh hman loh a kang ta In neitu Pu Lalchuangkima, Thingsai te chu vawiin khan Thingsai VC & All NGO Co-ordination Committee ruahmannain Thingsai khawtlangin hnatlangin In thar an sak sak. Pu Lalchuangkima te In thar tur hi a dung ft. 24, a vang ft. 18 niin, MHIP-in Thingsai khaw in tina vehbur an khawn bakah Hnahthial Bawrhsap aṭanga ṭanpuina hmuh hmanga sak a ni a. Thingsai khaw mi 100 chuang hnatlangah hian an thawk. Hunpuiin a nan chhoh zui avang te leh Thingsai khuain an hman thin Saikhawpui kut an hman avangtein duh anga hmaah an che thei ta lo nia thudawn a ni.

#ZabilianZ Jan 15: Pachhunga University (PUC) leh Mystique School of Music-in vawiin khan National Education Policy (NEP) syllabus hnuaia Skill Enhancement Course (SEC)-ah thawk dun turin thu an thlung. Skill Enhancement course thar tur hi Vocal Music tih a ni a. PUC leh Mystique thawhdunna tur thuthlung-ah hian PUC aiawhin Principal Prof. H. Lalthanzara leh Mystique School of Music aiawhin Chief of Faculty Zothanmawia leh Course Coordinator Dr. Henry Lalmawizuala ten hming an ziak a. He course hi semester lo awm turah zirlai 100 tana ruahman a ni. He course-in a tum ber chu rimawi bulthut, music notation (solfege, staff notaion, number notation), hla nihphung leh vocal lam leh a kaihhnawih zirbingna lam a ni. College dang te pawhin hma an la chho mek hlawm a, course hrang hran hawn thar tur a nih thu thudawnna chuan a sawi bawk.

#ZabilianZ Jan 15: MNF President Zoramthanga'n Sr. Vice President Tawnluia nen party-a an nihna atanga chawl tawh turin thutlukna an siam niin a sawi. Kumin atana MNF party pisa hawn tan ni puala inkhawmah he thu hi vawiin khan MNF President chuan a sawi a. "Pu Tawnluia nen kan sawidun a, kum 80 chunglam ve ve kan lo ni tawh a, keini tel lovin kal tawh se kan ti a ni" a ti. MNF President chuan Sr. Vice President nena chawlh an tum tawh thu chu party hruaitu dang te pawh an hrilh tawh niin a sawi a. MNF hruaitute nilai term a tawp tawh thu sawiin, "Hotute hnenah keini chu min ngaihtuah tel tawh suh u, kan ti a ni," tiin, MNF party tan erawh theihtawp an chhuah zel tur thu a sawi bawk.

#ZabilianZ Jan 15: MNF President, Chief Minister hlui Zoramthanga'n Union Home Minister Amit Shah-a'n ramri chungchangah tawlh turin a rawn ti nia sawiin, "Kan tawlh ai chuan ka ban a ngai ang' tiin ka lo hrilh a, min nawr zui ngam lo" a ti. Kumin atana MNF party pisa hawnna hunah vawiin khan he thu hi MNF President chuan a sawi a. Myanmar raltlan te pawh sawrkar laipui chuan nawrlet turin a rawn ti nia sawiin, "Delhi-ah Prime Minister hnenah ngei, 'kan unaute kan thawnlet thei lo,' tiin ka hrilh" a ti a, anmahni enkawl zuina turin sum a dil zawk niin a sawi. MNF President chuan sakhua leh hnam thilah NDA-in a thunun ngai lo nia sawiin, "Parliament House thlengin kan beiin kan auchhuak zawk a ni," a ti a. "Sakhua leh hnam thil tak takah chuan hnam thuthlung fa leh fa lo chu kan hriat hle a ni," a ti bawk.

#ZabilianZ Jan 12: High school zirlai ten HIV chungchang zirtirna an dawn theihna tura ram pum huapa buatsaih - National Red Ribbon Quiz Competition, Jaipur, Rajasthan-a vawiina neihah North East aiawha tel Mizoram team - Presbyertian English School, Republic Venga zirlai Zonunsangi (Class VIII) leh Janet Malsawmpuii Ralte (Class IX) te pakhatna an ni. National Red Ribbon Quiz Competition-ah hian India rampum chu region 4 - North East Region; West & South Region; Central Region leh Northern Region-ah te then niin, region tina pakhatna theuh te chuan vawiin khan National level-a inelna an hmachhawn leh a, North East Region-a pakhatna Mizoram chu National level-ah pawh pakhatna an ni ta a ni. Red Ribbon Quiz hi National AIDS Control Organization (NACO), Ministry of Health & Family Welfare buatsaih niin, North East aiawha tel Mizoram team te hi Mizoram State AIDS Control Society (MSACS) chuan technical leh financial support pein a tir atangin an buaipui vek a ni.

#ZabilianZ Jan 11: Mizo Reality Show boruak nei lian hmasa, zaithiam thlanna LPS Youth Icon chu hun engemawchen a khaihlak hnu ah kuminah buatsaih a ni leh dawn tih LPS vision chuan an puang. Youth Icon hi kum 2006-ah LPS vision production chuan a buatsaih tan a, 2007, 2009, 2012, 2016 leh 2019-ah te buatsaihin, kuminah buatsaih a ni leh dawn ta a. A hun tur leh a kalphung tur te chu la puan chian leh tur a nih thu a buatsaihtute chuan an sawi. LPS-in kum 2006-a Youth Icon a buatsaih khan tuna Mizo zaithiam langsar ber pawl ni ta Zoramchhani chu LPS Youth Icon hmasaber atan thlan a ni a. Hemi hnu hian Malsawmtluangi (Ms-i), R. Lalhmangaiha, Lalrempuia, K. Lalthlamuankimi leh Zothanpuii te chu Youth Icon atan thlan an ni tawh bawk. YOUTH ICON LO NI TAWH TE : 2006 - Zoramchhani 2007 - Malsawmtluangi 2009 - R. Lalhmangaiha 2012 - Lalrempuia 2016 - K. Lalthlamuankimi 2019 - Zothanpuii

#ZabilianZ Jan 11: Aizawl Mayor Lalrinenga Sailo leh a thawhpui Corporator ten nimin khan Chief Minister Lalduhoma hmuin, lawmpuina an hlan bakah an mamawh hrang hrang te an sawipui. Mayor leh a thawhpuite chuan Aizawl khawpui zauh zel tura hmalak tulna te, sawrkara an dinhmun (status) hniam lutuk chungchang te, an lawmman beitham lutuk chungchang te leh state danga corporator te an phak loh dan te Chief Minister hnenah hian an thlen a. Central lama Urban local body fund tam tak haichhuah tur awm chu tun aia nasa zawka haichhuah dan a awm theih thu te an sawipui bawk. Chief Minister chuan an dinhmun siam that an mamawhna te, India ram hmun danga corporator te nena an dinhmun khaikhinna te leh lehkha pawimawh dang te chu ziaka a hnena thlen turin Mayor leh a thawhpuite chu a lo hrilh a ni. Tunhnaia Aizawl bawlhhlawh paihtu ten an bawlhhlawh paihna man an hmuh loh rei avanga harsatna an tawh chungchangah Finance department hotute a biak thu leh bawlhhlawh paihna sum pek chhuah tur awm an

#ZabilianZ Jan 10: Mizoram Journalists' Association (MJA) member-te leh Directorate of Information & Public Relations-a officer ten nimin khan I&PR Minister Dr. Vanlalthlana hovin I&PR Auditorium-ah kumthar inhlantharna hun an hmang. I&PR Minister chuan MJA leh I&PR-a thawkte chu kumthar duhsakna hlanin, Mizorama chanchin lakkhawm leh thehdarh khawvelah lemziak (cartoonist) anga a lo inhman ve tawh thu sawiin, "in zingah ka mikhual lo hle a ni", a ti a. Sawrkar reng reng veng theitu leh khalh ngil thei ber chu opposition party-te leh chanchinbumi/media te an nih thu sawiin, a bikin ram siamthat kawngah te, ram vei kawngah te, journalism leh journalist te chuan dinhmun pawimawh tak an luah thu leh chumi hre reng chunga sawrkar venpuia thurawn te pe thin turin a chah. Thuthar lakkhawm chungchang sawiin, I&PR Minister chuan investigate journalism-ah te tanlakna tur a awm thu te, RTI hman tangkai leh zual dan kawng dap a tul thu te, tunlai journalism a

#ZabilianZ Jan 10: MZP-in nimin khan an President H. Lalthianghlima hovin Parva III, Chamdur P leh Vaṭhuampuia awm Bangladesh aṭanga Zofa raltlan te an tlawh a, an harsatna tawh leh an mamawh hrang hrangte a enpuiin, thilpek an hlan. MZP hian raltlan chhungkaw 41, mi 198 awmna Parva III-ah puan lum (blanket) 30 leh Rs. 2000 an hlan a. Raltlan chhungkaw 22, mi 127 awmna Chamdur P-ah Rs 5000; Raltlan chhungkaw 76, mi 350 awmna Vaṭhuampui-ah puan lum (blanket) 30 leh Rs 2000 an hlan a ni. Zirlai hruaitute hi Pang Zirlai Pawl leh Hmar Students' Association hruaitute bakah khawtlang hruaitu ten lo ṭawiawmin, anmahni khua theuha zirna in lama an harsatna tawh hrang hrangte an lo thlen nghal bawk. MZP President H Lalthianghlima chuan raltlan te chu thlamuang taka awm tura chahin, khawtlang leh kohhranah te inhmang tur leh theihtawp chhuaha intodelh tum turin a chah bawk a ni.

#ZabilianZ Jan 10: Mizoram MLA inthlan zawh taka BJP atanga Mizoram viltu, Nagaland Dy. Chief Minister ni bawk Y.Patton-a'n MNF party chu New Delhi lama BJP thian ṭha tak anga langa Mizoramah erawh BJP chirhtheh leh si ah a puh a. "Hemi avang hian MNF party Pu Zoramthanga kaihhruai sorkar chuan a tlak chhiatphah ta a ni" a ti. BJP, Mizoram state pisa-a thu a sawinaah he thu hi nimin khan Y Patton chuan a sawi a. Mizorama MLA inthlan zawh takah BJP chu party dang ten beihrawnin an diriam hle niin a sawi a. Midangte beihna kara BJP Mizoram worker ten theihtawp chhuaha an beih avangin MLA pahnih an nei thei nia sawiin, "Hei hi BJP Mizoram tan hmasawnna ropui tak a ni," a ti bawk. Y Patton chuan, "Mizoramah BJP hlauhawm zia hmangin BJP min bei a, Nagaland-ah chuan kan hlau ve lova, sorkarnaah term hnih tel tawhin state pawhin nasa takin hma kan sawnpui" a ti a. Narendra Modi kaihhruai BJP sorkar chu kum 2024 Lok Sabha inthlanah pawh hneh takin an sorkar le

#ZabilianZ Jan 04: Mizo Sakhaw Puithiam zinga ram vei mi, Mizoram Synod hnuaia rawngbawlna chanvo pawimawh tak tak chelh tawh Revd. Chuauthuama, Ramhlun Venglai, Aizawl chu zanin (Jan 4) dar 10:20 khan lung lam thatlohna avangin Ebenezer Medical Center-ah a thi, naktuk-ah vui a ni ang. Kum 77 mi Revd. Chuauthuama hi Pathian rawngbawltu a nih bakah thu leh hla thiam, ram vei mi, thu leh hla hmanga ram leh khawtlang rawngbawl hna thawk thin a ni a. Lekhabu 50 chuang a ziak tawh a. Article, seminar paper engemawzat a ziak tawh. Kum 2021 khan Serampore College-in Doctor of Divinity a pe nghe nghe. Synod hnuaia Primary School zirtirtu hna thawk Upa Tawna leh Buaii te fa tlum ber niin, kum 1947-ah Bukpui khuaah a piang a. Naupang bawrhsawm tak a nih avangin kum 7 mi a nihin a pa thawhna Bukpui Primary Sikul-ah Sikul a kai ve \an chauh a, an pawl-ah a thiam thei pawl a ni chho thung. Govt. Mizo High School, Aizawl-ah zir zawm zelin, pawl 10 a zir kum 1966-ah Mizoram buai avangin Sikul kai chh