Union Home Minister-in ramri chungchangah tawlh turin min ti a, 'Kan tawlh ai chuan ka ban a ngai ang' tiin ka lo hrilh :Zoramthanga
#ZabilianZ Jan 15: MNF President, Chief Minister hlui Zoramthanga'n Union Home Minister Amit Shah-a'n ramri chungchangah tawlh turin a rawn ti nia sawiin, "Kan tawlh ai chuan ka ban a ngai ang' tiin ka lo hrilh a, min nawr zui ngam lo" a ti.
Kumin atana MNF party pisa hawnna hunah vawiin khan he thu hi MNF President chuan a sawi a. Myanmar raltlan te pawh sawrkar laipui chuan nawrlet turin a rawn ti nia sawiin, "Delhi-ah Prime Minister hnenah ngei, 'kan unaute kan thawnlet thei lo,' tiin ka hrilh" a ti a, anmahni enkawl zuina turin sum a dil zawk niin a sawi.
MNF President chuan sakhua leh hnam thilah NDA-in a thunun ngai lo nia sawiin, "Parliament House thlengin kan beiin kan auchhuak zawk a ni," a ti a. "Sakhua leh hnam thil tak takah chuan hnam thuthlung fa leh fa lo chu kan hriat hle a ni," a ti bawk.
Comments
Post a Comment