Auto Rickshaw khalhtu chin hriat loh zawng mek - a thattu nia rin, raltlan nia hriat mi 4 zinga 3 Police kutah awm tawh


#ZabilianZ Jan 25: Siaha Auto Rickshaw MZ 03 7550 khalhtu KL Zoasa, ECM Vaih, Siaha chu nimina Lawngtlai a kal tun thlenga a la haw loh avangin zawn mek a ni a. Mi kut tuara thi nia a lan avang leh a thattute Police kutah an awm nia an hriat avangin amah zawng tura kal Police te pawh mipuiin an la dang buai mek nia thudawn a ni.

Siaha Police hnen atanga thudawn danin, nimin khan Siaha Auto Rickshaw MZ 03 7550, KL Zoasa khalh chu Myanmar raltlan nia hriat mi pali-in Lawngtlai kalna atan an hmang a. Nizan dar 9 vel atang khan Auto Rickshaw khalhtu chu a chhung ten an be pawp thei ta lova, vawiin chawhma dar 10 vel khan Auto Rickshaw chu Siaha khaw dai-ah hmu mahse, a khalhtu chu a chin hriat a la ni lo.

He thil thleng chungchangah hian nimina KL Zoasa khalh Auto Rickshaw Lawngtlaia hmangtu mi pali zinga mi pathum te chu Police-in thu zawhfiah turin an la tawh a, pakhat erawh a chin hriat a ni rih lo. Heng mi pathum te hian nizan dar 7 velah Lawngtlai atangin Siaha-ah an let leh nia sawiin, Auto Rickshaw khalhtu KL Zoasa chu an that niin Police hmaah an sawi.

Siaha Police chuan Auto Rickshaw khalhtu thattu nia insawi, an kuta awm mek mi pathum zinga mi pakhat hruaiin ruang an dahna nia an sawi Tuipui Ferry lam pan an tum a. Kawnglakah tualthattute an kuta hlan ngiatin mipuiin Police te chu an lo dang mek niin thudawnna chuan a sawi bawk. 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more