Mayor leh a thawhpui ten Chief Minister hnenah an mamawhte an thlen


#ZabilianZ Jan 11: Aizawl Mayor Lalrinenga Sailo leh a thawhpui Corporator ten nimin khan Chief Minister Lalduhoma hmuin, lawmpuina an hlan bakah an mamawh hrang hrang te an sawipui.

Mayor leh a thawhpuite chuan Aizawl khawpui zauh zel tura hmalak tulna te, sawrkara an dinhmun (status) hniam lutuk chungchang te, an lawmman beitham lutuk chungchang te leh state danga corporator te an phak loh dan te Chief Minister hnenah hian an thlen a. Central lama Urban local body fund tam tak haichhuah tur awm chu tun aia nasa zawka haichhuah dan a awm theih thu te an sawipui bawk.

Chief Minister chuan an dinhmun siam that an mamawhna te, India ram hmun danga corporator te nena an dinhmun khaikhinna te leh lehkha pawimawh dang te chu ziaka a hnena thlen turin Mayor leh a thawhpuite chu a lo hrilh a ni.

Tunhnaia Aizawl bawlhhlawh paihtu ten an bawlhhlawh paihna man an hmuh loh rei avanga harsatna an tawh chungchangah Finance department hotute a biak thu leh bawlhhlawh paihna sum pek chhuah tur awm ang te pe chhuak tura a hrilh nghal thu pawh Chief Minister chuan Mayor leh a thawhpuite chu a lo hrilh a. Khawpui zauh chungchangah chhuahlam leh tlaklamah Aizawl by-pass road awm turin nasa taka khawpui a zauh tur thu a sawi.

Aizawl chhuahlama by-pass road thawhna tur chu Union Minister of Road Transport & Highways-in a sanction tawh thu Chief Minister chuan sawiin, Aizawl zauh zelna tura hmalakna dang te pawh Mayor leh a thawhpuite chu a lo hrilh.

Chief Minister chuan "bawlhhlawh paihna neih belh kan mamawh hle tawh" tiin, SASCI atanga Hualngohmuna Solid Waste Management Centre thawh mek te, Smart City Fund atanga Luangmual Industrial Growth Centre a thawh mek te chu uluk taka an vil tur thu a sawi a. "A hunah, a nihna tur ang taka an zawh ngei kan phut dawn a ni" a ti.

Sihphira thawh tur pawh an umzui tur thu leh Aizawl Solid Waste Management Centre siam belh mek te an ngaihven thu Chief Minister chuan Mayor leh a thawhpuite chu a lo hrilh bawk.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more