Revd. Chuauthuama'n chatuan ram a pan


#ZabilianZ Jan 04: Mizo Sakhaw Puithiam zinga ram vei mi, Mizoram Synod hnuaia rawngbawlna chanvo pawimawh tak tak chelh tawh Revd. Chuauthuama, Ramhlun Venglai, Aizawl chu zanin (Jan 4) dar 10:20 khan lung lam thatlohna avangin Ebenezer Medical Center-ah a thi, naktuk-ah vui a ni ang.

Kum 77 mi Revd. Chuauthuama hi Pathian rawngbawltu a nih bakah thu leh hla thiam, ram vei mi, thu leh hla hmanga ram leh khawtlang rawngbawl hna thawk thin a ni a. Lekhabu 50 chuang a ziak tawh a. Article, seminar paper engemawzat a ziak tawh. Kum 2021 khan Serampore College-in Doctor of Divinity a pe nghe nghe.

Synod hnuaia Primary School zirtirtu hna thawk Upa Tawna leh Buaii te fa tlum ber niin, kum 1947-ah Bukpui khuaah a piang a. Naupang bawrhsawm tak a nih avangin kum 7 mi a nihin a pa thawhna Bukpui Primary Sikul-ah Sikul a kai ve \an chauh a, an pawl-ah a thiam thei pawl a ni chho thung.

Govt. Mizo High School, Aizawl-ah zir zawm zelin, pawl 10 a zir kum 1966-ah Mizoram buai avangin Sikul kai chhunzawm theih a nih tak loh avangin a chawl a. Kum 1967 ah Jowai, Meghalaya-a sikul kai tuma a \hiante nen an kal chu Security Force-in rinhlelh thilthuah lo manin, Tezpur Jail-ah kum 3 a tang a. Kum 1970 January-ah Jail atanga chhuakin, kum 1971-ah Synod High School, Aizawl atangin Assam Board hnuaiah HSLC chu Second division-ah a pass ta a.

HSLC a zawh hnuah kum khat zirtirna hna a thawk a, kum 1973-1977 chhung Mizoram Home Guard office-ah thawk leh in, he hna a thawh lai kum 1976-ah Pachhunga Memorial College-ah zirna chhunzawmin, 1976-ah hian B.A. pawh Distinction-ah a pass-a, North Eastern Hill University pumah pahnihna a ni nghe nghe.

Kum 1978 a\angin Hrangchhuana High School-ah zirtirtu hna thawkin, Headmaster a ni hman a, kum 1983 - 1987 chhungin United Theological College, Banglore-ah B.D. a zir a, First Class First-ah a pass. B.D. a zir chhung hian  lawmman chi hrang hrang a dawng hnem hle a. Kum 1988-a Serampore Convocation, Aizawl, Vanapa Hall-a neihah Senator's Prize for Highest Proficiency a dawng bawk.

Kum 1988-1990 chhungin Cambridge University-ah M. Phil (Old Testament & Hebrew Language) a zir a. M. Phil a zawh hnuah a haw pahin Jerusalem-a St. George’s College-ah The Bible and its Setting Course a zir zo leh a. Kum 1998-ah Aizawl Theological College-a a thawh tawh hnuah Netherlands-ah Reading the Bible from the Jewish Perspective Course thla khat chhung a zir leh bawk.

Kum 43 a nih kum, 1990-a Synod Inkhawmpui-ah Pro Pastor atan lak a ni a, Lungleiah Pro Pastor-in kum 3 a awm a. Kum 1993 Synod Inkhawmpuiah Pastor atan nemngheh a ni.

Kum 1994 - 2007 ah Aizawl Theological College-ah a thawk a, kum 2008-ah a pension.

Synod hnuaia rawngbawlna a chelh chhungin Aizawl Theological College-ah Registrar (2002 - 2007); Kum 2000-ah Synod Secretary (Junior); 2001-ah Synod Secretary (Senior) a ni a. Heng bakah hian committee pawimawh hrang hrangah a tel tam hman hle.

MZP Gen. Hqrs-ah General Secretary leh Asst. Secretary a ni tawh a. Tun thlengin sorkar hnuaia committee pawimawh tak tak leh NGO hrang hrangah chanvo pawimawh tak tak a chelh bawk.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more