ZabilianZ

#ZabilianZ Feb 24: MNF party Nomination Committee-in March ni 15, 2024-a MNF party inthlan atana official candidate te vawiin khan a puang. MNF Nomination Committee-in an party inthlan atana official candidate tura a chhawpchhuah te chu : President : Zoramthanga; Sr. Vice President : Dr. R. Lalthangliana; Vice President : Lalchhandama Ralte leh Vanlalzawma; Treasurer : Lalruatkima te an ni a. February ni 26, 2024 atanga February ni 28, 2024 thleng nomination file theihna hun hawn a ni ang. 

#ZabilianZ Feb 22: Tun thla ni 19-a Vellore-a ruihhlo (Heroin) thawn tumtu nia hriat Lalrohlua (30), Durtlang Leitan Ramthar chu nizan khan man niin, vawiinah court-ah hruai a ni. He thil thleng chungchanga Excise & Narcotics department thuchhuahin a tarlan danin, Excise & Narcotics duty ten tun thla ni 18 zan dar 8 khan a tuk ni 19-a Vellore kal tur mi pakhat hnen atangin mi thil thawn, a ken tur zing ami pakhat chu a rinhleh avanga a enfiah thu leh Heroin a lo  nih thu report an dawng a. An report dawn chu bawhzui nghalin, NDPS Act ’85 tlawhchhanin thubuai an ziaklut a. Vellore kal tur mi pakhat hnena Heroin thawn tumtuin a thil thawn tura a phone number a tarlan atangin social media (facebook leh Instagram) lama a account te zawng chhuakin, kum 30 mi, Lalrohlua, Durtlang Leitan Ramthar a ni tih an hre zui a, nizan khan an man ta niin Excise & Narcotics department thuchhuah chuan a tarlang. Hre lova ruihhlo kawltu nih chu buaina nasa tak tawh theihna leh chinfel harsa...

#ZabilianZ Feb 21: Zanin tlai dar 6 vel khan Sihhmui-a Ratlan Camp No. II-a  chenna In 8 chu a kang a, mihring thi leh hliam erawh an awm lo. Sihhmui khawtlang hruaitute hnen atanga thudawn danin, kangmei hi eirawngbawlna thuk atanga chhuak nia hriat a ni a. In 8 kang zingah In 5 chu engmah chuh hman loh in a kang a, In 3 atang chuan bungrua tlema zawng an chuh hman thung. Sihhmui khua atanga Km 2 vela hlaa awm Raltlan Camp-a kangmei chhuak avang hian Sihhmui khawtlang chuan kangmei tuarte chen lailawkna tur an ruahman nghal a. Naktuk (February ni 22, 2024)-ah kangmei tuar te chenna tur sa in hnatlang ko nghalin, Sihhmui branch YMA-in kangmei tuar te tan vehbur khawn an tum bawk. Sihhmui-a raltlan camp-ah kangmei a chhuak tih a hriat ve leh bialtu MLA TBC Lalvenchhunga pawhin kangmei chhuahna hmun a pan nghal a. DM&R Deptt. leh CYMA lam pawhin a tul tul buaipuiin hma an la nghal nia thudawn a ni a. Kangmei tuar te hi - Khawtaia; Pathanga; Hanchang; Laithanga; Pachawia; Bawisang...

#ZabilianZ Feb 16: MNF President Zoramthanga'n Sr. Vice President Tawnluia nen party-a an nihna atanga chawl tawh turin thutlukna an siam nia a sawi tawh hnuah an party Election Nomination Secretary hnenah an party thatna tur a nih chuan an chawlh theih thu leh an hotute ruahmanna engpawh an zawm theih thu an thlen. MNF President Zoramthanga'n kumina an party pisa hawn tan ni January ni 15, 2024-a party chhung inkhawmah Sr. Vice President Tawnluia nen an sawidun hnu ah party-a an nihna atanga chawl tawh tura thutlukna an siam thu lo sawi tawh mahse, MNF President leh Sr. Vice President te chuan an party Election Nomination Secretary hnenah an party thatna tur a nih chuan an chawlh theih thu leh an hotute ruahmanna engpawh an zawm theih thu an thlen leh ta zawk a ni. Kumin January ni 15-a an party pisa-a a thusawiah MNF President chuan "Kan Sr. Vice President Pu Tawnluia nen party-a kan nihna atanga chawl tawh turin thutlukna kan siam" a ti a. "Pu Tawnluia nen kan...

#ZabilianZ Feb 16: Non-Government Hospital Association of Mizoram (NGHAM) chu vawiin khan Aijal Club-ah thukhawmin, hruaitu thar an thlang nghal. Kum 2024-2025 chhunga NGHAM hruaitu atana thlan thar te chu : President : Dr. Lalrintluanga Jahau Director, Trinity Hospital Vice President : V. Lalduhawma Director, LRM Hospital Secretary : C. Hmingthanmawia Director, City Hospital Jt. Secretary : Dr. Zothanpuia Director, CARE Hospital Treasurer : Lalthanzama Vanchhawng Managing Director, Agape Multispeciality Hospital Finance Secretary : Dr. Samuel Lalhruaitluanga Synod Hospital, Durtlang te an ni.

#ZabilianZ Feb 13: Forest Department, Seling Forest Range leh Tawi Wildlife Sanctury Staff ten tun thla ni 11-a Tuirini lui kama Silai (Airgun) nena ramvak, Sava 132 leh Thehlei 7 kaptua puh mi pathum an man te chu nizan khan Central Jail-ah dahluh an ni. Dy. Coservator of Forest, Aizawl Wildlife Division thuchhuahin a tarlan danin, Dan lova Sava leh Thehlei kap tua puh te hi Tlungvel Venghlun mi vek niin - Lalchhuanawma (33); HS Tlangkhuma (68) leh Lalthazuala (41) te an ni a. Wildlife Protection Act Section 9, 31, 34, 36, 39 leh 51 tlawhchhana man niin, kum thum thleng Jail tan leh Rs, 25,000 chawi tura hrem theih an ni tih tarlan a ni bawk. Wildlife Protection Act bawhchhiaa Sava leh Thehlei kaptua puh te hian ; Tukkhumvilik - 108; Vahui - 10; Tuklo 10; Kawlrit - 10; Vate - 2; Kulherh - 1; Liandorit - 1; Hlei kapsen - 3; Hlei lubial - 2 leh Hlei meipar 2 an kap nia tarlan a ni a. An kut atangin Air Rifle 2 leh a mu box 1, SBBL pakhat leh a mu 15 bakah Hand pump (Air pump) pakhat man...

#ZabilianZ Feb 09: Kum kalta 2023 chhung khan Serchhip District-ah phallohna hmuna mei zu mi 72 man an ni a. Heng mi te pawisa chawi tlingkhawm Rs. 3,490 a ni. CMO Conference Hall, Serchhipa kohhran hrang hrang hruaitute tana workshop nimina buatsaiha tarlan a nih danin January - December, 2023 chhungin Serchhip District Anti-Tobacco Squad-in Squad Drive vawi 35 an nei a. Dan zawm lova puipunna hmuna meizu mi 72 manin, an mi man te sum chawi tlingkhawm Rs. 3,490 a ni. Nikum chhung khan Serchhip-a Tobacco Cessation Clinic (TCC) chu mipa 134 leh hmeichhia 88, an vaiin mi 222 in an pan a, an zinga mi 36 (mipa 17 leh hmeichhia 19) chuan vaihlo leh a kaihhnawih an tih thin te an sim a, hei hi TCC pantu atanga chhutin zaa 19.45 a ni.

#ZabilianZ Feb 09: Tukin khan Assam Chief Minister Himanta Biswa Sarma-a'n a chenna in-ah Guwahati-a cham mek Mizoram Chief Minister Lalduhoma chu nimin tuk khan tukthuan eiah a sawm a, ramri chungchang an sawidun. Mizoram leh Assam Chief Minister chuan ramri chinfel tuma theihtawpaa hmalak dun an remti a, Assam Chief Minister chuan state assembly an thutkhawm lai a nih avangin an thutkhawm zawh hun remchang hmasaah ramri in-charge Minister Mizoramaa a tirh tur thu Mizoram Chief Minister chu a hrilh a. Ramri chungchanga state pahnihte an inbiak chhung chuan a tu ve ve pawhin ramriah buaina siam loh ni se, an ti tiin sawrkar thuchhuah chuan a tarlang. 

#ZabilianZ Feb 08: Hachhek bialtu MLA Robert Romawia Royte-in "Hnam changkang apiangin kum upate hlutna an hria" a ti. A bial chhunga Taitesena area MUP inkhawmpui, Darlak khuaa neih a hmanpuinaah he thu hi vawiin khan Robert Romawia Royte chuan a sawi a. "Mizote pawhin kum upate hlutna hi kan hriatrenga, chhungkua leh khawtlangah pawh kan hlut zual a ngai" a ti. MUP member kalkhawmte chu tu leh fate tawngtaipuia, an entawn tlaka faina leh thianghlimna kawnga invawng turin a chah a. Phunchiar lova midang thatna sawi uara, tu leh fate hriata midang chhiatna sawi ri lo tura chahin, Hachhek bial tana rawngbawlpuiah MUP member te chu a sawm bawk. Hachhek bialtu MLA hian tun thla ni 6 zan khan Langkaih Group YMA Rorel Inkhawpui, Thinghlun khuaa neih pawh a hmanpui a. Langkaih group YMA hruatiu hlui, tuna bialtu MLA ni ta  Robert Romawia chuan Langkaih Group YMA huamchhunga branch YMA member te chu ramri bula awm, Zoram daitheutu an ni tih inhre renga an pawimawhna hriaa ...

#ZabilianZ Feb 07: MNF thalaiin Chief Minister Lalduhoma hnuaiah Doctor-te leh Police-te laka thuneihna hmansualna nasa tak a thleng niin an sawi a. Thil tisualtua puh Police lock up-a khung tum avangin medical exam vawi-3 tih nawn a nih thu an sawi.  Chief Minister Lalduhoma'n 10/05/2023-a Court-a Criminal complaint a thehluh bawhzuiin, Cyber Crime Police Station Aizawl-in tuna Chief Minister ni ta Lalduhoma hming lanna thu post pakhat an chhui zui niin MNF thalai chuan an sawi a. He thilah hian J. Rosangpuia (Spa Jongte) chu thil tisuala puhin ni 05/02/2024 zan khan Falkland Venga a chenna in atangin Police-in an man niin an sawi. MNF thalai thuchhuahin a tarlan danin, J. Rosangpuia chu Aizawl Police Station lock up-a zankhat a riah hnuah ni 06/02/2024 ah Court-ah hruai a ni a. Police-in darkar 72 kawl an dilna chu Court-in a phalsak a. Dan pangngai angin Police-in ni 06/02/2024 thimhlimah Lock Up-a dah turin a hriselna a tha tawk em tih Aizawl Civil Hospital-ah an enfiahtir ...

#ZabilianZ Feb 04: Siaha district level committee on Myanmar refugees-in raltlan lo lut thar zingah registration mumal taka ti an awm lo tih an pawm a, hemi kawnga chak zawka hmalak tul an tih thu an sawi. DC Office atanga ID la chhuak lo, ID nei lo man chhuah kawngah tanlak an tum thu sawiin, hemi kawngah hian ramria khaw awm te an tangkai hle tih an sawi a. Village level committee te chu uluk leh chak zawka hma la tura tih ni se, an ti. Siaha district level committee on Myanmar refugees chuan sawrkar dan dinglai angin DC Office atanga phalna nei te chauh district dangah kal thei mahse, phalna la lem lova district danga kal an awm thin tih sawiin, hemi kawngah pawh hian chak zawka hmalak tul an tih thu an sawi a. Police leh Mara Thyutlia Py (MTP) te hma lo la tura tiin, hemi chungchanga sawrkar dan ding lai chu zau zawka mipui hnena puanzar ni se, an ti bawk. Raltlan Camp-a dawr awm a tangkai hle laiin, camp pawn lam, khaw chhungah erawh chuan raltlan tan dawr hawn phal loh ni se, an ...

#ZabilianZ Feb 01: Mizo Film thar tur ‘Dak Pu’ chu shooting neih mek a ni a, a theih anga hmaa mipui en theih tura chhawpchhuah theih an tum thu a buatsaihtute chuan an sawi. ‘Dak Pu’ hi thingtlang khaw pakhata Dak Pu pakhat thil tawn chi hrang hrang tarlanna nih thu a buatsaihtute chuan an sawi a. Hmangaihna tuipuia a luh dan leh harsatna chi hrang hrang lungkuai tak leh hlimawm taka a hmachhawn dan te pawh hmuh tur a awm dawn niin an sawi bawk.  Mizo film lama mikhual lo tak Adama leh Hruaia Sailo te pawh 'Dak Pu' ah hian kan hmu dawn a. Alex Lalchhuankima, MS-i Hmar, Sangteii Renza leh Lianthangpuia Chhangte te pawh an inlan dawn.  'Dak Pu' hi a Script Chiangtea Videography ziak niin, Director chu V. Zochhuanmawia a ni a.  DOP - Chiangtea Videography; VFX - Anna (Vtech Entertainment); Screenplay - Nuna Hrahsel te niin, Producer - Amawii Hero an ni.