Chief Minister Lalduhoma hnuaiah Doctor-te leh Police-te laka thuneihna hmansualna nasa tak a thleng :MNF Thalai


#ZabilianZ Feb 07: MNF thalaiin Chief Minister Lalduhoma hnuaiah Doctor-te leh Police-te laka thuneihna hmansualna nasa tak a thleng niin an sawi a. Thil tisualtua puh Police lock up-a khung tum avangin medical exam vawi-3 tih nawn a nih thu an sawi. 

Chief Minister Lalduhoma'n 10/05/2023-a Court-a Criminal complaint a thehluh bawhzuiin, Cyber Crime Police Station Aizawl-in tuna Chief Minister ni ta Lalduhoma hming lanna thu post pakhat an chhui zui niin MNF thalai chuan an sawi a. He thilah hian J. Rosangpuia (Spa Jongte) chu thil tisuala puhin ni 05/02/2024 zan khan Falkland Venga a chenna in atangin Police-in an man niin an sawi.

MNF thalai thuchhuahin a tarlan danin, J. Rosangpuia chu Aizawl Police Station lock up-a zankhat a riah hnuah ni 06/02/2024 ah Court-ah hruai a ni a. Police-in darkar 72 kawl an dilna chu Court-in a phalsak a. Dan pangngai angin Police-in ni 06/02/2024 thimhlimah Lock Up-a dah turin a hriselna a tha tawk em tih Aizawl Civil Hospital-ah an enfiahtir a, thla 2 kaltaa accident avanga nikhaw hre lova lo awm tawh, nghawng ruh fello (Cervical spondylosis) nei, inenkawllai a nih bakah BP sang nei niin an sawi.

Civil Hospital Aizawl-a endik a nih lai pawhin damdawi ei tir nghal ni mahse, a BP a tlahniam thei lova, Medical Officer Duty chuan Police Station Lock Up-a khung turin a hriselnain a tlin rih lo tih report a ziak niin MNF thalai chuan an sawi a. Police-in chhuah lailawktir rih mai an tum laiin, Chief Minister Office atanga chhuak ni ngeia ngaih thupek khauh tak Police te leh Doctor ten an dawng nia sawiin, J. Rosangpuia chu Aizawl Civil Hospital-ah bawk hruai nawn leh niin, Doctor duty chu medical exam tih nawn luih tir leh a nih hnuah Police-in Police Station lamah an hruai leh ta niin MNF thalai chuan an sawi. 

Police leh Doctor ten thuneitu sang ber atanga na taka nawr luih an tawk tih an hriatin J Rosangpuia chhungte leh a thian tha, chanchin ngaihvena Police station-a kal te chuan mihring thih leh dam kar thil a nih avangin, J Rosangpuia hriselna dinhmun chu enfiah nawn leh an ngen avangin zan dar 10 hnu lamah Police Station atangin Civil Hospital-ah bawk hruai nawn leh niin, Senior Doctor-in a hriselna dinhmun a endik nawn leh niin MNF thalai chuan an sawi a, a BP chu a sang hle tih finfiah nawn leh a ni a, a hriselna dinhmun chu vilzui ngai a ni tih finfiah a nih avangin Senior Doctor chuan Civil Hospital-ah a admit nghal niin an sawi bawk.

MNF thalai chuan Chief Minister Lalduhoma pawisawitua puh a nih avangin J Rosangpuia chungah hleilenna nasa tak a thleng nia sawiin, "a tisual ngei em tih Court-in a finfiah hma hauha a chunga mihring dikna chanvo bawhchhiatna nasa tak a thleng hi kan dem takzet" an ti a. "Police te kutke-a hmang luia sorkar thuneihna hmansualna nasa tak a thleng leh Doctor te thiamna leh hriatna rinhlelhsak an ni te, mualpho thei ang bera medical exam vawi 3 lai tih nawn tir an ni te hi Mizoram chu sawi loh, India ram hmun dang leh khawvel hmun dangah pawh thil la thleng ngai lo niin kan hria" an ti.

"Chief Minister Lalduhoma sorkar hnuaiah hetiang taka Doctor te meuhin hmuhsit leh rahbeh an tawk ta mai hi na kan ti" MNF thalai chuan an ti a. "Hetianga mi chaklo zawk leh thil ti thei lo zawk te chunga dan piahlama thuneihna hmansualna leh hleilenna hi tu chungahmah thleng tawh lo se kan duh takzet a ni" an ti bawk.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more