ZabilianZ

#ZabilianZ April 24: Sorkar nghenchhan lova mimal, Aizawl veng hrang hrang bawlhhlawh paihtu Aizawl Garbo-in thla hnih an tling awrh tihah Aizawl veng 18 vel an tuam tawh. Aizawl Garbo hi C. Lalmuankima te chhung, Ramhlun Venglai, Aizawl-in kumin February ni 14 atanga an kalpui tan kha a ni a. Tunah hian AMC huam chhunga veng hrang hrang 18 vel an tuam tawh tih C. Lalmuankima chuan sawiin, sum nei saa ti an nih loh avangin a mamawhtute beiseina pawh duhthusamin an la tihlawhtling vek thei lo niin a sawi. Bawlhhlawh paih man bithliah chungchangah pawh a theih chin chinah mi rawn awm te an rawn kual hmasak thu sawiin, in lam bawhhlawh (domestic) leh sumdawnna hmuna bawlhhlawh (commercial) tea thenin a rate pawh a inanglo tih a sawi a. Kar khata vawikhat paih, vawihnih paih leh vawi thum paih tea an then thu sawiin, tuna an rate chu an enchhinna a la nih avanga la ennawn leh tur a nih thu leh tunah rih chuan an rate then hrang hrangah Rs. 500 aia sang a awm loh thu a sawi. Bawlhhlawh te c...

#ZabilianZ April 23: Saitual District Election Officer (DEO) Dr Lalngura Tlau-in youtube channel pakhat 'Khawlbawm' in Lok Sabha inthlan neih zawh taka Saitual district-a lirthei hman man chungchangah thu diklo a tarlang niin a sawi a. He channel hian thu belhchiandawllo an puanna video chu la thlaa a sawifiahna an dah leh tawh avangin dan hmanga um zui erawh a nih loh tur thu leh hetiang thil a awm leh a nih erawh chuan dan hmanga umzui a tul tawh tur thu a sawi. Saitual DEO chuan vawiin khan thuthar thehdarhtute kawmin, he thil thleng chungchang hi a sawi a. 'Khawlbawm' channel chuan Lok Sabha inthlan zawh takah Saitual district-a inthlanna atana lirthei hman man chu inremna ang ni lova pek niin a tarlang a, hei hi thu diklo a nih thu DEO chuan a sawi a. Maxi Cab Owners Association nen inremna an siam thu leh lirthei pakhat ni khatah Rs. 6,000 leh kilometre khatah Rs. 40 zel tura an inrem thu sawiin, an inremna anga lirthei hman man chu pek a nih thu a sawi. Saitual D...

#ZabilianZ April 23: Mizo Academy of Letters (MAL)-in vawiin khan Chanmari YMA Hall, Aizawl-ah an kum 60-na Diamond Jubilee lawmna hawnna hun hmangin, nikuma tih chhuah lehkhabu ṭha bera an thlan, 'Pangparhnima' tih ziaktu Ahmangaihi Khiangte hnenah 'Book of the Year 2023' chawimawhna an hlan. MAL Diamond Jubilee lawmna leh Book of the Year lawmman hlan inkhawm hi MAL Presidentṭ Prof. RL Thanmawia'n a kaihruai a. He hun hmanpuitu MBSE Chairman JH Zoremthanga'n Book of the Year lawmman -chawimawina thuziak leh Rs. 10000 chu 'Book of the year 2023 - Pangparhnima' ziaktu Ahmangaihi Khiangte kutah a hlan a ni. MAL-in a chhinchhiah danin nikum chhung khan lehkhabu 170 a chhuak a. Heng zingah hian Ahmangaihi Khiangte ziak 'Pangparhnima' tih chu Book of the Year 2023 atana thlan a ni. He lehkhabu hi thawnthu (fiction) niin, a thawnthu phuah dan leh a changtute a duan dan a danglam avang leh a ṭhat avanga Book of the Year atana thlan a nih thu Book of th...

#ZabilianZ April 22: Joseph Zaihmingthanga Memorial Society (JMS)-in Joseph Zaihmingthanga vuiliam a nih atanga kum 1-na champha May 8, 2024 zanah Vanapa Hall, Aizawlah Joseph Zaihmingthanga Tribute Concert an buatsaih dawn a. He concert-ah hian zaithiam tak tak ten Joseph Zaihmingthanga hla te an sa ang. Joseph Zaihmingthanga Tribute Concert hi en man siam a ni dawn a, Rs.200 leh 500 te niin, heta sum hmuh te hi ruihlo ngai enkawlna Home - TNT, TBCC leh OKM te tanpuina atana hlan tur a ni. Joseph Zaihmingthanga Tribute Concert-a zai tur te : Gospel : Lalrinhlui Tlumang - Eloi Eloi Zorema Khiangte - Nitin Lalpa Lawmi Khiangte - Khawvel a ngam ta Thawhlehnaniropuia - Ka ril a rah Lengzem : Vanlalhmangaiha - Tahchuan a leng Zaii Hauchhum - Kan hlim lai ni (E O E O) H. Lalrempuia - Hmangaihna mittui Jaui - Engtin tuar i hmaw Lilac -  An phal lo maw. Chhanhima-Joseph kan au che Heng mi te bakah hian Zoramchhani, Vanlalsailova leh PC.Laremruata te an zai bawk ang a, zaithiam zai te hi T...

#ZabilianZ April 22: Champhai Police-in Champhai Zotlang-a lirthei veivak an endiknaah nimin chawhnu dar 1:30 khan Car (MZ 04 A 9119), Benjamin Lalvumsanga, Champhai Kanan veng ami khalh atangin Heroin ni ngeia rin engemawzat an man. Champhai Police-in Heroin ni ngeia rin an man hi Gram 788, Sahbawn bawm 65-a dah niin, Rs. 23,64,000 hu a nih thu Police te chuan an sawi a. Heng ruihhlo ni ngeia rin leh a phurhna motor bakah motor khalhtu, kum 22 mi Benjamin Lalvumsanga leh he motor-a chuang ve a nupui, kum 34 mi Zion Lalramchullovi, Kanan Veng, Champhai te chu hriatpuitute awm laiin an man tih Police chuan sawiin, Champhai Police Station-ah thubuai ziahluh a nih thu an sawi bawk.   

#ZabilianZ April 22: Mizoram Truck Owners Association (MTOA) hruaitute chu vawiin khan Northeast Frontier Railways (NFR) General Manager hovin  Guwahati-ah an inkawm a. Mizorama rel thlen dan mumal lo chungchang te, rel station-a tui in tur awm lo te leh thil dang awm tur awm lo te, inthiarna leh kudam lian te leh eng (light) ṭha lo chungchang te an sawiho. MTOA huaitute chuan harsatna an thlen hrang hrang te chu NFR hotute chuan reilote-a rawn chinfel an tum thu an lo hrilh niin an sawi a. "Rel station-a awm tur tam tak a awm loh avang  hian thil a nih tur ang a nih hma chu a huna rel kan tih ruah hman loh avanga demurrage chawi ṭhin pawh 75% a tihhniam min tiam" an ti bawk. NFR hotute chuan nakum March thla-ah chuan Sairang-ah rel lian luhtir hman an tum thu pawh an lo hrilh niin MTOA hruaitute chuan an sawi a. min Bungrua zawng zawng relin a phurh tawh dawn avangin truck tan hna ṭau a ṭet dawn niin an lo hrilh tih an sawi bawk a ni. 

#ZabilianZ April 21: Mizorama Sava zirchianna kalpui mekah tun thla ni 7 khan Sava vang tak, Vangá - Blyth's tragopan (Tragopan blythii) chu Thaltlang khaw ram chhung, Phawngpui National Park nena inrina ah a thla lak fuh a ni. Conservation Mizoram thuchhuahin a tarlan danin, tuntuma Vangá thla lak fuh a ni hi Mizoramah Vangá a la awm ngei a ni tih kum 10 hnua chian leh theihna awmchhun a ni. Vangá te hi International Union for Conservation of Nature (IUCN) leh BirdLife International chuan mang mai hlauhawm hnai tawh 'Vulnerable' category-a an dah a ni a. An chenna ram chereu zel vang te, an sa ei atana pèl ṭhin an nih avang tein an tlem tial tial nia hriat a nih thu Conservation Mizoram thuchhuah chuan a tarlang. Conservation Mizoram chuan Vangá mai ni lo, Mizorama nungcha awm te leh an chenna hmun te humhalha, vawnhim kawngah nasa zawka ṭan la turin mitin te an ngen a ni. 

#ZabilianZ April 21: Vawiin tlai dar 5 vel khan Durtlang North naupang Lalawmpuia chu an veng chhung, ICFAI peng bula thirsakawr a khalh lai BSF motor nia hriat Scorpio-in a su a, damdawi in panpui a nih laiin a boral. Naupang su hlumtu motor khalhtu chu Police kutah a awm tawh niin Police hotu ten an sawi. Durtlang atanga thudawnnain a sawi danin, CCTV footage atanga a lan dan chuan Lalawmpuia sutute chu a tirah dingin, motor atangin chhuk mahse, rang takin motor-ah an lut leh nghal a, an naupang sut chu bawihsawm lovin an tlan leh nghal a, a bulhnaia lo awm ten lo dan tum mahse, an dang zo lo. CCTV footage atanga a lan dan chuan he motor-ah hian BSF uniform ha an chuang niin thudawnna chuan a sawi a. Naupang an sut hnua an tlan leh hi Durtlang North-a BSF Sector Hqrs-ah an tlanlut niin a, mipui pawh BSF Sector Hqrs-ah Gate bulah hian an pungkhawm zui nghal niin a sawi bawk.   

#ZabilianZ April 14: Motor insurance document lem siam thubuaiah Police-in mi 7 an man tawh a, Police-in an man tawh zinga mi 4 chu mipa niin, a dang 3 te chu hmeichhia an ni a, he thilah hian inhnamhnawih dang an awm leh awm loh an chhui zui zel. Thudawnnain a sawi danin motor document lem siam chungchangah hian tun thla ni 10 khan Transport department Director hmingin Aizawl Police Station-ah FIR thehluh a ni a. Police lamin bawhzui nghalin, a tuk ni 11 leh ni 12 ah mi 5 an man a, hemi hnu hian midang 2 an man lehin an mi man te hi Court remtihnain Police chuan zawhfiah turin an kawl mek  a ni. Hemi chungchang FIR-a a lan danin, tunhma deuh atang tawhin lirthei insurance lem a tam a. Insurance certificate lem chu lirthei neitute tan leh mipui tan pawh a him loh avang leh inbumna thil a nih avangin man chhuak tur pawhin Deptt. chuan theihtawp an chhuah ve thin a, DTO lam pawhin man chhuah te pawh an nei tawh. Thudawnnain a sawi danin, motor insurance document lem siamtute chuan da...

#ZabilianZ April 14: Lok Sabha inthlan lo awm tura MNF Candidate K. Vanlalvena'n "'We shall kill them all' tih ka sawi kha ka inchhir lova, ka tih tur tak tiah ka inngai" a ti. Aizawl khawpui chhung hmun hrang hranga street campaign-ah he thu hi April ni 13, Inrinni khan K. Vanlalvena chuan a sawi a. "Khatih hunlai khan ZPM thalai chuan press release siamin min chhuan zia an puang a, ka lawm ngawih ngawih a ni" tiin, "Vawiina nuihza siam nana Chief Minister-in khami chungchang a sawi kha chu ZPM candidate ka nih loh vang a ni a, ZPM candidate chu ni ila min chhuan zia sawi thiam ber a ni ang, kan police te thil tih kha ka phatsan thiang lo a ni," a ti bawk. K. Vanlalvena chuan "India ram chhung leh pawna Zohnahthlak ten harsatna an tawh laiin theihtawpin Parlianment House chhung leh pawnah ka lo au ve tawh ṭhin a. Kan ram, kan hnam leh kan sakhua a him theihna tura theih tawp chhuah chhunzawm zel thei turin, Mizo mipui ten hnathawhkawr min...

#ZabilianZ April 11: India rama Black belt awm tawh zinga a palina leh Mizo zinga a hmasaber ni turin Samuel Lalrozama chu BJJ second degree black belt Bryan Daly chuan nimin khan Black Belt (White bar) a hlan. BJJ hi martial arts zinga black belt thlen har ber zing ami, kum 10 vel tal ngai ṭhin leh self defense leh MMA (Mixed Martial Arts) tana base tha ber te zing ami nia sawi a ni a. Colour belt (blue to brown) pawh India ramah 50 an la tling lo. A hlutna chu tu hnen atanga grading hi dawng nge (lineage) an nih chhui thin a ni a, grading petu world body lian ber (IBJJF)-a inziaklut a ni em tih an en thin bawk. Samuela hi IBJJF certified a nih bakah BJJ hmuchhuaktu chhungkaw zirtirte - Grandmaster pahnih (Joe Moreira leh Luiz Palhares) hriatpuia Belt hi hlan a ni. Dawrpui YMA Vice President ni mek Samuel Lalrozama hi Muaythai lamah pawh thleng sang leh sulhnu nei tha a ni a. BJJ a zinkawng chu kum 15 a nih tawh thu sawiin, "hei hi mimal emaw Ju-Jujitsu Association of Mizoram (JA...

#ZabilianZ April 11: MZP Federal Council, School Education Directorate Conference Hall Aizawl-a vawiina thukhawmin Sairang thlenga rel a lo luh thuai dawn avangin, sorkarin Inner Line Permit (ILP) check dan turah ruahmanna felfai zawk a siam theihna tura hmalak an rel. Education department bik enkawltu tur Mizoram Education Service (MES) nei thei tura hmalak pawh pawh relin, Mizo zirlaite ruihhlo laka an fihlim theihna tura hmalak pawh an rel a. Ram pum huapa ‘Career Awareness’ tura hmalak pawh relin, Mizoram zirnain hma a sawn theih nan tuna hman mek syllabus chu zirchiana, a tul anga hmalak ni rawh se, an ti. Sumdawnna leh inchimralna kawnga Zofate him tlan theihna turin zirchianna leh inhrilhhriatna (awareness) neih pawh an rel a. Mizoram ‘Schedule Tribe' list ennawn a nih theihna tura hmalak an rel bawk. 

#ZabilianZ April 11: Lok Sabha inthlan lo awm tura MNF party Candidate K. Vanlalvena'n tukin khan Siaha Bazar-ah hun hmangin, "thlan tlin ka nih chuan kan ram, kan hnam leh sakhaw humhalh kawngah nasa takin hma ka la ang" a ti. K. Vanlalvena chuan MP atana thlan tlin a nih chuan hnam hnufual, sakhaw te zawk leh tlem zawk te an hima, an dinhmun chawikanna tura hmalak chu a tum lian ber pakhat a nih thu a sawi a. "Hei hi MP pakhat ve mai tan a harsa a nih pawhin nasa takin ka nawr anga, ka bei nasa hle ang", a ti a ni. "Kan chheh vel leh hmun hrang hrangah Zohnahthlakte hmasawn thei lovin kan awm reng a, rorelna pakhat hnuaiah chuan awm ila, hnam ropui tak, khawvelin a hriat kan ni thei" K. Vanlalvena chuan a ti a. "Zofate kan insuihkhawm leh theihna tur hian Pathianin hun a tihah chuan ram ropui tak tak te pawh an la kehchhia anga, Hnam tlem zawkte pawh kan la ding chhuak ang. BJP chuan India ram hi Hindu sakhuaah siam an tum a, MNF chuan India ram...

#ZabilianZ April 11: Lok Sabha inthlan lo awm tura Mizorama INC Candidate Lalbiakzama'n vawiin khan Lengpui, West Phaileng leh Mamit-ah te campaign-a hun hmangin, “BJP sorkar hnuaiah Democracy a tlu mek a, Sakhaw tenau te hrek beh an ni a, Journalist-te an lei zo tawh” a ti. Lok Sabha inthlan chu tuntum ang em emin khawvel ram dangin an la ngaihven ngai lo nia sawiin, Lalbiakzama chuan "Mother of Democracy an tih ṭhin, India ah hian khawvel hi an hlauthawng tawh a. Opposition party hruaitu man khawm rup rupa jail a dah hi Myanmar leh Afghanistan te tih awm tak a ni a. India Democracy a nghing nasa hle a ni" a ti. “BJP hi an sorkar leh a nih chuan inthlanna hi a awm zel ang em tih rin a har tawh" tiin, "Inthlang mah ila, Russia ang maiin a tling tur hriatsa ang chauh kan ni tawh ang" a ti a. Central BJP sorkar chu pawisak leh zahpah nei lova Electoral bond hmanga sum tuakah puhin, "CBI, ED leh IT Dept hmangin Company lian te an tih ṭhaih a. Political pa...

#ZabilianZ April 11: ZPM party-in Lok Sabha inthlan lo awm tura an candidate Richard Vanlalhmangaiha chu "diklo taka puh hmingchhiat a ni" an ti a. A puh hmingchhetute thubuai siamsak an nih theih na turin hma an la dawn niin an sawi Vawiin khan Aizawla an party pisa-ah ZPM Legal Department hruaitu ten thuthar thehdarhtute kawmin he thu hi an sawi a. ZPM Candidate Richard Vanlalhmangaiha chu eirukna thubuai chinfel vek tawh, a mawhphurtute pawh court-in a hrem tawhah inhnamhnawiha puh a nih thu sawiin, "Ni 10.04.2024 khan kum 2011 leh 2012 vela MAMCO Deputy Manager (Marketing) Lalremthanga leh MAMCO Consultant nia chhal Mustaqur Rahman, Guwahati te thubuai, contract hna inpek chungchanga inbumna thubuai chinfel tawh, hremna pawh pek tawh kaihhnawihah ZPM MP Candidate  sawiluh ve talh tumna David Sailo inti pakhat thuziah chu Social Media (Facebook leh Whatsapp) ah te nasa taka thehdarh a ni" an ti. ZPM chuan "ni 10.04.2024 zanah vek Tuesday Nightmare Youtube ch...

#ZabilianZ April 10: Lok Sabha inthlan lo awm tura Mizorama INC Candidate Lalbiakzama'n BJP sorkar hnuaiah India ram chu a chhe chak hle nia sawiin, chanchinbumi te zahawmna leh zalenna pawh a tlahniam chak hle niin a sawi. Khawlailung leh Serchhip-a a campaign na ah he thu hi vawiin khan INC candidate Lalbiakzama chuan a sawi a. Khawvel ram 180 chuanga chanchinbumi te zalenna tehna - Press Freedom Index-ah India ram chu 161-na a ni mek nia sawiin, "Chanchinbumi te zahawmna leh zalenna a tlahniam chak hle a, hei hian India ram Democracy chu a tlahniam chak hle a ni tih a lantir" a ti. Lalbiakzama chuan khawvela eirukna lian ber Electoral Scam-ah Central BJP sorkar chu a hmingchhe hle tih pawh sawiin, BJP chu Parliament inthlan-ah an sorkar nawn leh a nih chuan India chu democracy a ni reng ang em tih hriat a ni tawh lo niin a sawi a. He thil avang hian India rama mithiamte leh thil chik mite rilru a hah hle niin a sawi. BJP-in Democracy an nuai bo ngei a rinawm nia sawiin...

#ZabilianZ April 10: MNF thalaiin Chief Minister Lalduhoma chu Mizoram sorkar hnathawkte a chhethei ang bera puhah puhin, tun thla ni 18 hma ngeia sorkar hnathawkte hnena ngaihdam dil turin an phut. MNF thalai hruaitu ten vawiin khan thuthar thehdarhtute kawmin he thu hi an sawi a. Chief Minister chuan Shillong-a a zinnaa amah lo kawmtute hnenah Mizoram sorkar hnathawkte a puhchhe hle nia sawiin, “Pawl ang te, association ang te, a department pum ang te in  min dolet an tum mek a, a bikin Police department-ah chu chu a awm mek a ni’’ a ti niin an sawi a. Thudiklo hmanga sorkar hnathawkte puhchhiatna ni ngeia an hriat thu sawiin, "Chief Minister thusawi chu Mizoram sorkar hnathawk zawng zawngte hmai tibaltu a nih avangin kum 2024, April ni 18 (Ningani) hma ngeia Mizoram sorkar hnathawkte chunga ngaihdam dil turin Chief Minister Pu Lalduhoma hi kan phut a ni" an ti. "Hun reilote Chief Minister a nih chhungin Pu Lalduhoma hian Mizoram sorkar hnathawkte diriam zawngin thu a ...

#ZabilianZ April 05: Mizo Photographers' Society (MPS)-in zanin khan Hyve City Hall, Aizawl-ah Annual General Body Meeting neiin, kum 2024 - 2025 chhunga an hruaitu tur an thlang. Kum 2024 - 2025 chhunga MPS Office Bearer tura thlan thar te : President           : Zoramchhana Vice President : Lalnuntluanga General Secretary : H Lalchhanhima Assistant Secretary : HT Hnamtinkhuma Treasurer : Zothankhuma Fin Secy           : C Rothangliana

#ZabilianZ Apr 02: Save the Riparian pawl-in Tlawng pawhtu lui kawr te thianfaia March ni 26, 2024 atanga an hnatlan tawhna te nimin khan thual lehin, an thenfai tawhah bawlhhlawh tharlam an hmuh leh nghal nual thu an sawi. Save the Riparian pawl hian Tlawng lui pawhtu luikawr an thenfainaah hian bawlhhlawh trip engemawzat Tuiriala Solid Waste Management Centre-ah an paih a. Luikawr te chu pastic bawlhhlawh leh pawnchhia ten a hnawh nasa hle niin an sawi. Mission Vengthlang leh Model Veng inrinna luikawrah pawh diaper leh hmeichhe pads te a tam hle nia sawiin, pawnchhe chi hrang hrang - blanket, rizai leh a dangte thlengin) hmuh tur a awm niin an sawi a. Heng luikawr hnawhtu bawlhhlawh te hi a thenfai pawh a hautak hle niin an sawi. Luikawr kama in neitu ten septic tank pipe-in direct takin luikawrah ek an luanchhuah tir niin an sawi a. He project an kapui zelna turah mipui thlawpna an mamawh thu sawiin, mipuite chu luikawra bawlhhlawh paih tawh lo turin an ngen a ni. Save the Rip...