MNF thalaiin sorkar hnathawkte hnena ngaihdam dil turin CM an phut


#ZabilianZ April 10: MNF thalaiin Chief Minister Lalduhoma chu Mizoram sorkar hnathawkte a chhethei ang bera puhah puhin, tun thla ni 18 hma ngeia sorkar hnathawkte hnena ngaihdam dil turin an phut.

MNF thalai hruaitu ten vawiin khan thuthar thehdarhtute kawmin he thu hi an sawi a. Chief Minister chuan Shillong-a a zinnaa amah lo kawmtute hnenah Mizoram sorkar hnathawkte a puhchhe hle nia sawiin, “Pawl ang te, association ang te, a department pum ang te in  min dolet an tum mek a, a bikin Police department-ah chu chu a awm mek a ni’’ a ti niin an sawi a. Thudiklo hmanga sorkar hnathawkte puhchhiatna ni ngeia an hriat thu sawiin, "Chief Minister thusawi chu Mizoram sorkar hnathawk zawng zawngte hmai tibaltu a nih avangin kum 2024, April ni 18 (Ningani) hma ngeia Mizoram sorkar hnathawkte chunga ngaihdam dil turin Chief Minister Pu Lalduhoma hi kan phut a ni" an ti.

"Hun reilote Chief Minister a nih chhungin Pu Lalduhoma hian Mizoram sorkar hnathawkte diriam zawngin thu a sawi hnem tawh hle" MNF thalai chuan an ti a. Assembly Budget Session neih zawh takah pawh Mizoram Police te chu nasa taka diriamin, Mizoram mipui hma ah, Mizoram Police te chu thlamuanpui tlak an nih loh thu uar takin a sawi niin an sawi.

Sorkar kal tawh te ang lo takin Lalduhoma kaihhruai sorkar chu midang sawichhiatna lamah a sang filawr hle niin MNF thalai chuan an sawi a. "Mizoram sorkar kal tawh zawng zawng zingah ni 100 chhunga midang sawisel nasa ber leh ram mipui thudiklo min hrilh nasa ber an la ni hial awm e" an ti.

MNF thalai chuan "Thla 3 bawr chauh sorkarna an kalpui chhung hian Mizo thalai leh zirlaite beidawnna nasa takin an thlen" an ti a. "MLA inthlanpui neih hmaa kuthnathawktute leh thalaite tana an intiamna te chu an sawi zuzi chho tan mek" an ti.

"Thalai hna zawng mek te leh zirlai ten tangkai taka an chhawr MSSSB chu chhan mumal awm lovin, ‘MNF sorkar din a ni’ tih vang ringawtin thiah a ni a, vawiin thlengin MPSC thuamchak tura an hmalakna erawh Mizo mipui ten kan la hre lo" an ti bawk.

MNF thalai chuan "ZPM party hian sorkarna an chan chuan Development Bank an din dawn thu leh chumi kaltlang chuan thalaite hnenah Loan pung awm lo chi an pek tur thu te, sorkar chu a thlawna Guarantor-ah a tan tur thu te nasa takin an tlangaupui a. Sorkarna fawng an chelh hnu ah erawh chuan, ‘Mizoram Ceiling on Government Guarantees Act’ kan lo neih avangin Loan pung awm lova pek leh a thlawna sorkar guarantor-a tan chu tihhlawhtlin mai theih a ni lo', tiin Mizoram mipui leh thalaite an bum leh mek" an ti bawk a ni. 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more