ZabilianZ

#ZabilianZ June 30: Mizo Dance Camp (MDC) The Main Event Grand Finale leh Showcase chu June ni 28 (Zirtawpni) zan khan DMC, Pipu Tlang, Dawrpui-ah neih a ni a. Hei Raw Dance-a inelnaah Frozen Crew pakhatna an ni. Mizo Dance Camp kum 10 tlin lawmna ni bawk hi mipuiin an hlut hle a, hall-a lenglo khawp an pungkhawm a. The Main Event tawp zanah hian MDC Showcase bakah Hei Raw Dance Competition Finals leh Showdown Dance Battle Finals te neih a ni a. Mizoram bakah Assam, Arunachal Pradesh, Manipur leh West Bengal aṭangin heng inelnaah te hian an tel a. Endiktu pawh state pawn atangin mi pahnih - Mekhola Bose, Mumbai leh Sammy Hamar, Assam te an tel a, an ni pawh hian lam hmuhnawm tak mipui te an hlui bawk.#zabilianz Inelna hrang hranga lawmman dawngtu te :  HEI RAW DANCE COMPETITION Winner : Frozen Crew 1st Runner Up : Dancing Mask, Assam 2nd Runner Up : Pink Phoenix Best Supporting Crowd : Greenland HSS Best Performing School : St. Mary's School SHOWDOWN DANCE BATTLE Winners : 1V1 HIP

#ZabilianZ June 30: Catholic Ṭhalai Pawl, St. Mary’s Branch-in an Golden Jubilee puala an buatsaih, Proclaim - mal zaia inelna chu nizan khan zawhfel a ni a, Don Bosco Parish, Seling Bial aiawha tel Dilkhan tlangval Francis Lalṭhatpuia pakhatna a ni. Proclaim - mal zaia inelnaah hian St. Mary’s Parish Bial aiawha tel Flora Saizikpuii, Electric Veng, Aizawl chu pahnihna niin, St. Lawrence Parish aiawha tel Regina Laltlansangi, Ramthar Veng, Aizawl chu pathumna a ni.#zabilianz He inelnaah hian finalist 5 te hla pahnih hmanga inelin, Catholic Rawngbawlna Hla Bu ami leh hla dang anmahni thlan an sa a. Pakhatna Francis Lalṭhatpuia'n Rawngbawlna Hla Bu ami ‘Hringnun kan zin kawngah hian’ tih leh C. Lalzarmawia hla phuah ‘An Hrilhfiah’ tih hmangin final a hmachhawn a. Pahnihna Flora Saizikpuii'n Rawngbawlna Hla Bu ami ‘Lalpa thlipui a tleh chiam a’ tih leh ‘I Ropui Zia’ tih hla a sa a. Pathumna Regina Laltlansangi'n Rawngbawlna Hla Bu ami ‘Tlang mawi tak chu a awm’ tih leh ‘Beisei

#ZabilianZ June 20: Mizoramah Vawk hri leng - African Swine Fever (ASF) avangin vawiinah Vawk 328 a thi a, ASF avang vekin vawiinah Vawk 306 suat an ni bawk. Mizoramah kumin January atanga vawiin thlenga ASF vanga Vawk thi tawh zawng zawng 3028 niin, ASF vanga Vawk suat tawh zawng zawng 5703 a ni. AH&Vety Deptt-in a chhinchhiah danin ASF avanga vawiina Vawk thi te chu : Aizawl district : Lawipu-ah 1 Aibawk-ah 37 Sateek-ah 37 Zemabawk-ah 80 Thingsulthliah-ah 1 Falkawn-ah 36 Seling-ah 1 Chawlhhmun-ah 2 Sesawng-ah 1 East Phaileng-ah 1 Tlangnuam Vengthar-ah 6 Khawzawl district : Puilo-ah 4 Chalrang-ah 1 Serchhip district : Baktawng-ah 3 Chhiahtlang-ah 1 North Vanlaiphai-ah 8 Chhuanthar Tlangnuam-ah 96 Thenzawl-ah 2 Lungpho-ah 5 Kolasib district : Kawnpui-ah 3 Serlui B-ah 1 Mamit district : Ailawng-ah 1 te an ni a. Vawiina ASF avang veka Mizorama Vawk 306 suat te chu : Aizawl district : Thingsulthliah-ah 16 Durtlang-ah 13 Seling-ah 22 Sesawng-ah 5 Tuvamit-ah 6 Sakawrtuichhun-ah 40 Muann

#ZabilianZ June 19: Aizawl West II bialtu MLA, Minister of State Lalnghinglova Hmar-in a bial huam chhunga zirna in awm te dinhmun zirchian mek a nih thu leh a bialah zirnain hma a sawnna tura theihtawp a chhuah mek thu a sawi. A bial chhung mi, HSLC leh HSSLC exam-a ti thate lawmpuina hun a pisa-a buatsaihah Sports & Youth Servises Minister chuan he thu hi vawiin khan a sawi a. A bial mi, HSLC leh HSSLC exam-a top 10 a lang mi pahnih hnenah laptop pein, subject topper mi pakhat hnenah tablet a pe bawk a ni. Sports Minister chuan zirlaite chu tuna an hlawhtlinna chu thil ropui leh lawmawm tak ni mahse, bul an tanna, eizawnna tling thiamna tak tak an neihna tura an inchherhriamna chauh a la nih thu a sawi a. Eizawnna ngelnghet neih piah lamah, midangte eizawnna siamsaktu ni thei turin duhsakna a hlan. Aizawl West-II huam chhung atang hian Lallawmsangi, Dinthar chu St. Joseph HSS atangin HSLC 2024 ah pakuana a ni a. Science subject-ah full mark a hmu bawk. C. Lallawmawma, Tuikual Nor

#ZabilianZ June 19: MNF party-in Bangladesh-a Zofa ten harsatna an tawh avanga Mizorama raltlana nunau 200 chuang te BSF-in an thawnkir leh nia sawiin, pawi an tih thu an sawi a. Hemi chungchangah hian Mizoram sorkar chu a ngawi nia sawiin, Zofa raltlan te ngaihsak turin Mizoram sorkar chu an phut. MNF thuchhuahin a tarlan danin, Bangladesh-a Zofa Mizorama raltlan, BSF-in an thawnkir te chu Bangladesh-a an awmna khuaa let leh ngam tawh lovin ramhnuaiah khawchhe karah an tangkhang mek a. An zingah naupang leh kum upa thahnem tak an tel bawk. "Kan unau ten harsatna nasa tak an tawh laia Mizoram sorkar a ngawi tlat hi MNF chuan pawi a ti hle a, an sahimna zawnga rawn luh tum kan unaute hi ngaihtuah hram turin sorkar kan ngen a ni" an ti.#zabilianz MNF sorkar laia Bangladesh atanga Zofa raltlan te chu BSF-in lo dangin harsatna nasa tak an siamsak avangin khatihlaia Chief Minister Zoramthanga khan "Kan unau te dan kan remti lo, nangni pawhin in Bengali pui Bangladesh ațanga I

#ZabilianZ June 19: Education Minister Dr Vanlalthlana"n MNF sorkar lai, September ni 27, 2023-a Council of Minister-in sikul 340 te dinhmun sang zawka hlankai a remtih tawh chu nimin (June 18, 2024)-a Council of Minister thukhawmin enthat leh an rel niin a sawi. Education Minister chuan vawin khan a piasa-ah thuthar thehdarhtute kawmin, he thu hi a sawi a. Sorkarin sikul 340-te dinhmun sang zawka hlankaina tur chu kum 2024-25 budget-ah a dah thu sawiin, sikul 180 te provincialised na tur pawh DP&AR ah thawn nghal a nih thu a sawi a. Dinhmun sang zawka sikul hlankai chu a taka kalpui tur erawh chuan Education department leh Mizoram sorkarin dan (act & rules) a neihsate chu hman theih loh khawpa sorkar hmasa Council of Minister meeting-in a lo siam avangin ngaihtuah that tura chhawp chhuah leh a ngaih phah ta niin a sawi. Zirtirtu tam tak lungngai tur leh politics-a inbeihna awm thei tur pawh ngun taka ngaihtuah tel a nih thu Education Minister chuan sawiin, "Felfai ta

#ZabilianZ June 19: Minister of State B. Lalchhanzova'n Mamit khawpui chhung leh a luhka kawngpuite a theih ang anga siamthat deuh a nih theihna turin PWD Minister hnenah ngenna ziaka thlen a tum. Mamit Chhim Veng YMA hall-a MZP-in zirlai ti tha chawimawina hun an buatsaih a hmanpuinaah he thu hi vawiin khan Minister of State B. Lalchhanzova chuan a sawi a. Mizoram sorkarin ruihhlo a do bakah ruihhlongai te enkawl kawngah pawh hmalak zel a tum thu pawh sawiin, zirlaite kalkhawm te chu ruihhlo laka fihlim tur leh an thil tih apiang te zo taka, rintlak leh taima taka ti thin turin a chah. B Lalchhanzova chuan zirlai kalkhawm te chu Saptawng (English) thiam leh thiam lovah buai lutuk lo tura chahin, Saptawng thumal thiam tam tum tur te, chapo si lova mahni inngaihlu tur te, ngeiawm si lova inrintawkna nei tur te in a chah a. Midangin an tihphur nghak lova mahni leh mahni intiphur thin tura chahin, "Ka thei ve a ni tih rilru kan put tlat chuan kan hlawhtling thei a ni" a ti.#

#ZabilianZ June 19: AMC Executive Corporator B. Lalawmpuii'n a bial Ward IX chhung Chhinga Veng-a awm sawrkar school ta tlawh kualin, school mamawh hrang hrang a sem. B. Lalawmpuii chuan Chhinga Veng Primary School-I hnenah PA Set leh Rs. 31,000 a pe a, Chhinga Veng Middle School hnenah Choka cheițhatna tur Rs. 40,000 pein, L. Buana Primary School, Chhinga Veng bula tuihawk luankawr RCC-a siamna tur Rs. 1,00,000 a pe bawk. AMC Ward IX bialtu Executive Corporator chuan zirtirtute chu "hnam rohlu an ni" tiin, zahna chibai a buk a. Faina ngaipawimawh tura chahin, aia upa zah inzirtir thar a pawimawh zia a sawi a. Zirna lama hmasawn tura theihtawpa thawhpuiah school-a thawktute leh zirlaite a sawm a ni.#zabilianz #zofatehuapzo

#ZabilianZ June 17: Vawiin hi Muslim-te ni pawimawh Eid al-Adha a ni a, he ni pual hian Mizorama Muslim ten Joint YMA Field, Aizawl-ah țawngțai inkhawm an buatsaih. Aizawl Mosque Committee & Muslim Welfare Society, Mizoram hruaitu ten an sakhaw lehkhabu thianghlim Quran-ah an awmna ram dan te ngaihpawimawh tur a nih thu a chuang tih sawiin, hei hi zawm turin an infuih țhin niin an sawi a. Mizorama hnathawk tura rawn kal te pawh ILP ngaipawimawh tura an duh thu an sawi. Tunhnaia Mizorama leimin leh ruah avanga chhiatna leh harsatna dang thleng te, nunna hial chan an awm te pawi an tih thu leh an tawrhpui thu awiiin, Muslim te pawhin an țawngțaipui thu an sawi. Chhiat tawk te țanpuina tura CM Relief Fund-a sum chhunluh an tum thu an sawi bawk.

#ZabilianZ June 13: Thahleimawii (Amawii) lehkhabu ziah 'Chhimbal zungkaihna ramah' tih chu vawiin khan Lawngtlai District MJA President Elvis Lalthangzuala'n LADC Hall, Lawngtlai-ah a tlangzarh. 'Chhimbal zungkaihna ramah' tih lehkhabu hi phek 148 a chhah, Rs. 180 man a ni a. A ziaktu Thahleimawii hi Lawngtlai district Chapchar Kut Miss 2024 niin, Bethel Veng, Lawngtlaiah an chhungkuaa cheng an ni a. Tunlai thalai ten lehkhabu chhiar an peih tawh loh thu sawiin, "lehkha ziak leh chhiar kawngah tan lak kan ngai" a ti. "Lehkhabu ka ziah chhan ber chu beiseina a ni" Amawi chuan a ti a. "Beiseina kan neih loh chuan nikhat pawh kan dam thei lova, hmalam kan pan theihna chhan hi beiseina niin, tlu tawh te, hmalam pan thei tawh lo te min nawr kaltu chu beiseina hi a ni" tiin, beiseina nei theuh tura kalkhawmte chu sawmin, A lehkhabu ziak a puitlinna tura amah tanpuitu leh tha thawhtu zawng zawng hnenah lawmthu a sawi bawk.#zabilianz Lehkhabu

#ZabilianZ June 11: Jiribam leh a chhehvela Zofate leh Meitei inkara buaina boruak thlithlai tura Manipur Chief Minister N. Biren Singh sipai tirh te nimin chawhma lama lambun an nih hnu ah Manipur Chief Minister-in he bial tlawh a tumna thu thar a la awm leh lo. Manipur Chief Minister N. Biren Singh chuan he biala buaina avangin he bial hi vawiinah tlawh a tum nia sawi a ni a. Boruak thlithlai hmasa tura sipai engemawzat a tirh te chu nimin - June ni 10, 2024 chawhma lam khan Imphal atanga KM 26 a hla ah lambun an nih thu leh Meitei sipai pahnih kahhlum an nih thu thudawnna chuan a sawi.#zabilianz Thudawnnain a sawi danin, Manipur-a Zofate chen tamna Jiribam-ah tun thla ni 7 tlai lamah khan Meitei mipa pakhat, kum 59 mi ruang hmuh a ni a, hei hi Meitei lam chuan Zofate thahah an puh avangin Zofate leh Meitei inkarah buaina a chhuak niin thudawnna chuan a sawi a. He buaina avang hian Zofate chenna in 40 chuang leh Meitei chenna in 70 chuang a kang tawh nia hriat a nih thu a sawi bawk.

#ZabilianZ June 10: Chief Minister hlui Zoramthanga fapa Ramthansiama'n Aizawl District Court-a criminal complaint a thehluh chungchang an chhuina final report chu vawiin khan Cyber Crime Police-in Court-ah an thehlut a. Thubuai dang avanga Jail-a tang mek, Facebook-a David Sailo inti nia hriat, R. Lalchhuanmawia, Zemabawk Galilee Veng pawh he thubuaiah hian a hming a lang. Chief Minister hlui Zoramthanga fapa Ramthansiama chu Mizoram House, Ballygunge, Kolkata ami hnamdang hminga leia puhna a awm avangin kumin January ni 18 khan Ramthansiama chuan Aizawl District Court-ah criminal complaint a thehlut a. Cyber Crime Police-in chhuizuiin, chhui zo thawkhata an inngaih hnuah he thubuaia inhnamhnawih ni ngeia lang hriat belh an neih avanga Court-in hun a pek belh hnuin vawiin (June ni 10, 2024) khan he thubuai an chhuina final report chu Court-ah an thehlut ta tih Cyber Crime Police hotu ten an sawi.#zabilianz Cyber Crime Police hotu ten an sawi danin, Chief Minister hlui fapa, Mizora

#ZabilianZ June 10: Mizoramah Vawk hri leng - African Swine Fever (ASF) avangin vawiinah Vawk 149 a thi a, vawiinah ASF avang vekin Mizoramah Vawk 44 suat an ni bawk. AH&Vety Deptt-in a chhinchhiah danin ASF avanga vawiina Vawk thi te chu : Aizawl district : Lawipu-ah 6 Thingsul Tlangnuam-ah 4 Thingsulthliah-ah 10 Falkawn-ah 13 Durtlang Leitan-ah 14 Chawlhhmun-ah 45 Muthi-ah 1 Airfield-ah 44 Kolasib district : Kawnpui-ah 3 Mualvum-ah 6 Serchhip district : Khumtung-ah 2 Baktawng-ah 1 te an ni a. Vawiina ASF avang veka Mizorama Vawk 44 suat te chu : Aizawl district : Thingsulthliah-ah 2 Thingsul Tlangnuam-ah 8 Darlawng-ah 18 Serchhip district : Chhingchhip-ah 13 Baktawng-ah 3 te suat an ni. Mizoramah kumin January atanga vawiin thlenga ASF vanga Vawk thi tawh zawng zawng 1687 niin, ASF vanga Vawk suat tawh zawng zawng 3246 a ni a. ASF hian Mizoramah khua/veng 84 a nghawng mek niin AH&Vety Deptt. chuan an chhinchhiah a ni.#zabilianz #zofatehuapzo

#ZabilianZ June 08: MZP-in Mizorama Dentist (Ha Doctor) hnathawk zingah document lem hmanga hna hmu awma a hriat avângin, hmala turin Health Minister Lalrinpuii an ngen hnu ah document lem hmanga sorkara hna hmu nia hriat Dentist-in banna a thehlut a, a banna thehluh pawh pawm ni mahse, a laka hremna lek tura hmalakna erawh a awm rih lo nia hriat a ni. Thudawn danin, Christina Lalthazuali, Dinthar Veng, Aizawl chuan Regional Institute of Medical Sciences (RIMS), Imphal, Manipur atanga Bachelor of Dental Surgeon (BDS) zirzo anga document pawimawhte neiin National Health Misson hnuaiah hna a hmu a. Hemi hnu hian RTI hmanga zawhna chhanna atangin Christina Lalthazuali'n RIMS, Imphal-ah BDS a zir lo tih hriat niin, document lem hmangin National Health Misson hnuaiah hna a hmu tih hriat a ni ta a ni.#zabilianz Hemi chungchang hi MZP-in bawhzui nghalin, chhui chiang tur leh a tul anga hma la turin Health Minister an ngen hnu ah document lem hmanga sorkar hna hmu nia hriat Christina Lalth

#ZabilianZ June 08: Sports & Youth Services changtu Minister of State Lalnghinglova Hmar-in vawiin khan a pisa-a thuthar thehdarhtute kawmin, Mizoram Sports Conclave – Preparing Mizoram for Olympic Games, 2036, June ni 13-14, 2024 chhunga Baptist Centre, Falkland, Aizawl-a neih tur chungchang a sawifiah. Sports Minister-in a sawi danin, Mizoram Sports Conclave hi National level sports intawhkhawmna tur niin, Olympic 2036 a Mizo infiammi tam thei ang berin Olympic medal an awrh theihna tura inbuatsaihna hmasa a ni a. Mizorama National level Sports Conclave hmasa ber tur niin, India ram state zingah Mizoram hi Olympics 2036 vision neia National level Sports Conclave buatsaih hmasaber a ni dawn a ni. Olympics 2036 thlen tumin India a inbuatsaih a, October 14, 2023-a International Olympic Committee (IOC) session-ah khatihlaia Prime Minister Narendra Modi chuan India in Olympics 2036 thlen a tum thu hi a sawi tawh. Sports Minister Lalnghinglova Hmar chuan "India hi khawvela economy

#ZabilianZ June 07: Lok Sabha MP atana thlan tlin tak Richard Vanlalhmangaiha'n Chief Judicial Magistrate, Aizawl District-a criminal complaint a thehluh kal zelah amah puh hmingchhetu nia a tarlan zing ami, Facebook-a David Sailo inti chu Cyber Crime Police-in tunge a nih an finfiah thawkhatah an inngai a. David Sailo inti ni ngeia hriat R. Lalchhuanmawia, Galili Veng, Zemabawk, Aizawl chu manin Court-a hruai a nih hnuah Jail-ah dah a ni. Richard Vanlalhmangaiha chuan contract hna hmuhsak tiama midang sum laksaka bumtu zingah tel ve nia puh nia insawiin kumin April ni 15 khan Chief Judicial Magistrate, Aizawl District hnenah criminal complaint a thehlut a. April ni 16, 2024 ah thubuai ziahluh a ni a. Court-in he thubuaia hminglang mi pathum te chhui phalna pein, ni 30 chhunga report thehlut leh turin a ti niin Police hotute chuan sawi. April ni 31, 2024-ah David Sailo inti ni ngeia an hriat R. Lalchhuanmawia, Galili Veng, Zemabawk chu Police-in thu zawhfiah turin an la a, a tuk Ju

#ZabilianZ June 07: Tun thla ni 25-a AMC Ward No. XIX a bye-election lo awm tura chuh tum te tana hming pekluh te chu vawiin khan endik a ni a, party pali - Indian National Congress (INC), Mizo National Front (MNF), Zoram People's Movement (ZPM) leh Bharatiya Janata Party (BJP) Candidate te pawm vek an ni a. Inhnukdawk leh duh tan June ni 10, 2024 chawhnu dar 1 thleng inhnuhdawh theih a ni ang. AMC Ward No. XIX a bye-election ah hian BJP Candidate - K. Vanlalruati, Tlangnuam Vengthar a ni a, Congress Candidate Effie Vanlalhmangaihi, Venghnuai; ZPM Candidate Dr. C. Malsawmtluangi, Hlimen Vengthlang leh MNF Candidate Dr. Lalrinzuali Hrahsel, Kulikawn a ni. AMC Ward No. XIX hmeichhe tana hauh (reserved) lai bialtu Corporator Baryl Vanneihsangi Tlau chu MLA atana thlan tlin a nih tak avanga Ward No. XIX ah hian bye-election buatsaih ngai ta a ni a. He Ward hian - Tlangnuam, Tlangnuam Vengthar, Kulikawn, Melthum, Hlimen leh Saikhamakawn te a huam a ni.#zabilianz #zofatehuapzo  

#ZabilianZ June 07: Mobile phone zawrhna dawr, Thanchhingi & Sons, Dawrpui Veng ațanga mobile phone chi hrang hrang 12 leh thil dang ru chhuaka hralhtua puh PB Lalbiakdika (19), Chhinga Veng, Aizawl nia insawi chu Police-in an man. Police hotute hnen ațanga thudawn danin, pawikhawihtua puh PB Lalbiakdika chu Thanchhingi & Sons dawra thawk zinga mi niin, kumin March thla ațang khan a thawhna dawra zawrhlai mobile phone leh thil dang chi hrang hrang chu ruchhuakin mi hrang hrang hnenah a hralh niin Police hmaah a sawi a. Mobile phone a rukchhuah 12 zinga 11 chu hmuhlet tawh niin pakhat erawh chu Manipur lam mi hnenah a hralh nia hriat a ni.#zabilianz Thanchhingi & Sons dawr ațanga thil bo te nia hriat te hi - iPhone 14; iPhone 13; Oneplus 12R (4Nos.); Oneplus Nord CE3; Oneplus Nord CE4; Redmi 13C; POCO M6 (2nos.); POCO X5 Pro) te bakah Accessories (Smartwatch AWS8, iPhone Cable, iPhone earphone, iPhone Adapter) te niin a vaiin Rs. 4,56,100 hu vel nia chhut a ni.#zabilianz #zo

#ZabilianZ June 06: Tun thla ni 25-a AMC Ward No. XIX a bye-election lo awm tura chuh tum te tana hming pekluh theih hun chu vawiin tlai dar 3 khan a tawp ta a, party pali - Bharatiya Janata Party (BJP), Indian National Congress (INC), Zoram People's Movement (ZPM) leh Mizo National Front (MNF) ten he inthlan hi an chuh dawn. AMC Ward No. XIX a bye-election ah hian BJP Candidate - K. Vanlalruati, Tlangnuam Vengthar a ni a, Congress Candidate Effie Vanlalhmangaihi, Venghnuai; ZPM Candidate Dr. C. Malsawmtluangi, Hlimen Vengthlang leh MNF Candidate Dr. Lalrinzuali Hrahsel, Kulikawn a ni.#zabilianz He inthlan chuh tuma hming pekluh te chu naktuk- June 07, 2024 chawhnu dat 1-3 inkarah endik a ni ang a, inhnukdawk leh duh tan June ni 10, 2024 chawhnu dar 1 thleng hun hawn a ni ang. AMC Ward No. XIX hmeichhe tana hauh (reserved) lai bialtu Corporator Baryl Vanneihsangi Tlau chu MLA atana thlan tlin a nih tak avanga Ward No. XIX ah hian bye-election buatsaih ngai ta a ni a. He Ward hian -

#ZabilianZ June 06: AMC Ward No. XIX bialtu Corporator Baryl Vanneihsangi MLA atana thlan tlin a nih tak avanga he biala tun thla ni 25-a bye-election neih turah BJP-in an Candidate atan K. Vanlalruati, Tlangnuam Vengthar, Aizawl an ruat. K. Vanlalruati hi P. Liankhama (IFS Rtd) fanu niin, thiamna lamah BA Eng (Hons) a ni. AMC Ward No. XIX hian Hlimen, Melthum, Saikhamakawn, Tlangnuam, Tlangnuam Vengthar leh Kulikawn veng te a huam. #zabilianz #zofatehuapzo

#ZabilianZ June 04: MZP Gen. Hqrs-in vawiin khan Vanapa Hall, Aizawl-ah kumina HSSLC exam-a top 3-a Mizo tling te chawimawina hun an buatsaih a, Minister Dr. Vanlalthlana'n a telpui. MZP-in zirlai an chawimawi te hi mipa 5 leh hmeichhia 3 niin, chawimawina thuziak bakah Rs. 5,000 theuh hlan an ni a. Kumina HSSLC exam-a top 3-a Mizo tling te MZP-in an chawimawi te chu : Arts-a 1-na Linden Lalremruatpuia, Oikos HSS Science-a 1-na Lalramdina Ralte, St Paul's HSS Commerce-a 1-na David Lalhminghlua, St Paul's HSS Arts-a 2-na Vungnemkim, Mt. Carmel School Science-a 2-na Lalremruata Ralte, St Paul's HSS Commerce-a 2-na Amram Laihnei Hlychho, St Joseph HSS Arts-a 3-na Rody Lalrotluangi, Mt Carmel School Commerce-a 3-na Vansangkimi, Oikos HSS te an ni. Zirlai tithate chawimawina hunah hian Cyclone Remal avanga zirlai nunna chante sunna hun pawh hman nghal a ni a. He hun hmanpuitu Minister Dr. Vanlalthlana chuan HSSLC top-3 a tling Mizo zirlaite chu lawmpuina leh duhsakna hlanin,

#ZabilianZ June 04: AMC Ward No. XIX bialtu Corporator Baryl Vanneihsangi MLA atana thlan tlin a nih tak avanga he biala tun thla ni 25-a bye-election neih turah MNF party-in an candidate atan Dr. Lalrinzuali Hrahsel, Kulikawn, Aizawl an ruat. Dr. Lalrinzuali Hrahsel hi MLA hlui Dr. ZR Thiamsanga leh Helen Zaithankungi te fanu niin, Dental Surgeon a ni a. An chhungkaw ta BN Hospital, Kulikawn-ah Chief Operating Officer/Director nilai a ni. AMC Ward No. XIX hian Hlimen, Melthum, Saikhamakawn, Tlangnuam, Tlangnuam Vengthar leh Kulikawn veng te a huam. #zabilianz #zofatehuapzo

#ZabilianZ June 03: MHIP Building, Dawrpui-a SK Variety Store rawk a nih chungchanga Police-in thu zawhfiah tura an lak Ramdinmawia, Ainawn Veng, Aizawl nia insawi chuan SK Variety Store rawktu a ni tih Police hmaah a inpuang. Police hotute hnen atanga thudawn danin, SK Variety Store hi May ni 30, 2024 zan dar 8 vel khan rawk a ni a. Cigarette chi hrang hrang Rs. 15,000 man hu leh pawisa Rs. 1,000 rukbo a ni. He pawikhawihna thleng chungchangah hian kum 25 mi, Ramdinmawia, Ainawn Veng, Aizawl nia insawi chu Police-in thu an zawtfiah a, SK Variety Store rawktu ngei a ni tih a inpuang a ni. Ramdinmawia chuan SK Variety Store atanga a ruk Cigarette te chu Dawrpui West-a nepnawi dawr nei, Karimganj lam mi Tahir Ahmed (48) hnenah Rs. 4300-in a hralh niin a sawi a. Rukruk thil lo dawngtu/leitu Tahir Ahmed hi Sec 411 IPC hmanga thubuai siamsak niin, Jail-ah thawn a nih thu leh pawikhawihtua puh Ramdinmawia chu darkar 72 chhung thu zawhfiah tura an kawl zui tur thu Police hotute chuan an sawi

#ZabilianZ June 03: MZP General Hqrs. Executive Committee vawiina thukhawmin Mizorama Dentist (Ha doctor) hnathawk zingah document lem hmanga hna hmu an awm ngei nia an hriat chungchang an sawihova. Hemi chungchang enzuia, chhui chiang tur leh a tul anga hma la tura Health Minister ngen nghalin, tun thla - June ni 21 thleng sawrkar hmalakna chu ngaihchan ni se, an ti. Mizoram University (MZU) hnuaia Group B leh Group C hna hrang hrang lak tura written exam neih vek tawh, thla kua ral hnuah pawh result la tihchhuah loh chungchang pawh MZU hruaitute thukhawm chuan, MZU hotute biaka, enzui zel ni se, an ti a. Tunhma atanga zirlai ten harsatna an lo tawh fona, zirlaibu sem chungchang pawh ngaihtuahin, a hun taka zirlai ten zirlaibu an dawn theih na tura a tul anga hmalaka, enzui an rel a bawk. MZP General Hqrs. Executive Committee thukhawm hian Zofate inkawmpui lian 'Zofest 2024' vawi-10 na thleng turin West Phaileng an ruat bawk a ni. #zabilianz #zofatehuapzo

#ZabilianZ June 03: UPC NorthEast India-a General Sunday School Department leh National Health Mission (NHM) hnuaia National Tobacco Control Programme (NTCP)-in Vaihlo leh a kaihhnawih dova thawk dun turin vawiin khan thu an thlung. Inremna thuthlungah UPC (NEI) aiawhin Rev. Biaksangzuala leh NHM aiawhin Dr. Eric Zomawia, NHM Mission Director leh Dr. H. Lianthangpuia, State Nodal Officer, NTCP ten hming an ziak a. Inremna thuthlungah thawhhona tur point 8 tarlan a ni a, zuk leh hmuam that loh zia inzirtirna chi hrang hrang, awarenes campaign, seminar, trainning buatsaih thin te bakah TV lama talkshow leh discussion programme buatsaih dan tur te pawh ziahlan a ni bawk. #zabilianz NHM Mission Director Dr. Eric Zomawia chuan he thawhhona hian ram leh hnam, khawtlang leh kohhran siamthatna kawngah hna tangkai tak a thawh ngei a beisei thu a sawi a ni.#zabilianz #zofatehuapzo

#ZabilianZ June 03: AMC Ward No. XIX bialtu Corporator Baryl Vanneihsangi MLA atana thlan tlin a nih tak avanga he biala bye-election neih turah ZPM party-in an candidate atan Dr. C. Malsawmtluangi, Hlimen Vengthlang an ruat. AMC Ward No. XIX (a bye-election atana ZPM candidate hi vawiin khan ZPM President Pu Lalliansawta'n a puang a ni.#zabilianz Dr. C. Malsawmtluangi hian kum 2011-ah Department of Zoology, NEHU atangin Ph.D a zova. Kum 2014 - 2016 ah Department of Science and Technology, Govt. of India hnuaiah Women Scientist (WOS-A) niin, kum 2018 - 2021 ah National Mission on Himalayan Studies (NMHS) GBPNIHESD under Himalayan Fellowship-ah Research Associate hna a thawk tawh bawk. C. Lalhmingliana leh Zahmingthangi te fa 4 zinga a naupangber niin, May ni 8, 1979-ah a piang a. Kum 2006-ah Lalmuanawma nen inneiin fa 3 an nei a ni.#zabilianz #zofatehuapzo

#ZabilianZ June 02: Mizo Dance Camp-in tun thla ni 26-28 chhung hian DMC, Pipu tlang, Dawrpui-ah ‘The Main Event’ an buatsaih leh dawn a. Hei Raw Dance Competition, Showdown Dance Battle, National Dance Workshop leh Showcase te nena he hun hi hman tura ruahman a ni. Mizo Dance Camp hi May ni 31, 2014 khan din niin, kumin hi kum 10 an tlin kum a ni a, an kum 10 tlin lawmna atan hian showcase ropui tak chhawpchhuah an tum a. Dance competition leh Showdown Dance Battle-a tel tum te tana hriat tur pawimawh te chu social media a MDC page lamah an la tarlang dawn niin an sawi. #zabilianz National Dance Artiste pahnih - Mekhola Bose, Mumbai leh Sammy Hamar, Assam te endiktu tur leh an thiamthil te entir turin an lo kal dawn niin MDC hotute chuan an sawi a. An ni bakah Mizo top dance artiste te pawh an inlan dawn niin an sawi bawk. MDC Showcase 2024 pual hian Summer Intensive Class chu naktuk (June ni 3) aṭangin an ṭan dawn a. Intensive Class a zirlai te hi showcase ah hian an inlan dawn bawk

#ZabilianZ June 01: Mizoramah Vawk hri leng - African Swine Fever (ASF) avangin vawiinah Vawk 1 a thi a, vawiinah ASF avang vekin Mizoramah Vawk 41 suat an ni bawk. AH&Vety Deptt-in a chhinchhiah danin ASF avanga vawiina Vawk thi hi Khumtung, Serchhip district ami a ni a. ASF avanga vawiina Vawk suat 41 te hi Chhingchhip, Serchhip district ami te an ni.#zabilianz Kumin January atanga vawiin thlengin Champhai district-ah ASF vangin Vawk 42 an thi tawh a. Aizawl district-ah 757; Lunglei district-ah 22; Saitual district-ah 110; Khawzawl district-ah 181; Serchhip district-ah 70 leh Kolasib district-ah 5 an thi tawh.#zabilianz Kumin January atanga vawiin thlengin Champhai district-ah ASF vangin Vawk 69 suat an ni tawh a. Aizawl district-ah 1,371; Khawzawl district-ah 23 leh Serchhip district-ah 454 suat an ni tawh bawk. Mizoramah kumin January atanga vawiin thlenga ASF vanga Vawk thi tawh zawng zawng 1187 niin, ASF vanga Vawk suat tawh zawng zawng 1917 a ni.#zabilianz #zofatehuapzo