Mizoram Sports Conclave – Preparing Mizoram for Olympic Games, 2036 atan Mizoram inbuatsaih


#ZabilianZ June 08: Sports & Youth Services changtu Minister of State Lalnghinglova Hmar-in vawiin khan a pisa-a thuthar thehdarhtute kawmin, Mizoram Sports Conclave – Preparing Mizoram for Olympic Games, 2036, June ni 13-14, 2024 chhunga Baptist Centre, Falkland, Aizawl-a neih tur chungchang a sawifiah.

Sports Minister-in a sawi danin, Mizoram Sports Conclave hi National level sports intawhkhawmna tur niin, Olympic 2036 a Mizo infiammi tam thei ang berin Olympic medal an awrh theihna tura inbuatsaihna hmasa a ni a. Mizorama National level Sports Conclave hmasa ber tur niin, India ram state zingah Mizoram hi Olympics 2036 vision neia National level Sports Conclave buatsaih hmasaber a ni dawn a ni.

Olympics 2036 thlen tumin India a inbuatsaih a, October 14, 2023-a International Olympic Committee (IOC) session-ah khatihlaia Prime Minister Narendra Modi chuan India in Olympics 2036 thlen a tum thu hi a sawi tawh. Sports Minister Lalnghinglova Hmar chuan "India hi khawvela economy lian ber pakhat a ni tawh a, Olympics thleng thei khawpa tha sports infrastructure leh facility a siam thei dawn. Chutihrualin, Olympic level-a hlawhtling tur chuan infrastructure tha ringawt a tawk lova, infrastructure leh facility tha tak taka inel tur infiammi tha kan neih tel a ngai a. Chumi tur chuan tun atangin infiammite hmasawnna (athlete development) ngaihtuaha, hmalak nghal char char a tul tawh a ni" a ti.#zabilianz

Sports Minister chuan Sports & Youth Services Department hotute nen Central sawrkar lamah pawh theihtawp chhuahin, hma an la tih sawiin, Ministry of Youth Affairs & Sports, Department of Sports-in ‘Mizoram Sports Conclave – Preparing Mizoram for Olympic Games, 2036’ buatsaihna turin ni 27.02.2024 khan Scheme of Human Resources Development in Sports (HRDS) hnuaiah Rs. 68,80,500 a sanction tih a sawi.

North East State pathum – Assam, Manipur leh Meghalaya Sports Minister te, SAI atangin Director General leh hotu dang te, Indian Olympic Association CEO, Ministry of Youth Affairs and Sports-a Secretary leh Services Sports Control Board (SSCB) Secretary te chu Sports Conclave-a tel thei ngei tura beisei an nih thu Sports Minister chuan a sawi a. Tata Trusts, Reliance Foundation Sports, Tata Steel leh Inspire Institute of Sports-a an hotu te pawhin sawmna pawmin an rawn tel thei dawn tih sawiin, India ram leh ram pawna prominent sportsperson leh journalist te, Olympic sports discipline a Indian Federation/Association hruaitu te, Mizo in Olympian a neih C. Lalremsanga leh Lalremsiami te bakah Mizo infiammi hlawhtling dangte pawh an tel dawn tih a sawi bawk.#zabilianz

Lalnghinglova Hmar chuan "Sports Conclave hi Olympic Games-a medal kan hlawhchhuah theihna tura inbuatsaihna a nih angin, medal kan lak beiseiawm deuhna sports discipline te thlurbing a ni ang" a ti a. "Conclave-ah hian infiammite hmasawnna ngaihpawimawh ber a ni ang a. Sawrkar, private sector, sports federation/association leh khawtlang anga mawhphurhna kan neih te zirhova, hmalak dan tur ruahmanna siam nghal zel tum a ni" a ti.

Infiammite hmasawna tura pawimawh dang, coaching, infrastructure leh facility tha zawk neih theih dan turte pawh ngaihpawimawh a nih tur thu Sports Minister chuan a sawi a. Sports Conclave hi Olympic Games 2036 tinzawn chunga neih tur a nih tur thu sawiin, "hemi huna rilru leh taksa vanglai hmang chho tur, tuna kum 8 leh 15 inkar te sports-a an hmasawnna tur ngaihpawimawh an ni ang:" a ti.

Sports Minister chuan Mizoram Sports Conclave chu kumdangah pawh neih chhunzawm zel tum a nih thu a sawi a.  Mizoram Sports Conclave pual hian website https://mizoramsportsconclave.com siam a nih thu leh hemi kaltlang hian Conclave a tel turte in ziahluh theih a nih thu a sawi bawk a ni.#zabilianz #zofatehuapzo

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah
Read more