Dinhmun sang zawka hlankai tur sikul te en tha leh dawn


#ZabilianZ June 19: Education Minister Dr Vanlalthlana"n MNF sorkar lai, September ni 27, 2023-a Council of Minister-in sikul 340 te dinhmun sang zawka hlankai a remtih tawh chu nimin (June 18, 2024)-a Council of Minister thukhawmin enthat leh an rel niin a sawi.

Education Minister chuan vawin khan a piasa-ah thuthar thehdarhtute kawmin, he thu hi a sawi a. Sorkarin sikul 340-te dinhmun sang zawka hlankaina tur chu kum 2024-25 budget-ah a dah thu sawiin, sikul 180 te provincialised na tur pawh DP&AR ah thawn nghal a nih thu a sawi a. Dinhmun sang zawka sikul hlankai chu a taka kalpui tur erawh chuan Education department leh Mizoram sorkarin dan (act & rules) a neihsate chu hman theih loh khawpa sorkar hmasa Council of Minister meeting-in a lo siam avangin ngaihtuah that tura chhawp chhuah leh a ngaih phah ta niin a sawi.

Zirtirtu tam tak lungngai tur leh politics-a inbeihna awm thei tur pawh ngun taka ngaihtuah tel a nih thu Education Minister chuan sawiin, "Felfai taka zirtirtu leh khawtlang chhawk zangkhaina tur lam ai maha inthlan hmachhawn tura tlin duh luat avanga thil tih ni ngeia langah hian dan kal kan theih loh thil a awm tak avangin tun hi kan thleng ta a ni" tiin sorkar pawhin pawi a tih thu a sawi.#zabilianz

Education Minister-in a sawi danin, school provincialisation tura tih 180 zinga 41 chuan tehna hrang hrang (criteria) paltlang ngai an patlang thei a, sikul 139-in an paltlang thei lo thung. Provisional adhoc grant in aid a hlankai tur 52 zinga 42 in paltlang ngai paltlangin, 10-in an paltlang zo lova. Lum sump grand in aid tura tih sikul 108 zinga 60 in paltlang ngai paltlang theiin, 48 chuan an paltlang thei lo.

Notification tihchhuahah tihsual palh a awm nia sawiin, Education Minister chuan "higher secondary school dawn tur zat chauh tarlan niin, middle leh high school-te nen huang khatah dah an ni a, a taka kalpui theih a ni lo, notification siamthat leh mai ai chuan Council of Minister meeting-a chhawpchhuah leh atana tih a ni" a ti.#zabilianz

Lumpsum grant in aid a hlankaina notification chu September 29, 2023 niin, kum 2023 MLA inthlan puan leh model code of conduct kenkawh a nih hmaa siamthat leh theih a nih tho laiin engvanga siamthatloha awm ta nge tih chhanna chu hriat theih a nih loh thu Education Minister chuan a sawi a. Zirtirtute leh khawtlang dinhmun ngaihtuahin sikul dinhmun sanga hlankai chu an duh thu sawiin, "Dan angin tih theih a ni miau si lova, dan pelin kan kal thei bik lo. Chuvangin, dan te siamthain Council of Minister-ah kan thlen leh ang. Sikul tam tak criteria pha lo, an dinhmun hriatthiam ngai te pawh an awm a, chung te avang chuan criteria-te pawh ennawn a ni dawn a, a hma thei ang berin rules kan siamtha ang," a ti bawk.

Education Minister chuan school dinhmun sanga dah phu tak tak te chu dinhmun sanga dah tura hma an lak chhunzawm zel tur thu sawiin, danin a phut anga building pawh nei lo, result nei chhe lutuk te leh sikul naupang nei tlem lutuka sikul zirtirtute leh a enkawltute chu tang lehzual turin a ngen bawk a ni.#zabilianz #zofatehuapzo 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more