David Sailo inti nia hriat Police-in man - finfiahna nei tha tawkah an inngai


#ZabilianZ June 07: Lok Sabha MP atana thlan tlin tak Richard Vanlalhmangaiha'n Chief Judicial Magistrate, Aizawl District-a criminal complaint a thehluh kal zelah amah puh hmingchhetu nia a tarlan zing ami, Facebook-a David Sailo inti chu Cyber Crime Police-in tunge a nih an finfiah thawkhatah an inngai a. David Sailo inti ni ngeia hriat R. Lalchhuanmawia, Galili Veng, Zemabawk, Aizawl chu manin Court-a hruai a nih hnuah Jail-ah dah a ni.

Richard Vanlalhmangaiha chuan contract hna hmuhsak tiama midang sum laksaka bumtu zingah tel ve nia puh nia insawiin kumin April ni 15 khan Chief Judicial Magistrate, Aizawl District hnenah criminal complaint a thehlut a. April ni 16, 2024 ah thubuai ziahluh a ni a. Court-in he thubuaia hminglang mi pathum te chhui phalna pein, ni 30 chhunga report thehlut leh turin a ti niin Police hotute chuan sawi.

April ni 31, 2024-ah David Sailo inti ni ngeia an hriat R. Lalchhuanmawia, Galili Veng, Zemabawk chu Police-in thu zawhfiah turin an la a, a tuk June ni 1, 2024 ah haw tir leh a ni.

Court-in man phalna a pek hnu ah June ni 4, 2024 khan R. Lalchhuanmawia chu an man ta tih Police hotute chuan an sawi a. Facebook hmunpui lam puihnaa David Sailo facebook account luh thinna phone no. an hriat te pawh R. Lalchhuanmawia phone no. te nen a inmil vek nia sawiin, no. pakhat an dial pawh R. Lalchhuanmawia phone-ah ngei a ri chhuak nia sawiin, a tirah a phone lock chu hawng duh lo mahse, a hnua a phone en theih a nih hnuah finfiahna tam tak an hmu niin an sawi bawk.

Police hotu ten an sawi danin, David Sailo inti facebook account chu phone number pathum hmanga luh thin a ni a. R. Lalchhuanmawia chu facebook-a David Sailo inti account enkawltu a ni ngei tih finfiahna an nei tha tawka an inngaih thu sawiin, R. Lalchhuanmawia erawh chuan David Sailo inti nia puhna chu a la pha rih niin an sawi thung.

Richard Vanlalhmangaiha'n amah puh hmingchhetu nia a puh zinga hming lang midang pahnih te chu chhui hran ngai lo, anmahni pawh inthup lo an nih thu Police hotute chuan sawiin, phone hmang pawha an biak tlang nghal mai theih thu an sawi a. Court-in tul a tih huna a koh theih tura awm tura tihna pawh an pawm avangin man an ni lo niin an sawi.

Hetih lai hian State Project Director, Samagra Shiksha, Mizoram chuan Tuirial RMSA High School-a Headmaster (Non functional) R. Lalchhuanmawia chu thubuai a neih tak avangin Suspend-na order a tichhuak ve bawk.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more