ZabilianZ

#ZabilianZ Sept 25: NHM Employees Union Mizoram (NEUM)-in sawrkara an thil phut te karna atana Sept 26-28, 2024 chhunga badge dum bel an tum chu sawrkar lam aiawh te nen an inbiak hnu ah an țhulh. NEUM hruaitute chuan H&FW Dept. Secretary leh official dang te nen an inbiak thu sawiin, an thil phut chungchangah hmalak mek a nih thu hrilh an nih avangin sawrkar hmalakna chu ngaihchan leh țha an tih thu an sawi a. An beisei ang a hmalak a nih loh chuan an kal zel dan tur an la rel leh dawn niin an sawi. Tarlan tawh angin NEUM chuan Health and Family Welfare department hnuaia regular post lak tur thenkhatah NHM hnuaia staff te tana hamthatna awm thei lo tur zawngin rawtna a awm niin an sawi a, tha an tih loh thu leh pawi an tih thu an sawi a. Health Worker, Staff Nurse, Laboratory Technician, X-ray technician, etc, lak turah an parent department atangin NHM hnuaia staff te tana hamthatna awm thei lo tur zawnga rawtna hi a awm niin an sawi.#zabilianz Hemi chungchang ngaihuaha NEUM execu...

#ZabilianZ Sept. 24: Synod Hospital, Durtlang-a thawk doctor pahnih kar kalta Inrinni (Sept. 21) zana Durtlang Leitan bula kutthlkak rawn an nih chungchangah Synod Hospital, Durtlang chuan thuchhuah siamin, magisterial enquiry din ngei turin sawrkar an beisei a. Casualty doctor leh kuttuar te vautu Police hrem an phut. Synod Hospital, Durtlang thuchhuahin a tarlan danin, an thawhpuite kutthlaktute chu an dem a, dan anga na taka hrem an phut a. Magisterial enquiry din ngei turin sawrkar kan beisei a.  Medico legal Case (MLC) injury report la tura, ni 23.9.2024 a Synod Hospital Durtlanga kal Police-in Casualty doctor leh kuttuarte vauna tawngkam a nei pawh hriatthiam har an tih thu tarlangin, "doctor zawng zawng leh institution zahlohna nasa tak niin kan hria a, a chungah pawh action la turin sawrkar kan phut a ni" an ti bawk. Tarlan tawh angin kar kalta Inrinni (Sept. 21) zana doctor pahnih leh an thianpa kutthlak an nih chungchangah hian Bawngbawk Police Station-ah thubuai zi...

#ZabilianZ Sept. 24: Kar kalta Inrinni (Sept. 21) zana Durtlang Leitan bula doctor pahnih leh an thianpa kutthlaktua puh mi 6 te hming chu vawiin khan Mizoram Police-in thuchhuah siamin an puang a, thil tisualtua puh mi 6 te hi : 1) Lalmalsawma Zote (25), Ramhlun North 2) Mark Zairemmawia (24), Ramhlun North 3) Lalvenpuia (22), Ramhlun North 4) Sailianpuia Sailo (28), Venghlui 5) Vanlalpekhlua (23), Ramhlun North 6) K.Vanlaltharzela (23), Ramhlun North te an ni a. An zinga pakhat Sailianpuia Sailo, Venghlui, Aizawl hi Police tanglai, Sairang Police Station-a thawk mek a ni a, a hna atanga chawlh lailawk tir (suspend) a ni. Indian Medical Association (IMA), Mizoram State Branch pawhin vawiin vek khan thuchhuah siamin, Synod Hospital, Durtlang-a thawk mek doctor pahnih ten damdawi in-a awm ngai khawpa misual kut an tuar chu pawi an tih thu sawiin, pawikhawihtute an dem thu an sawi a. "Mipui rawngbawltu,  pawisawilo te rawng taka kutthlaktute hi dan anga na taka hrem kan phut a, magi...

#ZabilianZ Sept. 24: Kar kalta Inrinni (Sept. 21) zana Durtlang Leitan bula doctor pahnih kutthlaktu zinga tela puh, Constable Sailianpuia Sailo, Sairang Police Station-a post mek chu chu a hna ațanga chawlh lailawk tir (suspend) a ni. Tarlan tawh angin kar kalta Inrinni zan khan Synod Hospital, Durtlang-a thawk doctor pahnih chu nikhawhrelo khawpa sawisak an ni a. Pawikhawihtua puh mi 6 man tawh niin, bail-a chhuah tir an ni.#zabilianz #zabilianznews #zofatehuapzo

#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...

#ZabilianZ Sept. 23: BJP MLA Pu K. Hrahmo leh BJP Mizoram State General Secretary Pi Lalthangmawii ten nimin tlai khan Union Minister of Minority Affairs Pu Kiren Rijiju chu a chenna in-ah hmuin, Mara Autonomous District Council mamawh an thlen. MLA leh BJP Mizoram State General Secretary chuan Mara Autonomous District Council-in project an thehluhte a rang lama sanction turin an ngen a. Union Minister chuan BJP Mizoram leh a bikin Mara Autonomous District Council hmasawnna ngaihtuah tel lovin Mizoram ngaihtuah theih a nih loh thu a sawi niin BJP thuchhuah chuan a tarlang a. BJP MLA leh Mizoram state BJP hruaitute thu thlen chu a tih ngei tur thu a lo hrilh niin BJP thuchhuah chuan a tarlang. Mizoram chu hmarchhak state-a sorkara BJP tellohna awmchhun a nih avangin Central BJP hruaitute leh Central-a Pu Modi-a kaihhruai sorkar pawhin a ngaihtuah hle niin Union Minister chuan a sawi niin BJP thuchhuah chuan a tarlang a. Modi 3.0 ah phei chuan Mizoram chu nasa zawka ngaihtuah a nih tur t...

#ZabilianZ Sept. 23: Agriculture Minister PC. Vanlalruata'n tun atanga kum 10-ah chuan Mizoram hmel chu a danglam tawh hle dawn niin a sawi. ZPM party pisa-a party chhung inkhawm, vawiina neihah he thu hi PC Vanlalruata chuan a sawi a. "Mizoram damna turin damdawi kan zuar a, mipuiin kan damdawi zawrhte chu tha tiin sorkarna min pe a, tun atanga kum 10-ah chuan Mizoram hmel hi a danglam tawh hle ang,” a ti a ni. PC Vanlalruata chuan bana kaih policy-ah thlai thar hralhna tur an ngaipawimawh ber nia sawiin, thlai thar wholesale-a zawrhna tur building sak na tur hmun Sihphir leh Melthum-ah te an en tawh thu leh a sakna tur sum Rs. veibelchhe 10 an dawn tawh thu a sawi a. “Kan kuthnathawktute hian link road an mamawh thu an sawi thin a, tihhlawhtlinsak ngei pawh kan tum a, ZPM sorkarah hian kum 10 chhungin chhungkaw tam tak an dingchhuak ngeiin ka ring" a ti.#zabilianz Hand holding policy chu Mizoram tan damna tur a nih ngei a beisei thu PC Vanlalruata chuan sawiin, "ka...

#ZabilianZ Sept. 23: MNF Treasurer, Minister hlui ni bawk Pu Lalruatkima'n ZPM sorkarin kum 5 a daih a rinawm loh thu sawiin, "Delhi lamin kum 5 aia rei an sorkar an rin loh thu an rawn sawi fo" a ti. Vawiina MNF party pisa-a party chhung inkhawmah he thu hi MNF Treasurer chuan a sawi a. Congress party chhung boruak pawh a tha lo hle nia sawiin, MNF party chu reilote ah a sorkar leh thuai dawn niin a sawi. ZPM a sorkar hnu ah inkalpawhna kawngpui te a tha lo hle nia sawiin, Pu Lalruatkima chuan "chhiatna hrang hrang kan tawh mek laiin kan Chief Minister ber lah chu USA-ah a zin bo daih a" tiin, mak a tih thu a sawi a. PWD Minister pawh muthlu ang mai nia sawiin, "a mawhphurhna a hlen zo lo" a ti.#zabilianz MNF Treasurer chuan tunlaia traffic a jam loh chhan chu petrol leh diesel supply-a harsatna a awm vang nia sawiin, "kan kawngpui a that loh laiin ZPM sorkar veleh Chief Minister tual zawl chu PWD-in PCC flooring-a an cheithat bakah, PWD Minister...

#ZabilianZ Sept. 22: Nagaland-a Hornbill Festival vawi 25-na lo thleng tur atana inbuatsaihna pakhat rock band te inelna - Ticket to Hornbill-a band tha thlan chhuah 30 zingah Mizoram atangin band pathum - The Prophets, Lilac & Jacks leh Terat te an tel. Ticket to Hornbill-a tel tur hian band tha tak tak band 130-in an zai an thehlut a, heng zing atang hian band tha zual 30 thlan chhuah an ni a, thlan chhuah te hi October ni 18-21, 2024 chhungin Regional Centre of Excellence for Music and Performing Arts (RCEMPA), Jotsoma, Kohima, Nagaland-ah an inel anga, pakhatna atanga pathumna te chu kumina Hornbill Festival vawi 25-na neih turah an inlan ang. Mizoram atanga thlan zing ami The Prophets leh Lilac & Jacks te chu Zorimawi khawvelah an mikhual tawh lova, Terat erawh hi chu lo la hre lo kan awm a nih pawhin a mak hran lovang. Band thar an ni a, MYC Perhkhuang atanga rawn invawrh Daniel Lalawmpui telna band a ni.#zabilianz Hornbill rock contest-ah Mizoram atangin kum 2015 khan...

#ZabilianZ Sept. 22: Aizawl khawpui Bawlhhlawh paih motor hman man ennawna rualkhai zawka siamrem an phut avanga bawlhhlawh paihtu pawl hrang hrang ten naktuk atanga tiamchin awm lova din an tum chu an thulh. Hemi chungchangah hian Aizawl Mayor leh Executive Corporator i/c Solid Waste leh bawlhhlawh paihtu pawl hruaitute an inbia tih bawlhhlawh paihtu pawl chuan sawiin, Mayor-in bawlhhlawh paih motor hman man a rualkhai theihna tura amah ngeiin hma a lak nghal tur thu a sawi avangin tiamchin awm lova din chu an thulh leh ta niin an sawi a. Bawlhhlawh paih motor zawng zawng te a pangngaia tlan leh vek tur a ni tih an sawi bawk. Aizawl Mayor leh Executive Corporator i/c Solid Waste hova an inbiakna Mayor-in a sawi chu an ring tawk a, beiseina sang tak nen a hmalakna an lo thlir dawn tih Aizawl bawlhhlawh paihtu pawl hruaitute chuan an sawi bawk a ni.

#ZabilianZ Sept. 22: NHM Employees Union Mizoram (NEUM)-in sawrkara an thil phut hrang hrang chungchangah sawrkar an ngaichang mek a. Hmalakna mumal a awm lo a nih chuan September ni 26-28, 2024 chhungin badge dum bela lungawilohna lantir an tum. NEUM chuan Health and Family Welfare department hnuaia regular post lak tur \henkhatah NHM hnuaia staff te tana hamthatna awm thei lo tur zawngin rawtna a awm niin an sawi a, tha an tih loh thu leh pawi an tih thu an sawi a. Health Worker, Staff Nurse, Laboratory Technician, X-ray technician, etc, lak turah an parent department atangin NHM hnuaia staff te tana hamthatna awm thei lo tur zawnga rawtna hi a awm niin an sawi. Hemi chungchang ngaihuaha NEUM executive committee thukhawm chuan H&FW department hnuaia regular post lak tur awm reng rengah The Government of Mizoram Regularization of Centrally Sponsored Scheme (CSS) Employees Scheme 2024 implement a nih theihna tura hma la turin department hotute an phut a. Health Worker lakna tura pr...

#ZabilianZ Sept. 10: Vawiina Bualphung zau, Tuivawl kama ‘Maite lo zawh runpui’ chu Agriculture Minister Pu PC Vanlalruata leh Horticulture Minister Prof. Lalnilawma ten an telpui a. Horticulture Minister, Tawi bialtu ni bawk Prof. Lalnilawma chuan Maite khua chu sawhthing hmun tha tak nia sawiin, sawrkarin sawhthing chingtute tan theihtawp a chhuah mek zel niin a sawi a. "Sawhthing man chu cheng 50 aia tlawm lo turin sawrkarin a bithliah tawh a, hei hian kuthnathawktute a khai chhuah theih ka beisei" a ti. Agriculture Minister Pu PC Vanlalruata pawhin kuthnathawktute an din chhuah theihna turin sawrkarin nasa takin ngaihtuahna a seng nia sawiin, thlai chi li - aieng, sawhthing, hmunphiah leh hmarcha-ah te bul tan tawhin, thlai dangah pawh hmalak zel tum a nih thu a sawi a. Kuthnathawktu ten phur taka hna an thawh theih nan thlai man bituk sa neih chu a tul niin a sawi bawk.#zabilianz #zabilianznews #zofatehuapzo 

#ZabilianZ Sept. 07: Maximus Lalruatkima S/o Lalmalsawma Hmar, Dawrpui veng leh Emily VL Ṭhakimi d/o D. Rosangzuala, Khatla veng te chu khawvel pum huapa thiamthila inelna -WorldSkills Lyon 2024-a India ram aiawha mi 60 tel tur zingah telin, vawiin khan France an thleng. WorldSkills 2024 hi Euroexpo Lyon, France-ah September ni 10-15, 2024 chhunga neih tur a ni a. Khawvel ram hrang hrang 70 chuang aṭangin skills hrang hranga inel turin mi 1400 chuang leh expert 1300 chuang bakah chhimtu miengemawzat an pungkhawm tura ngaih a ni. Kumin May ni 15-19 chhunga Delhi-a IndiaSkills 2024 neihah khan mi 900 zingah Maximus Lalruatkima'n Floristry-ah Gold Medal dawngin, Emily VL Ṭhakimi'n Fashion Technology-ah Gold Medal a dawng ve thung a. Maximus Lalruatkima hi Pachhunga University College-a Public Administration (III Semester) zirlai a ni a. Emily VL Ṭhakimi hi Women’s Polytechnic, Aizawl aṭanga Garment Technology zirchhuak a ni thung.#zabilianz #zabilianznews #zofatehuapzo 

#ZabilianZ Sept. 02: Sikul naupangte bag rit lutuk tihzangkhai dan tur ngaihtuahin vawiin khan Lunglei district-a a kaihhnawih sorkar mipawimawhte leh tlawmngai pawl, zirlai pawl leh zirtirtu pawl hrang hrang hruaitute bakah mimal leh kohhran sikul hrang hrang aiawhte an thukhawm a. Bag rit lutuk naupangte hriselnain a tawrh theih dan te sawihovin, a tih zangkhai dan tur te an sawiho.  Thutkhawm kaihhruaitu Lunglei Bawrhsap R. Lalṭhazuala chuan April ni 30, 2021-ah Mizoram sorkarin sikul naupang bag rit lutuk chhawk zangkhaina tur inkaihhruaina a tihchhuah tawh thu a sawi a. A theih chin chinah hei hi bawhzui ni mahse, kalkhawm te chuan sorkar inkaihhruaina chu District Education Officer-in sorkar, mimal leh kohhran sikul zawng zawngah Mizo ṭawngin thawn chhuak se, an ti a ni.#zabilianz Sorkar inkaihhruaina angin ni khatah Class I & II tan subject 3, Class III - V tan subject 4, Class VI - X tan subject 6 angin kalpui ni se; homework pek chungchangah nitin primary school-ah sub...

#ZabilianZ Sept. 02: August ni 23, 2024-a Sairang Dinthar ram chhunga thlam pakhata thi-a hmuh Jharkhand lam mi thattu nia rin, nimina Police-in an man JH Rokunga leh a fapa JH Vanlalhriatpuia te chu vawiin khan Court-ah inlanin, Police-in thu zawhfiah tura darkar 72 la kawl zui an dilna Court-in a phalsak. Thudawn danin, tualthattu nia rin te hian Rangvamuala mi huan thlama cheng te an lo fin a, he hmunah hian nimin khan man an ni. Tualthattua puh JH Rokunga (Samseia tia sawi țhin) hi Vanzau khawchhuak, hun rei tak an khua chhuahsana awmna nghet pawh nei lova a fapa nen tamtal kual ţhin niin thudawnna chuan a sawi a. Vanzau lam leh Aizawl lama an lamhnai te pawh an pawh ngai lo niin a sawi. August ni 23, 2024 a Sairang Dinthar rama thlam pakhata tualthahna a thlen hma ni ah helai hmun velah hian hmuh an ni a. An ni pafa hi an nungchang mawi lo avanga Sairang Dinthar khawtlang pawhin an ngaihmawh sa an nih avangin rinhlelh an kai a. Rinhlelhna tizual turin an hun kal tawha an chet dan ...

#ZabilianZ Sept. 02: August ni 23, 2024-a Sairang Dinthar ram chhunga thlam pakhata thi-a hmuh Jharkhand lam mi thattu nia rin, JH Rokunga leh a fapa JH Vanlalhriatpuia te chu nimin khan Police-in manin, vawiinah Court-ah an inlan dawn nia thudawn a ni. Thudawn danin, tualthattu nia rin te hian Rangvamuala mi huan thlama cheng te an lo fin a, he hmunah hian man a ni. #zabilianz #zabilianznews #zofatehuapzo