Aizawl bawlhhlawh paihtu ten tiamchin awm lova din an tum an thulh

#ZabilianZ Sept. 22: Aizawl khawpui Bawlhhlawh paih motor hman man ennawna rualkhai zawka siamrem an phut avanga bawlhhlawh paihtu pawl hrang hrang ten naktuk atanga tiamchin awm lova din an tum chu an thulh.

Hemi chungchangah hian Aizawl Mayor leh Executive Corporator i/c Solid Waste leh bawlhhlawh paihtu pawl hruaitute an inbia tih bawlhhlawh paihtu pawl chuan sawiin, Mayor-in bawlhhlawh paih motor hman man a rualkhai theihna tura amah ngeiin hma a lak nghal tur thu a sawi avangin tiamchin awm lova din chu an thulh leh ta niin an sawi a. Bawlhhlawh paih motor zawng zawng te a pangngaia tlan leh vek tur a ni tih an sawi bawk.

Aizawl Mayor leh Executive Corporator i/c Solid Waste hova an inbiakna Mayor-in a sawi chu an ring tawk a, beiseina sang tak nen a hmalakna an lo thlir dawn tih Aizawl bawlhhlawh paihtu pawl hruaitute chuan an sawi bawk a ni.