Sikul naupangte bag rit lutuk tihzangkhai dan tur sawiho

#ZabilianZ Sept. 02: Sikul naupangte bag rit lutuk tihzangkhai dan tur ngaihtuahin vawiin khan Lunglei district-a a kaihhnawih sorkar mipawimawhte leh tlawmngai pawl, zirlai pawl leh zirtirtu pawl hrang hrang hruaitute bakah mimal leh kohhran sikul hrang hrang aiawhte an thukhawm a. Bag rit lutuk naupangte hriselnain a tawrh theih dan te sawihovin, a tih zangkhai dan tur te an sawiho. 

Thutkhawm kaihhruaitu Lunglei Bawrhsap R. Lalṭhazuala chuan April ni 30, 2021-ah Mizoram sorkarin sikul naupang bag rit lutuk chhawk zangkhaina tur inkaihhruaina a tihchhuah tawh thu a sawi a. A theih chin chinah hei hi bawhzui ni mahse, kalkhawm te chuan sorkar inkaihhruaina chu District Education Officer-in sorkar, mimal leh kohhran sikul zawng zawngah Mizo ṭawngin thawn chhuak se, an ti a ni.#zabilianz

Sorkar inkaihhruaina angin ni khatah Class I & II tan subject 3, Class III - V tan subject 4, Class VI - X tan subject 6 angin kalpui ni se; homework pek chungchangah nitin primary school-ah subject 1, middle school-ah subject 2 leh high school & higher secondary school-ah subject 3 aia tam pek loh ni se, an ti bawk.

Lunglei Bawrhsap hova thukhawm chuan sikul tinah lekhabu dahna (bookshelf) neih theih dan tur ruahman ni se, an ti a. Sikula zir hunbi (routine) mila lehkhabu ken tur te pawh nu leh pa ten enpui bakah, zirtirtu ten an subject mamawh chauh keng tura hrilhhriat ni se, an ti bawk a ni.#zabilianz #zabilianznews #zofatehuapzo