NEUM-in badge dum bela lungawilohna lantir an tum an țhulh

#ZabilianZ Sept 25: NHM Employees Union Mizoram (NEUM)-in sawrkara an thil phut te karna atana Sept 26-28, 2024 chhunga badge dum bel an tum chu sawrkar lam aiawh te nen an inbiak hnu ah an țhulh.

NEUM hruaitute chuan H&FW Dept. Secretary leh official dang te nen an inbiak thu sawiin, an thil phut chungchangah hmalak mek a nih thu hrilh an nih avangin sawrkar hmalakna chu ngaihchan leh țha an tih thu an sawi a. An beisei ang a hmalak a nih loh chuan an kal zel dan tur an la rel leh dawn niin an sawi.

Tarlan tawh angin NEUM chuan Health and Family Welfare department hnuaia regular post lak tur thenkhatah NHM hnuaia staff te tana hamthatna awm thei lo tur zawngin rawtna a awm niin an sawi a, tha an tih loh thu leh pawi an tih thu an sawi a. Health Worker, Staff Nurse, Laboratory Technician, X-ray technician, etc, lak turah an parent department atangin NHM hnuaia staff te tana hamthatna awm thei lo tur zawnga rawtna hi a awm niin an sawi.#zabilianz

Hemi chungchang ngaihuaha NEUM executive committee thukhawm chuan H&FW department hnuaia regular post lak tur awm reng rengah The Government of Mizoram Regularization of Centrally Sponsored Scheme (CSS) Employees Scheme 2024 implement a nih theihna tura hma la turin department hotute an phut a. Health Worker lakna tura proposal kallai bikah department-in a propose post 150 lakna tur, DP&AR in post 51 a a tihniam chu thalo an tih thu sawiin, a tira proposal anga kalpui an phut.#zabilianz

Post dang lakna tur (Staff Nurse,X-Ray Technician, Pharmacist etc) fresh-a lak tura ruahmanna awm mek chu NHM employee te tan za-a 70 tal dah turin an phut a. Health Secretariat lamin CSS (NHM) regularisation chungchanga Health Directorate-a information a dilna tun thlenga chhan a ni lo pawh chhanna pe thuai turin NEUM chuan an phut bawk.

NEUM chuan sawrkar gazette notification angin H&FW department-a post ruak awm zawng zawng za-a 70% tal, NHM hnuaia kum 10 thawk tawhte tan, anmahni corresponding post theuha dahngheh te, NHM hnuaia contractual-a kum 10 chuang thawk mek H&FW department-a corresponding post neilo zawng zawngte tan special post (temporary post) siamsaka dahngheh te an phut bawk a ni.#zabilianz #zabilianznews #zofatehuapzo