Pawikhawihtua puh te hming Police-in an puang - IMA in a rang thei ang bera hma la turin sawrkar an phut


#ZabilianZ Sept. 24: Kar kalta Inrinni (Sept. 21) zana Durtlang Leitan bula doctor pahnih leh an thianpa kutthlaktua puh mi 6 te hming chu vawiin khan Mizoram Police-in thuchhuah siamin an puang a, thil tisualtua puh mi 6 te hi :

1) Lalmalsawma Zote (25), Ramhlun North
2) Mark Zairemmawia (24), Ramhlun North
3) Lalvenpuia (22), Ramhlun North
4) Sailianpuia Sailo (28), Venghlui
5) Vanlalpekhlua (23), Ramhlun North
6) K.Vanlaltharzela (23), Ramhlun North te an ni a. An zinga pakhat Sailianpuia Sailo, Venghlui, Aizawl hi Police tanglai, Sairang Police Station-a thawk mek a ni a, a hna atanga chawlh lailawk tir (suspend) a ni.

Indian Medical Association (IMA), Mizoram State Branch pawhin vawiin vek khan thuchhuah siamin, Synod Hospital, Durtlang-a thawk mek doctor pahnih ten damdawi in-a awm ngai khawpa misual kut an tuar chu pawi an tih thu sawiin, pawikhawihtute an dem thu an sawi a. "Mipui rawngbawltu,  pawisawilo te rawng taka kutthlaktute hi dan anga na taka hrem kan phut a, magisterial enquiry din turin sawrkar kan phut bawk" an ti.

He thil thleng chungchangah hian aan beisei anga hmalakna a awm lo a nih chuan IMA chuan a ṭul anga hma an lak tur thu an sawi a. A rang thei ang bera hma la ngei turin sawrkar an phut a ni.

Tarlan tawh angin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh-ah Synod Hospital, Durtlang-a thawk doctor pahnih leh an thianpa pakhat chu kutthlak rawn an ni a. Pawikhawihtute hian heng mi pathum te hi motor atanga hnukchhuakin kut an thlak a, doctor pahnih te chu nikhawhrelo khawpa sawisain, an lu ah hliam na tak an tuar a, an thianpa erawh chuan hliam na lutuk a tuar lo niin thudawnna chuan a sawi.#zabilianz 

He thil thleng chungchangah hian Police te chuan an thudawn bawhzuiin, Bawngkawn Police Station-ah thubuai an ziaklut a. Doctor pahnih leh an thianpa kutthlaktua puh mi 6 te chu manin, bail-a chhuah tir leh rih an ni a. He thil thlen dan hi Police te chuan an chhui zui mek a ni.#zabilianz  #zabilianznews #zofatehuapzo 

Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more