Nikum khan Lunglei district-ah ruihhlo Rs nuai 246.8 hu man a ni :Lunglei Bawrhsap


#ZabilianZ Jan 26: Lunglei Bawrhsap Navneet Mann-i'n nikum 2024 chhung khan Rs. nuai 267.15 senga sak Primary Health Centre (PHC), Lungsen leh Rs. nuai 396 senga sak Civil Hospital, Lunglei Laboratory building (supplementary work) sak hna zawh a nih thu a sawi.

He thu hi vawiina Lunglei-a India Republic Day lawmna-ah Lunglei Bawrhsap chuan a sawi a. 33kV Sub-Station, Lungleia control & relay panel bun hna te, Govt Higher Secondary School, Lunglei building thawmṭhat hna te, Mautlang P/S building chhia siamṭhat hna leh Govt Tlabung H/S leh Govt Leitlangpui H/S-a vocational education classroom sak hna te pawh zawh a nih thu a sawi.

Rs nuai 600 senga Lunglei Solid Waste Management Centre Phase-I siam hna thawh mek pawh za-a 95 zawh tawh a nih thu leh Phase-II pawh Rs nuai 698 hmanga thawh ṭan leh mek a nih thu Lunglei Bawrhsap chuan a sawi a. AMRUT 2.0 hnuaia Rs nuai 997.78 senga Greater Lunglei Water Supply Scheme tihchangtlun hna thawh mek pawh za-a 82 zawh tawh a nih thu leh Lunglei leh Tlabung inkar NH-302 kawngpui siam mek pawh za-a 50 vel thawh a nih tawh thu a sawi bawk.#zabilianz

Lunglei Bawrhsap chuan Lunglei district-ah MGNREGA hnuaia job card nei 32,919 an awm thu sawiin, kum 2024-2025 chhungin ni 91 inhlawhna siam a nih tawh thu a sawi a. PMAY leh Awaas Plus scheme hnuaiah kum 2024 chhungin in 4560 sak a nih thu leh UN Funded Green Agriculture Project hnuaiah W. Bunghmun leh Sesawm khuaah te vawk note 42 leh vawk in sakna hmanrua sem a nih thu a sawi.

Cyclone Remal leh rial tla tuartu kuthnathawk mi 125 hnenah State Disaster Response Fund (SDRF) aṭangin zangnadawmna Rs nuai 6.70 pek a nih thu leh ASF vanga vawk suatsak mi engemawzat chu an vawk hlutna za-a 25 hu zangnadawmna pek an nih thu a sawi a. Sawrkar laipui ruahmanna ODOP (One District One Product), "District khat, thar chhuah chi khat" tih hnuaiah balhla chu Lunglei District ODOP a nih anga hmalak mek a nih thu leh nikum khan metric ton 20 leng, khawl hmanga balhla um hminna Mausen-ah bun a nih thu a sawi.#zabilianz

Lungsen RD Block chu NITI Aayog hnuaiah Aspirational Block Programme Delta ranking March 2024-ah Zone 1 (Hilly, North East, and Islands) bikah pakhatna a nih thu Bawrhsap chuan a sawi a. Lunglei Govt. College-in tunhnaiah NAAC Accreditation B+ Grade a hmuh thar tuh a sawi bawk.

Nikum chhungin Lunglei district-ah ruihhlo Rs nuai 246.8 hu man a nih thu pawh Bawrhsap chuan sawiin, thingtlang khaw mipui ten an kawtkaiah ngei sawrkar an dawr theihna tura District Administration ruahmanna, 'I Kawtkaiah Sawrkar' tih chu January ni 14, 2025 khan Haulawng-ah hlawhtling taka tan a nih thu leh district chhung khawtin tuam chhuaka hmalak tum a nih thu te a sawi a. Heng bakah hian kawng hrang hranga sawrkar hmalakna dang te a sawi bawk a ni.#zabilianz #zabilianznews #zofatehuapzo




Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more