#ZabilianZ July 06: Joint NGO, Chawngte-in sawrkara an thil phut chungchangah thu lawmawm an la dawn loh avangin naktuk - July ni 7, 2025 atanga tiamchin awm lovin Block Resource Centre (Samagra Office)-a pisa kai tur dan an tum.
Block Resource Centre, Chawngte-a thawk tûr Samagra Shiksha hnuaia Foundational Stage (FS) Helper leh PM SHRI Music, Sports leh Hindi Instructor lak danah party induhsakna a awm nia hriain Joint NGO, Chawngte chuan dik taka hna lak phutin July ni leh ni 3 khan Chawngte-a zirna in 35 (College -1 leh School - 34) te chu kal an lo phallo tawh a. Tun thlenga sawrkar atanga thu lawmawm an la dawn loh avangin naktuk atangin Block Resource Centre (Samagra Office)-a pisa kai tur dan chu an tum ta tih an sawi.#zabilianznews
Chawngte a tlawmngai pawl inzawmkhawm Joint NGO chuan tunhnaia Chakma Autonomous District Council huam chhunga hna lak ah politics a inrawlh nasat avangin harsatna a thleng mek niin an sawi a. Kumin May ni 19 - 23 chhunga Block Resource Centre, Chawngte-a thawk tûr Samagra Shiksha hnuaia Foundational Stage (FS) Helper leh PM SHRI Music, Sports leh Hindi Instructor lak danah pawh thil fello a awm nia an hriat thu sawiin, CADC ZPM District Hqrs. President Karan Dewan leh a thawhpui ten an duhsak zâwng te lâk an nih theih na turin party chakna hmangin hma an la niin an sawi.
He hna lak chungchangah hian CADC ZPM District Hqrs. President Karan Dewan leh a thawhpui te chuan recommendation list siamin, an list-a chuang te lak an nih vek theihna turin interview board member te an nawrlui niin Joint NGO, Chawngte chuan an sawi a. An duh dana thil an ti lo a nih chuan transfer-ah an vau nia sawiin, hemi nena inkaihhnawih nia ngaih theih turin interview board-a Member Secretary, BRC, Chawngte-a attached lai Juhnee Chakma chu June ni 25, 2025 khân a post ngaia let tura tihna order tihchhuah a nih thu leh he order hi sut leh tura sawrkar an phut thu an sawi bawk.#zabilianz #zabilianznews #zofatehuapzo
-a pisa kai tur dan an tum ){kind=link}
0 Comments