Tlawng lui-a chesual nia rin ruang hmuh a ni

#ZabilianZ Jan 20: Tlawng luia chesual nia rin, PHE Deptt-a thawk Zosangliana, Chanmari Veng, Aizawl chu vawiin khan Tlawng lui-ah a ruang hmuh a ni.

Tarlan tawh angin, kum 37 mi Zosangliana hi kar kalta Zirtawpni, January ni 17 zan dar 8 vel khan hnathawka an awmna PHE pump, Reiek kai atangin Sangha man tura insawiin a chhuak a, lenkhang a zar nia hriat niin, a len te leh a silipar bun te pawh lui kamah hmuh a nih avangin tui-ah a chesual nia rin a ni a. Chanmari YMA, Maubawk YMA te, Chanmari veng thenawm veng hrang hranga YMA leh LC lam te, Sairang lam tui thiam te leh Central YMA disaster response team te nen theihtawpa zawn a nih hnu ah vawiin khan a ruang hmuh a ni ta a ni.

Thudawn danin, ruang hi vawiin chawhnu her-ah khan hmuh niin, lak chhuah a ni tawh a, Aizawl lam pan tura buatsaih mek a ni a. Zanin dar 8:30-ah Chanmari YMA Hall-ah vui tura ruahman a ni#zabilianz #zabilianznews #zofatehuapzo