ZabilianZ

#ZabilianZ May 29: MZP Gen. Headquarters executive committee vawiina thukhawmin Tripura dep Mizoram chhunga bomb hmanga inrikrapna thleng chhui chiang turin Mizoram sawrkar an ngen. Tripura dep, Mizoram chhung Phuldungsei khuaa Thaidawr tlang pan chhohna kawng sira Tripura sawrkarin Forest Guest House a sak mek chu nimin - May ni 28, 2025 zing dar 2 vel khan mi tu tihhriatloh ten bomb hmangin  an bei tih MZP chuan an sawi a. Mizoram chhunga bomb hmanga chetna chu chhui chiang tur leh Tripura sawrkarin Forest Guest House a sak mek pawh titawp nghal turin sawrkar an ngen a ni. Thaidawr tlang panna, Tripura sawrkarin Forest Guest House a sak mek na chu Mizoram chhung a nih avangin Mizoram Police duty dah ve nghal turin MZP chuan sawrkar thuneitute an ngen bawk.#zabilianznews MZP chuan "Mizoram chhunga Tripura sawrkar-in Forest Guest House a sa ngawt mai leh a bul lawkah Tripura State Rifle te an duty reng laia bomb hmanga beih a ni chu Mizoram state puh hmingchhiatna tura ruahman a n...

#ZabilianZ May 24: Mizoram Journalists' Association (MJA) Khawzawl District chu nimin khan MJA General Headquarters President C. Lalrambuatsaiha'n a hawng a. KhawzawI district MJA an hawng thei ta chu "MJA bakah Khawzawl district tan pawh thil chhinchhiahtlak a ni" a ti. Khawzawl District MJA hruaitu hmasaber atan : President - Lalthlamuani Ralte Vice President - Lalrotluanga Treasurer - Rohmingthanga Secretary - Vanlalzawna Ralte te bakah executive member atan - KC Ngurbiakzuala leh Lalrinhlua Ralte te ruat an ni.#zabilianznews Champhai district-a awm thin, Khawzawl hi Khawzawl District a pian hnu ah pawh engemawchen Champhai District MJA hnuaia an awm hnu ah Gen. Hqrs. hnuaiah awm leh in nimin khan Khawzawl District MJA chu hawn a ni ta a, MJA Gen. Headquarters-in Rs. 20,000-in a indan bawk. MJA Gen. Hqrs. President C. Lalrambuatsaiha chuan Chanchinbumite chu langtlang taka sawrkar a kala, dik taka ro a rel theih na tura hmanraw tangkai, sawrkar pawhin a theihna zaw...

#ZabilianZ May 23: Gas MT 900 dah theih na tura buatsaih thar leh mek Mualkhang Gas Botling Plant chu kum 2027 kum tawp lama hawn theih tura peihfel hman beisei a ni. Gas MT 900 dah theih na tura buatsaih mek Mualkhang Gas Botling Plant hi vawiin khan Supply Minister B Lalchhanzova'n a tlawh a, Bialtu MLA K. Laldawngliana leh Dept. Official ten an țawiawm bawk a. Chhawr tangkai a nih thuai theihna turin sawrkarin theihtawp a chhuah tih Supply Minister chuan sawiin, clearance tul zawng zawng pawh an tifel tawh tih a sawi. Mualkhang Gas Botling Plant-a Divisional General Manager Z. Lhungdim-a'n a sawi danin, Mualkhang Gas Botling Plant buatsaihna hmun hi Hectar 5.96 a zau niin, ruahman danah chuan ni khatah Eirawngbawlna Gas bur (cylinder) 7500 vel a siam chhuak thei dawn a. A hma khan ni khatah Gas bur (cylinder) 2500 vel siam a ni thin niin a sawi. Mualkhang Gas Botling Plant hi kum 2006-ah commission niin, engemawchen hman a nih hnu ah December 2019 ah enfiah a ni a. Gas dahna...

#ZabilianZ May 21: Ruihhlo ngai, haw na tur nei lova khawlaia tei rawlai te lo enkawl leh turin TBCC hotute ruahmanna siampui an ni a. Admission mumal zawka tih leh a hmun hmain a zawh tawk damlo la turin an inruahman dawn bawk. Social Welfare Minister Lalrinpuii'n vawiin khan TBCC Founder Zohmingthanga leh TBCC Advisory Board member te kawmin, mumal leh tha zawka kal dan tur an sawho bakah ruahmanna hrang hrang a siampui a. TBCC chu Vanhela Pachuau Chairman-na hnuaiah TBCC Advisory Board-in uluk zawkin an vil tawh dawn niin sawrkar thuchhuah chuan a tarlang. Social Welfare Minister chuan TBCC hotute chu TBCC tha zawk, langtlang zawk leh inkaihhruaina mumal zawk nena kalpui dan tur a sawiui a. TBCC hotute pawhin dan hnuaia mumal taka kal chu an duh dan a nih thu leh lawmawm an tih thu an sawi niin sawrkar thuchhuah chuan a tarlang bawk.#zabilianznews Vawiin vek khan Social Welfare Minister Lalrinpuii chuan Operation Kingdom Ministry (OKM) hotute pawh kawmin, ruihhlo ngai te enkawl ...

#ZabilianZ May 21: MZP-in June ni 13, 2025 ral hma ngeia zirtirtu aikal la te laka action la turin sawrkar an phut. Thu thar thehdarhtute kawmin MZP hruaitu ten he thu hi vawiin khan an sawi a. An eizawnna, an hlawh hmuhna pawh thei thei lova aikal la te chu bana, a thawk peih te la tura sawrkar an ngen thu an sawi.#zabilianznews Sawrkarin zirtirtu aikal lak tiawp tura hma a lakna MZP in an thlawp thu sawiin, MZP pawhin a theih ang anga sawrkar hmalakna an țawiawm thu an sawi a. Aikal la zingah hemi kawnga MZP in hma a la tih hriaa an hna zawm leh  ta te pawh an awm niin an sawi. Vawiin thlengin district paruk ațangin sikul 14 a thawk mi 22 aikal la report an dawn tawh thu MZP hruaitute chuan an sawi bawk.#zabilianz #zabilianznews #zofatehuapzo

#ZabilianZ May 20: Siaha district-ah kum 2024-2025 chhunga thisen endik 2203 zingah HIV hrik pai 155 hmuh chhuah an ni a, hei hi thisen test zat atanga za-a 7.04 a ni. District AIDS Prevention and Control Committee (DAPCC), Siaha thutkhawm vawiina neihah Siaha district dinhmun hi tarlan a ni a. Siaha district-ah kum 2024-2025 chhunga naupai 952 endik zingah HIV hrik pai 7 hmuhchhuah niin, endik zat atanga za-a 0.74 a ni. National AIDS Control Organisation (NACO)-in a buatsaih HIV estimation data-ah Siaha district hi priority list-ah a awm mek a. HIV hrik inkaichhawn tamna ber chu hriau (syringe) inhmantawm niin, HIV hrik pai hmuhchhuah atanga za-a 71.6 chu hriau (syringe) inhmantawm atanga kai an ni.#zabilianznews Lunglei District AIDS Prevention and Control Committee pawh nimin khan an thukhawmi a, kum 2024-2025 chhunga Lunglei district-a mi 6373 endik atangin HIV kai hmuh chhuah 123 (za-a 1.93) an awm a, nau pai endik mi 1885 aṭangin HIV kai 7 (za-a 0.37) an awm. Kum 2024-2025 chhung...

#ZabilianZ May 19: MNF Adviser, Wing Commander J. Lalhmingliana'n "Tun sawrkarah hian Civil Aviation lamah ṭhan i beisei lovang u" a ti a, sawrkarin a ngaihna a hre lo niin a sawi.  MNF party chhung inkhawm vawiina Mizo Hnam Run-a neihah he thu hi J. Lalhmingliana chuan a sawi a. Lengpui airport bulṭantu tak tak chu MNF founder President Chief Minister hlui Laldenga nia sawiin, "MNF sawrkar lai 1987-a survey team din aṭanga lo inṭan a ni a, kei pawh team leader-ah min dah" a ti. Hemi ṭuma Survey team hi thla 6 chhunga report pe tura tih an nih thu leh Lunglei Kawmzawl te pawh an en thu J. Lalhmingliana chuan a sawi a. "Pu Laldenga khan Rajiv Gandhi hnenah Mizoram-in airport thar kan neih theih nan nasa takin a sawi a. DO letter te pawh a ziak a, hmuh ṭul ang ang Minister dang te pawh a dawr bawk a. Chumi kal zelah chuan 1991 khan Mizoram airport survey tur tak tak te an lo kal ta a ni," a ti bawk.#zabilianznews J. Lalhmingliana chuan "Lengpui airp...

#ZabilianZ May 19: Social Welfare Minister Lalrinpuii'n ruihhlo ngai enkawlna TBCC-in sawrkar thawhpui an duh lo thin nia sawiin, Mizoram Social Defence & Rehabilitation Board (MSD&RB) Social Welfare Deptt-in Centre-a thawktute tana training a buatsaih thinah pawh an tel remchang lo fo niin a sawi. Vawiin khan a pisa-ah thuthar thehdarhtute kawmin he thu hi Social Welfare Minister chuan a sawi a. Kumin February ni 14-a Social Welfare Director, officer te leh doctor leh professional councellor ten TBCC-a a thlawna inentirna leh councelling te pe tura an ruahman pawh TBCC lamin lo dawngsawng duh lovin chawpchilh takin an thulh nia sawiin, an hotupa kawm thuai an tum thu a sawi bawk.#zabilianznews  Social Welfare Minister chuan Center/Rehabilitation Center ten sawrkar dan hnuaiah Drugs De-Addiction accreditation an tih vek a ngai tawh dawn tih sawiin, he dan hnuaiah hian infrastructure, human resource, service, documentation leh a dang te ah minimum standards siam a nih thu a ...

#ZabilianZ May 19: Social Welfare Minister Lalrinpuii'n Sethawn-a Jordan Center, De-addiction Center atana hman thin chu ruihhlo ngai, sim tawh ten mahni ke-a ding thei tura thiamthil chi hrang hrang an zirna - After-Care Skill Development Center anga kalpul tura ruahman mek a nih thu a sawi. Vawiina a pisa-a thuthar thehdarhtute a kawmnaah he thu hi Social Welfare Minister chuan a sawi a. Jordan Centre enkawl zui chungchangah Presbyterian kohhran leh Baptist kohhran an biak thu leh anni hian an enkawl thei lo a nih chuan sawrkarin a enkawl chhunzawm tur thu a sawi bawk. Jordan Center bula sawrkar ram awl ah De-addiction Center lian zawk dinna tur Ministry of Tribal Affairs-ah thehluh a nih thu pawh Social Welfare Minister chuan a sawi a. District 5 - Drugs De-addiction Center (DDAC) la awmlohna - Saitual, Khawzawl, Hnahthial, Mamit leh Lawngtlai-a DDAC dinna tur project proposal pawh Ministry of Tribal Affairs-ah thehluh mek a nih thu leh PISGAH, Thingsulthliah-a Multidisciplinary...

#ZabilianZ May 17: Social Welfare Minister Lalrinpuii'n tunlaia TBCC boruak chungchang Chief Minister sawipuiin, TBCC-in sawrkar kaihhruaina hnuaiah an enkawl zawh tawk enkawla, mumal zawka kohhran leh khawtlang hruaitute nen thawkho chunga an kal dan tur a sawipui tur thu nimin khan Chief Minister a hrilh. Chief Minister Lalduhoma pawhin ruihhlo ngai center-a awm te an dam chhuah tak tak theihna turin after-care skill development ngaihpawimawh a tul thu a lo sawi a. Jordan Center pawh thiamthil an zir nghalna hmuna siam a that thu Social Welfare Minister chu lo hrilhin, hma lo la nghal turin a chah. TNT leh kohhranin a enkawl de-addiction center te pawhin skill development program an kalpui theih dawn chuan a tul anga sawrkarin grant in aid pek a inhuam thu pawh Chief Minister chuan Social Welfare Minister chu a lo hrilh a. Hemi kawngah hian hma a lo lak nghal tur thu Social Welfare Minister chuan Chief Minister chu a hrilh ve bawk.#zabilianznews Social Welfare lam chuan Mizorama ...

#ZabilianZ May 16: Mizo tha sawi rik apianga a hming an lam tel thin Ztpa Rokhum chuan Guitar instrumental album hmasaber VANTAGE POINT a tichhuak dawn ta. Naktuk (May 17, 2025)-ah Mystique Music Network CEO Zothanmawia'n a tlangzarh dawn a. He album hian ZTPA ropuina a pholang chiang hle. Mizo guitarist tha leh hriathlawh ber pawl ZTPA album Vantage Point-ah hian ama phuah instumental music 10 a awm a. Music genre hrang hrang - rock, rock fusion, funk leh metal ziarang lang tel te an ni nawk hlawm. He Instrumental album-a ZTPA puitu te pawh an nep lo hlawm hle - Michael (Bass); Fakawma (Bass); Samuela (Keys); George Hmar (Keys); John Tetea (Drums); Joshua (Drums) te niin, Drop Doubt hla ngaithla thin te phei chuan heng musician te kutthlakin ngaihno a bei zia an chiang hle ang.#zabilianznews  Zothanpuia Rokhum (ZTPA) hi hranghlui zaithiam leh hlaphuah thiam Sikulthanga Rokhum fapa a ni a. Mizorama Rockschool London exam buatsaih hmasakber kum 2012 khan Electric Guitar Grade 8...

#ZabilianZ May 16: Henry Lalmawizuala'n a hla phuah leh siam leh lehlin te a dahkhawmna 'Ka Ro Duhawm Ber : Fakna Hlate' tih chu naktuk May ni 17, 2025-ah tlangzarh a ni dawn a. He hla bu ah hian hla 51 awmin, tonic sol-fa leh staff notation-a dah vek a ni. 'Ka Ro Duhawm Ber : Fakna Hlate' tiha hla awm 51 zinga 37 chu Henry Lalmawizuala phuah niin, hla 5 chu thawhpui neia a siam te an ni a, hnamdang hla atanga lehlin hla 9 a awm bawk.#zabilianznews He hla bu thar lo chhuak turah hian - Besy zaipawl leh malzai lamah pawh hla sak hlawh leh mipui hriathlawh tak tak – Ka Lungpui Nghet, Ka Ro duhawm Ber, Kan Ram Tidam leh Rawh, Aw! Bible, Isu Ka Hma Hruai Rawh, Ka Hmangaih Che Isu, Lo Buai Suh (LBS–Mizo Idol Theme Song), We Will Strive (PUC Anthem) leh hla dang tha tak tak dahkhawm a ni.#zabilianznews 'Ka Ro Duhawm Ber : Fakna Hlate' hi Contemporary Hymnal leh rimawi ziarang chi hrang hrang zaipawl leh pawlho ang pawha sak mai theih tura duan a ni a. Rimawi ziak ...

#ZabilianZ May 16: Aizawl District Sports Committee (ADSC)-in vawiin khan Sports discipline hrang hrang 11 hnenah promotional fund Rs. 25,000 theuh a pe. Sports promotional fund sem inkhawm Aizawl Bawrhsap Pisa Pui hall-a neihah Aizawl Bawrhsap, ADSC Chairman Er. Lalhriatpuia chuan ruihhlo avanga buaina sutkianna atana tha ber chu sports a nih thu a sawi. Aizawl District Sports Committee hi kum engemawti chhung a khaihlak hnuah kum 2023 khan bultan that leh a ni. #zabilianz #zabilianznews #zofatehuapzo

#ZabilianZ May 16: Kumin February ni 24-a Bangladesh-a Sajek tlangdunga Mahmuam khuaa kangmei tuar Mizo chhungkaw 18 te hnenah vawiin tlai khan CYMA-in țanpuina Rs. 5,11, 800 a hlan a. Țanpuina sum hi CYMA President Lalhmachhuana'n Sajek Branch YMA hruaitute hnenah a hlan a ni. Kumin February ni 24 khan Mahmuam khuaah hian kangmei chhuakin, in 60 vel a kang a, heng zingah hian Mizo chhungkaw chenna in 18 chu engmah chuh hman lovin a kang ral vek a. Central YMA-in kangmei tuarte tanpuina tur hian Aizawla YMA branch te hnenah thawhlawm a khawn a, chuta tlingkhawm chu hlan a ni ta a ni.#zabilianz #zabilianznews #zofatehuapzo

#ZabilianZ May 16: Tunhnaia harsatna hrang hrang tawk te hnenah Mizoram Synod-in relief fund atangin tanpuina a pe chhuak a. Synod relief fund atanga tanpuite hi Mizoram hmun hrang hrang ami te an ni. Mizoram Synod-in relief fund atanga tanpuina a pek te chu : 1. Kawrtethawveng-a damlo mi 5 hnenah Rs. 10,000 theuh 2. Rengdil khuaa vanduaina tawk chhungkaw 1 hnenah Rs. 20,000 3. Zonuam East-a leimin tuar chhungkaw 1 hnenah Rs. 12,000 4. Bunghmun North-a damlo mi 2 hnenah Rs. 10,000 ve ve 5. Zohmun khuaa damlo mi 2 hnenah Rs. 10,000 ve ve 6. Vaitin vengthar-a damlo mi 2 hnenah Rs. 10,000 ve ve 7. Hlimen Dam venga damlo mi 1 hnenah Rs. 10,000 8. Phullen khuaa damlo mi 1 hnenah Rs. 10,000 9. Zote khuaa damlo mi 1 hnenah Rs. 10,000 10. Zawngin khuaa damlo mi 1 hnenah Rs. 10,000 11. Tinghmun khuaa damlo mi 1 hnenah Rs. 10,000 12. Saitual Bethel-a damlo mi 1 hnenah Rs. 10,000 13. Daido khuaa damlo mi 1 hnenah Rs. 10,000 Tuntuma Synod relief fund sem chhuah zawng zawng Rs. 2,12,000 a ni. #zabi...

#ZabilianZ May 16: Aizawl-a Kulikawn veng mi Vanlalngaia'n Hlimen Chuhvela a ram bigha 7.5 a zau chu Mizoram Synod kutah a hlan. Vanlalngaia chuan Synod kuta a ram hlan a duh chhan chu "Pathian hnenah 'ka kum min pawhsei sak hi tangkai takin min hman tir rawh', tiin ka phut ve thin a, chung zingah chuan kan thalai a sing tel tehmeuh setana’n an taksa leh an thlarau tihluma, hremhmuna a hruailut tur hi chhanchhuahna beihpui thlak a ngai tak takin ka hria a, kohhran hian hma la sela tih hi ka lo rilruk ve thin a ni", a ti.#zabilianznews Thlarau bo pahnih/khat tal chhanchhuaha an lo awm theih na tura a ram chu Mizoram Synod kuta hlan a nih thu a sawi a ni. Ram inhlanna hun hi Vanlalngaia in, Kulikawn, Aizawl-ah neih niin, ram inhlanna lehkhaah ram neitu Vanlalngaia leh Synod Senior Executive Secretary Rev. VL. Luaia Hranleh ten hming an ziak a, hriatpuitu-ah Synod Executive Secretary Rev. Dr. Rosiamliana Tochhawng leh Upa K. Zoremsanga, Kulikawn ten hming an ziak baw...

#ZabilianZ May 15: All India Radio, Aizawl-in kum 1 leh thla 3 chhung a tihtawp lailawk hnu ah FM Zoawi chu vawiin atang khan chhunzawm leh a ni a. FM Zoawi hi 100.7 MHz ah kum 2008, August ni 15 atanga tihchhuah tan niin, programme hrang hrang an tichhuak thin a. kum 2024, January ni 20 khan tihtawp lailawk niin, vawiin atang khan chhunzawm leh a ni ta a ni. Director, Akashvani leh DDK Mizoram Cluster Head DR Lalropuia chuan social media leh internet khawvela mi nawlpuiin radio an ngaihthlak tam tawh loh laia All India Radio Aizawl programme la chawinung rengtu FM Zoawi tharthawh leh a ni chu lawmawm a tih thu a sawi a. Mipuite pawh FM Zoawi ngaihlua lo ngaithla zel turin a ngen.#zabilianznews FM Zoawi chu thalaite duhzawng tura duan a nih thu sawiin, a tir te atanga mipuiin an hlut thu leh a ngaithlatute pawh Mizoram bakah Mizoram chhehvêl atanga an awm thin thu a sawi a. Mizo, English leh Hindi-a puan a ni thin chu Mizo te duai bik loh zia tilangtu niin a sawi. Director chuan FM Zoa...

#ZabilianZ May 14: Punjab-ah zu chhe in avanga thi mi 23 an tling tawh a, midang engemawzat damdawi in-ah enkawl an la ni. He thil thlenga inhnamhnawih nia hriat mi 10 man an nih hnu ah vawiin khan mi 2 man leh an ni a, Police officer pahnih suspend an ni tawh bawk. Tunkar Thawhtanni leh Thawhlehni-a Amitsar district-a thingtlang khaw hrang hrang - Patalpuri, Karnala, Marari Kalan, Bhangali leh Therewal-a ethanol hmanga siam zu chhe in avanga thi chu mi 23 an tling tawh a. Zu chhe in avanga thi te hi kum 26 atanga kum 80 inkar mi te an ni.#zabilianznews Punjab Chief Minister Bhagwant Mann chuan he thila mawhphurtute chu hrem ngei an nih tur thu a sawi a. Vanduaina tawk te tlawhin, Chief Minister chuan mitthi chhungte hnenah cheng nuai 10 theuh pek an nih tur thu a puang bawk.#zabilianznews He thil thlenga inhnamhnawih nia hriat an man tawh zingah he thila mawhphurtu bera puh Sahib Singh pawh a tel thu Punjab Police hotute chuan an sawi a. He thil thleng avang vek hian Majitha DSP Amola...

#ZabilianZ May 14: MZP General Headquarters, Aizawl-vawiin khan HSSLC exam 2025 Top 3-a Mizo tling te an chawimawi a. Vaivakawn Cultural Centre cum Auditorium -a  zirlaite chawimawina hun hi Minister PC Vanlalruata'n a hmanpui. MZP-in HSSLC 2025 top- 3 a Mizo tling an chawimawi te hi : Arts stream-ah : 1-na Lalrammawii Tochhawng 2-na Zorinmawii 3-na Daniel Lalruatsanga Science stream-ah : 2-na T. Lalmuanpuia 3-na H. Malsawmdawngzuala Commerce stream-ah : 1-na Kristin Laldinpuii Ralte 2-na Lalhruaikima 3-na Esther VL Roluahpuii te an ni a. Chawimawina thuziak leh Rs. 5,000 theuh bakah Lalhmachhuana Zofa lehkhabu ziah pahnih - 'Mizoram GK Mini Edition' leh 'Duhthusam Ram' te pek tel theuh an ni. He hun hmanpuitu Minister PC Vanlalruata chuan ruihhlo, social media leh kawng engkimah insum theihna neih a tul thu a sawi a. Ruihhlo laka fihlim tum tlat turin zirlaite chu a chah bawk. Superintendent of Police, Aizawl District Rex Zarzoliana Vanchhawng pawhin zirlaite fuihn...

#ZabilianZ May 12: India-in Pakistan ram chhunga awm mifirfiakte laka beihpui a thlakna 'Operation Sindoor' chungchangah zanin khan Prime Minister Narendra Modi chuan ram mipuite thuchah a sawi a. India sipai, intelligence leh scientist te chu ram mipui aiawha chibai bukin, he beihpui thlakna ah hian India chakna leh insumtheihna te a lang niin a sawi. Kumin April ni 22-a Pahalgam-a mifirfiakte chetnain India rilru a ti na takzet tih sawiin, pawisawilo tam tak nunna latu ten an phu tawk hremna an hmuh theihna turin India khua leh tui te, political party hrang hrang te, pawl leh hnam hrang hrang te pawh an inlungrual hle tih a sawi a. Mifirfiakte nuai bo turin India sipai te hnenah thuneihna pumhlum pek a nih thu sawiin, Operation Sindoor chu ram chhung mipuite thinlung leh rilru puthmang lantirna a nih thu sawiin, mifirfiakte inkhuarna hmun tam tak chu chhut chhiat a ni tih a sawi.#zabilianznews Pakistan-a Bahawalpur leh Muridke te chu khawvel huap pawha mifirfakte hmunpui a ni...

#ZabilianZ May 11: Sawrkar laipui ngenna angin Mizorama sakhaw hrang hrang vuantu te chu nizan leh vawiin lam khan India leh Pakistan buaina a reh theihna tur leh India Sipai 'Operation Sindoor' a tel, indona hmuna awm mek te tan an tawngtai. Kristian te chuan kohhran hruaitute ruahmanna leh kaihruainain nizan leh vawiin lamah te Biak In-ah tawngtairualna hun an hmang a. Sakhaw dang betu - Hindu leh Muslim te pawhin an sakhaw biakbuk-ah te tawngtaina hun an hmang bawk.#zabilianz #zabilianznew #zofatehuapzo

#ZabilianZ May 10: Foreign Secretary Vikram Misri-a'n India leh Pakistan-in vawiin tlai dar 5 atanga inkahhai an remti tih a puang. Foreign Secretary chuan ram pahnih sipai te khawmual, van leh tuipuia inkahna thleng mek chu vawiin tlai dar 5 atanga tihtawp an remti tih sawiin, Pakistan Director General of Millitary Operations-in inkahhai chungchangah hian vawiin chawhnu khan India a rawn bia niin a sawi. External Affairs Ministry chuan inkahhai leh sipai chetlakna tihtawp chungchang chu ram pahnih ten an ruahmannaa sawi an nih thu a sawi a. Ram pahnih inkar buaina chungchanga inbiak zui chungchangah erawh thutlukna siam a awm loh thu a sawi bawk.#zabilianz #zabilianznews #zofatehuapzo

#ZabilianZ May 10: India leh Pakistan indona a tawp thuai theihna tura tawngtai turin Union Home Minister-in Mizorama kohhran hrang hrang te tawngtai turin a ngen. Union Home Minister Amit Shah chuan vawiin khan Chief Minister Lalduhoma biain, kohhranho te tawngtai tura ngenna hi a thlen hnu ah, kohhran pawl hrang hrang inzawmkhawm Council of Churches in Mizoram (CCM)-in CCM-a tel kohhran hrang hrang hnenah vawiin vek khan he thu hi a thlen ve nghal bawk.#zabilianznews  CCM-in kohhran hrang hrang te hnena hemi chungchang a hriattirnaa a lan danin, kohhran hrang hrang te chu zanin (Inrinni) inkhawm-ah emaw, naktuk Pathianni-ah emaw remchang an neih dan anga India leh Pakistan indona a tawp thuai theihna tura tawngtai turin a ngen a ni.#zabilianz #zabilianznews #zofatehuapzo

#ZabilianZ May 07: India chuan tukin dar 1 vel atang khan Pakistan lakah 'Operation Sindoor' tanin, Pakistan leh Pakistan awp Kashmir-a firfiakte awmna hmun te chu missile hmangin a kap tan ta a. Hmun pakua bitum bik neiin, heng hmun te hi India rama mifirfiaka chetna tura an ruahmanna leh thu an pekna hmun te nia sawi a ni. Defence Ministry chuan he beihpui hi Pahalgam-a mifirfiakte chetna, India mi 25 leh Nepali pakhat thihna chhanletna a nih thu leh he inbeihnaa mawhphurtute chu na taka chhanlet an tum thu a sawi a. He beihpui thlak hi uluk taka ruahman lawk a nih thu leh ram pahnih inkara boruak tih sosan tumna a nih loh thu te, Pakistan sipai hmun te kah tel an nih loh thu te a sawi bawk. India chuan Pahalgam beihna chhanletna hi chawlhsan mai a tum lo niin a lang a. Ram venhimna kawnga mipawimawhte chu vawiinah Prime Minister Narendra Modi hovin an inhmukhawm leh dawn a. Pakistan laka hmalak zui zel dan tur an sawiho rin a ni.#zabilianz #zabilianznews #zofatehuapzo

#ZabilianZ May 05: Assam Rifles ram advisory committee chu vawiin khan Chief Minister Lalduhoma hovin a vawikhat nan an thukhawm a. An thu ngaihtuahho zingah AR chhuahsan rama Laldenga Cultural Centre sak tura ruahman aiah Aizawl Green Park siam rawtna a tel. Babutlang-a AR chhuahsan ram, Zarkawt veng joint action committee kuta hlan chungchang pawh vawiina AR ram advisory committee thu ngaihtuah zingah a tel nia hriat a ni a. AR chhuansan rama Legislative Assembly Complex din tura ruahmanna pawh an thu ngaihtuah zingah a tel. AR biak in hmun Mizoram Synod hnena pek rawtna te, parking lot siam chungchang te, Bethlem Branch YMA-in YMA plantation siam an rawtna te pawh a tel nia hriat a ni. Home department-in AR memorial din an rawtna leh Mizoram Florist’s Association-in pangpar zawhna hmunpui emaw show house emaw din an rawtna te, INTACH, Mizoram Chapter-in AR cantonment building vawnthat an rawtna te, UD&PA department-in ropeway project siam tura an ruahmanna te leh P&E dep...