Fakna hla tha 51 awmna - 'Ka Ro Duhawm Ber : Fakna Hlate' tlangzarh a ni dawn

#ZabilianZ May 16: Henry Lalmawizuala'n a hla phuah leh siam leh lehlin te a dahkhawmna 'Ka Ro Duhawm Ber : Fakna Hlate' tih chu naktuk May ni 17, 2025-ah tlangzarh a ni dawn a. He hla bu ah hian hla 51 awmin, tonic sol-fa leh staff notation-a dah vek a ni.

'Ka Ro Duhawm Ber : Fakna Hlate' tiha hla awm 51 zinga 37 chu Henry Lalmawizuala phuah niin, hla 5 chu thawhpui neia a siam te an ni a, hnamdang hla atanga lehlin hla 9 a awm bawk.#zabilianznews

He hla bu thar lo chhuak turah hian - Besy zaipawl leh malzai lamah pawh hla sak hlawh leh mipui hriathlawh tak tak – Ka Lungpui Nghet, Ka Ro duhawm Ber, Kan Ram Tidam leh Rawh, Aw! Bible, Isu Ka Hma Hruai Rawh, Ka Hmangaih Che Isu, Lo Buai Suh (LBS–Mizo Idol Theme Song), We Will Strive (PUC Anthem) leh hla dang tha tak tak dahkhawm a ni.#zabilianznews

'Ka Ro Duhawm Ber : Fakna Hlate' hi Contemporary Hymnal leh rimawi ziarang chi hrang hrang zaipawl leh pawlho ang pawha sak mai theih tura duan a ni a. Rimawi ziak leh chhiar dan zau zawka hriat belh duh tan pawh he hla bu hi inzirna atana tangkai tak tur a nih thu he hla bu buaipuitu Mystique Music Network chuan an sawi.

He hla bu buatsaihtu Henry Lalmawizuala hi zai leh rimawi lama mikhuallo leh sulhnu nei tha tak niin, kum 6 chhung Bible Society zaipawl BESY Choir conductor a ni tawh a. Mizo Idol season 4 leh Voice of Salvationist-ah te endiktu lo ni tawh kha a ni a. Eizawnna lamah PUC-a English Department-ah HOD a ni.

'Ka Ro Duhawm Ber : Fakna Hlate' hi Mystique, Khatla; Synod Bookroom leh Instagram lamah LEHKHABUK atang tein a lei theih dawn niin a buaipuitute chuan an sawi.#zabilianz #zabilianznews #zofatehuapzo