Mifirfiak te do kawnga kan inpumkhatna hi kan chakna a ni :Prime Minister


#ZabilianZ May 12: India-in Pakistan ram chhunga awm mifirfiakte laka beihpui a thlakna 'Operation Sindoor' chungchangah zanin khan Prime Minister Narendra Modi chuan ram mipuite thuchah a sawi a. India sipai, intelligence leh scientist te chu ram mipui aiawha chibai bukin, he beihpui thlakna ah hian India chakna leh insumtheihna te a lang niin a sawi.

Kumin April ni 22-a Pahalgam-a mifirfiakte chetnain India rilru a ti na takzet tih sawiin, pawisawilo tam tak nunna latu ten an phu tawk hremna an hmuh theihna turin India khua leh tui te, political party hrang hrang te, pawl leh hnam hrang hrang te pawh an inlungrual hle tih a sawi a.

Mifirfiakte nuai bo turin India sipai te hnenah thuneihna pumhlum pek a nih thu sawiin, Operation Sindoor chu ram chhung mipuite thinlung leh rilru puthmang lantirna a nih thu sawiin, mifirfiakte inkhuarna hmun tam tak chu chhut chhiat a ni tih a sawi.#zabilianznews

Pakistan-a Bahawalpur leh Muridke te chu khawvel huap pawha mifirfakte hmunpui a nih thu leh khawvel hmun hrang hrang firfiaka chetna liam tham tak tak te pawh chhui chian chuan heng hmun pahnih nena inkungkaihna nei an ni zel tih a sawi a. India-in mifirfiakte a beihna ah firfiaka che thin, helna chawk chhuak thin te tam tak an thi tih sawiin, chung mi te chu hun rei tak Pakistan-a zalen taka lo khaw sa tawh te an nih thu a sawi.

India beih dan tur rel thintute chu nuai chimih an ni, tiin, hei vang hian Pakistan pawh a thinur hle a, phuba lak chaknain a khat niin a sawi a. India-in mifirfiakte nuai bo tura a beihna thlawp ai chuan India beih a thlang a, zirna in te leh Hindu temple te rawn bitumin, India sipai hmunpui te a rawn bei ta tih a sawi. Pakistan chuan India laka a chet dan avang hian thiam a chang lova, a nihna a pholang zawk niin a sawi.#zabilianznews

India-in Pakistan drone leh indo thlawhna te a kap thla lai chu khawvelin a thlir a, Pakistan drone leh indo thlawhna te chu India air defence system-in van sangah a nuaibo vek tih a sawi.

India drone leh missile ten an tum an fuh chat chat nia sawiin, Pakistan-in a chhuan em em thin Pakistan airforce hmunpui pawh tihchhiat a nih thu a sawi a. Pakistan chuan ramdangah zualko na tur a zawng ruai a, May ni 10 chawhnu lamah firfiaka chetna leh inbeihna a awm tawh loh tur thu sawiin, India zahngaihna a ngen nia sawiin, hei hi India chuan a lo pawmsak tih a sawi.#zabilianznews

Pakistan chet dan chu India-in a thlithlai reng dawn tih sawiin, India sipai te pawh inring rengin an awm dawn tih a sawi a. India-in mifirfiakte beih a tawh apiangin na taka chhanlet zel a nih tur thu a sawi.

Nuclear hmanga invauna leh inbumna India-in a tawk a nih pawhin na taka chhanlet a nih tur thu a sawi a. Mifirfiakte khawi ngamtu sawrkar leh an innghahna te pawh India chuan mifirfiakte nen angkhat renga a en tur thu a sawi.#zabilianznews

Operation Sindoor-ah khawvelin thu diklo tenawm tak a hmu nia sawiin, mifirfiak thi te thlahna ah Pakistan sipai hotu lian tak tak te an pungkhawm a, hei hi state sponsor terrorism finfiahna lian tak a ni, Prime Minister chuan a ti.

Prime Minister Narendra Modi chuan "Mifirfiak do kawnga kan inpumkhatna hi kan chakna ber a ni" a ti bawk.#zabilianz #zabilianznews #zofatehuapzo


Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more