MZP-in Tripura dep Mizoram chhungaa bomb puak chhui chiang turin Mizoram sawrkar an ngen


#ZabilianZ May 29: MZP Gen. Headquarters executive committee vawiina thukhawmin Tripura dep Mizoram chhunga bomb hmanga inrikrapna thleng chhui chiang turin Mizoram sawrkar an ngen.

Tripura dep, Mizoram chhung Phuldungsei khuaa Thaidawr tlang pan chhohna kawng sira Tripura sawrkarin Forest Guest House a sak mek chu nimin - May ni 28, 2025 zing dar 2 vel khan mi tu tihhriatloh ten bomb hmangin  an bei tih MZP chuan an sawi a. Mizoram chhunga bomb hmanga chetna chu chhui chiang tur leh Tripura sawrkarin Forest Guest House a sak mek pawh titawp nghal turin sawrkar an ngen a ni.

Thaidawr tlang panna, Tripura sawrkarin Forest Guest House a sak mek na chu Mizoram chhung a nih avangin Mizoram Police duty dah ve nghal turin MZP chuan sawrkar thuneitute an ngen bawk.#zabilianznews

MZP chuan "Mizoram chhunga Tripura sawrkar-in Forest Guest House a sa ngawt mai leh a bul lawkah Tripura State Rifle te an duty reng laia bomb hmanga beih a ni chu Mizoram state puh hmingchhiatna tura ruahman a ni ang em tih MZP chuan a ngaihtuah" an ti a. "Phuldungsei mipuite tithlabartu leh Mizoram mualphona thlen thei thil thlen dan hi chhui chhuak vat turin Mizoram sawrkar kan ngen a ni" an ti.

Thaidawr tlang chhehvela Tripura sawrkarin kut a thlak reng chu MZP chuan an ngaimawh hle tih sawiin, April ni 16, 2025 (Nilaini) khan MZP President H. Lalthianghlima hovin helai hmun hi tlawhin, Tripura sawrkar hmalakna chu a rang thei ang bera chawlhsan turin an lo hrilh tawh tih an sawi bawk.#zabilianznews

Vawiina MZP hruaitute thukhawm chuan Mizoramin State University a neih theihna turin Mizoram State University Act 2025 zirchiana, a ṭul anga hmalak ni se, an ti a. Indo Myanmar border hung tumnain Zofate inpumkhatna atan harsatna a thlen dawn nia sawiin, dodal zel an tum.

School thenkhat sawrkar aṭanga hlawh la ten fee sang taka an la ṭhin pawh tihtawp a nih theihna tura hmakak an tum a. Zirtirtu aikal la te lakah sawrkarin action a lak theihna tura hmalak an tum bawk a ni.#zabilianz #zabilianznews #zofatehuapzo


Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more