#ZabilianZ July 06: Nimin lama CDF-Hualngoram awm china CDF-Hualngoram camp 8 luhchhuaka thununtu CNDF te chu vawiin chawhnu lam khan Chin National Army (CNA)-in an kal ve leh thung a, Mizoram lam Vaphai leh Saikhumphai-ah sahimna zawnga lut engemawzat an awm belh.
Thudawnnain a sawi danin, CNA te hi nimin khan CNDF te awmnaah kalin, tha takin an inbia-a CNDF te hian chaw ei te pawh an lo siam a. Tha taka an inthlah nia ngaih a nih laiin vawiin chawhnu lam khan CNA te chuan CNDF te chu an kap ta niin thudawnna chuan a sawi.#zabilianznews
CNDF sipai zinga hmeichhia te leh CNDF sipai nupui fanau engemawzat chuan sahimna zawngin Vaphai leh Saikhumphai lam an pan a. Chanchin buatsaih lai hian Vaphai khawtlang hruaitute leh YMA hruaitute pawh Saikhumphai-ah raltlan lut thar buaipuiin an awm mek a, mi 500 vel Saikhumphai-ah hian an lut tawh nia thudawn a ni.
Thudawnna pakhat chuan vawiina inkahna ah hian CNA lam thi an awm hriat a nih loh thu leh CNDF lam gate duty pakhat chu a thi tih hriat a nih tawh thu a sawi a. Midang thi leh hliam engzatnge awm tih hriat chian a la nih loh thu a sawi bawk.
Tarlan tawh angin nimin lama Khawmawi khua-a inkap CDF-Hualngoram leh CNDF te chu an hotu ten CYMA ngenna angin nizan khan inkahhai an remti a. Nimin lama inkahnaa tello CNA ten vawiin lamah CNDF te an kap ve leh ta thung a ni.#zabilianz #zabilianznews #zofatehuapzo
0 Comments