#ZabilianZ June 30, 2026: Tuikum bial mipui, ZMC&H-a damlo inentir leh buaipuitute tana buatsaih Zairemmawia building, Falkawn-a MLA Khualbuk chu vawiin khan Tuikum bialtu MLA, Minister ni bawk PC Vanlaruata'n a hawng.
Tuikum bialtu MLA chuan ZMC&H chu hmun hrang hrang atanga pankhawm a nih thu sawiin, Synod Khualbuk leh Homestay hrang hrang awm mahse, an indaih loh thu a sawi a. MLA Khualbuk chu a bial-ah manifesto-a tel a nih thu leh a hlawhtling ta chu lawmawm a tih thu sawiin, a hlawhtlinna tura theihtawp chhuahtu a thawhpuite lawmthu a hrilh a ni.#zabilianznews
PC Vanlalruata chuan "he khualbuk hi ruak reng se, damlo te hi awm lo ila tih hi kan duhthusam a ni" tiin, damlo an lo awm a nih pawhin he khualbuk hian an tan samkhaina a thlen ngei an beisei thu a sawi a. A remchan dan a zirin hmun danga riahna nei remchang lo tan pawh he khualbuk hi a inhawng reng dawn tih a sawi bawk.
Tuikum bial MLA Khualbuk ah hian damlo inentir leh a buaipuitute tan a thlawnin a thlen theih dawn a. Khum - double pahnih leh single pariat a awm a, a luah man chu bialtu MLA-in a tum dawn a ni.#zabilianz #zabilianznews #zofatehuapzo
0 Comments