#ZabilianZ June 30, 2026: Lawngtlai District Disaster Management Authority (DDMA)-in an Chairman, Lawngtlai Bawrhsap Donny Lalruatsanga hovin vawiin khan Kaladan Multi Modal Transit Transport Project (KMMTTP) NH-502 A-a 'chatuan leimin' an tih mai chu tawhin an enfiah.
Bawrhsap chuan helai hmuna leimin thinin harsatna nasa tak a thlen thin chu mimal tak pawha veiawm a tih thu sawiin, harsatna sukiang tura chak zawka hmalak a nih thu a sawi a. Kawngpui pawimawh tak, khaw tam takin ei leh bar an lakluha leh sumdawnna kawngpui pawimawh a nih avangin a tlang that a tul thu a sawi.#zabilianznews
KMTTP kawngpui chu nakum maia hawn tur a nih thu sawiin, Bawrhsap chuan Minstry of Road Transport and Highways kaltlanga a siamthat hna leh enkawl hnathawk tur company te pawh tihfel tep a nih tawh thu sawiin, thlanfel a nih hunah harsatna tam tak sutkian a nih tur thu a sawi a. "Ruah a tam chhoh dawn avangin he kawngpui enkawltute pawh an inralrin reng a pawimawh" tiin, KMMTP enkawltu PWD (Multi Modal Project Division) ten theihtawp an chhuah thin thu pawh sawiin a fak bawk.
PWD (Multi Modal Project Sub - division) atangin SDO Er. Richard Vanlalrema, JE pahnih - Er. PC Biaksiama leh Er. H. Lalremruatpuia te pawh he kawng enfiahnaah hian an tel a. Chatuan leminin chu meter 400 vela thui a nih thu leh kumtin a thenfai hna an thawh thin thu sawiin, kuminah pawh he kawngpui leiminin a hnawh tih tlang hna chu vawi 7 an thawh tawh thu an sawi a ni.#zabilianznews
Vawiin vek khan Lawngtlai Bawrhsap Donny Lalruatsanga chuan Lawngtlai khawpui bawlhhlawh sawngbawlna tur hmun buatsaih mek tlawhin, a enfiah a. Rintlak leh huntiam chhunga zo tura theihtawp chhuah turin contractor te a chah.
Solid Waste Management System, Lawngtlai hi UDPA hnuaiah Rs. nuai 697 leh sing 7 ruahman hmanga siam mek a ni a. Kum 2024, October-ah hna tanin, kum hnih chhunga zawh fel tura ruahman a ni.#zabilianz #zabilianznews #zofatehuapzo
0 Comments