Mi tam takin minister chanpual siamremna liantham awm turah ngai mahse, tun dinhmunah hei hi ngai kan ti lo :Chief Minister

#ZabilianZ June 30, 2026: Chief Minister Lalduhoma'n term chanve sorkarna an chelh tawh thu sawiin, mi tam takin minister chanpual siamremna liantham awm turah an ngai niin a sawi a. Tun dinhmunah hei hi ngai an tih loh thu a sawi.

ZPM party chhung inkhawm nimina neihah he thu hi Lalduhoma chuan sawiin, "Minister te an thawkrima, an department chan te an bel dawn chauhva, tun dinhmunah chuan major re-shuffle hi ngai kan ti lo" a ti a. Central atanga thil tih ngai ang chi te leh department inhne rem deuh tur te chu tih danglam zeuh zeuh erawh an nei nia sawiin, "minor re-shuffle hi vawi 10 dawn lai kan lo nei tawh a, a boruak azir zelin kalpui chhoh a ni ang,” a ti bawk.#zabilianznews

Lalduhoma chuan "'people’s movement' kan nih angin; mipuite pawh tunhma sorkar ai khan keini-ah chuan an inti neitu em em a, chuvangin mipui kan dah pawimawh hle tur a ni" a ti a. Kum tam tak chhung an policy te an lo vahvaihpui tawh thu sawiin, party mi te thawhrimna leh mipui te avanga sorkar an nih thu a sawi.

Sorkar tha tehna tur chu an auhla an umzui em? MLA te hnathawh a tha tawk em? tih te a nih tu Lalduhoma chuan sawiin, "kan mimal duh dan leh kan hamthatna atanga kan teh chuan sorkar hi teh tlin a har khawp ang" a ti bawk.#zabilianz #zabilianznews #zofatehuapzo