#ZabilianZ June 30, 2026: MNF party-in vawiin khan Mizoram hmun hrang hrangah Remna Ni an lawm a. Aizawl-ah chuan an party pisa-ah MNF Sr. Vice President Dr. R. Lalthangliana hova hmangin, martar te sunna hun an hmang bawk.
Aizawla MNF party-in Remna Ni an lawmna inkhawmah MNF Sr. Vice President Dr. R. Lalthangliana chuan "tuna kan remna ni hman hi chawlhlawkna a ni a, ram changkang zawk te angin hnam hmangaihna tak tak thinlung nen economics independent kan sual leh mek" a ti a. Remna a awm theihna trurin kohhran, zirlai pawl leh political party ten engkim chan huamin theihtawp an chhuah tih sawiin, "Pathian hnathawh ropui tak lo langin, remna ziah a nih khan Mizo Nationalism an tung tel lova; an tung tel ngai hek lovang" a ti a. Mahni ke-a ding thei tura intodelh a tul thu Dr. R. Lalthangliana chuan sawiin, "Remna Ni lo thleng hi Mizoram tan kan hlan ve thei dawn em tih hi ka zawhna a ni", a ti bawk.
MNF President Zoramthanga chuan Remna Ni hi Thingsulthiah-ah a hmanpui a. MNF Vice President Vanlalzawma'n Mamit-ah hmanpuiin, New Serchhip North-ah MNF PAC member R. Lalzirliana'n a hmanpui a. Champhai Kanan vengah MNF General Secretary TJ. Lalnuntluanga a hmanpui bakah MNF MLA te - Ramthanmawia'n Hnahthial-ah, Er. H. Lalzirliana'n Thenzawl-ah, K. Laldawngliana'n Lungdai-ah, Er. R. Rohmingliana'n Lunglei-ah Remna Ni a hmanpui bawk.#zabilianz #zabilianznews #zofatehuapzo
0 Comments