Petrol leh diesel cess atangin PWD-in 2025-2026 ah Finance Dept. atangin cheng engzatmah a hmu lo :PWD Minister | Petrol leh diesel cess atangin 2025 – 2026 leh 2026 - 2027 ah kawng siamna tur pek a ni :Chief Minister

#ZabilianZ Aug 29, 2026: PWD Minister Vanlalhlana’n "kawngpui siamna atana petrol leh diesel cess kan lak atangin kum 2025-2026 chhungin Finance Department atangin PWD-in cheng engzatmah a hmu lo" a ti.

Assembly session zawh takah eptu member, Siaha bialtu Dr. K. Beichhua zawhna ziaka a chhannaah he thu hi PWD Minister chuan a tarlang a. "Kum 2025-2026 chhunga sum hmuh a awm loh avangin district-wise a sum sem a awm lo" tiin a tarlang bawk.#zabilianznews

Hetihlai hian Finance changtu, Chief Minister Lalduhoma’n eptu member, East Tuipui bialtu Ramthanmawia zawhna ziaka a chhannaah - petrol leh diesel atanga road maintenance cess lak atangin kawng siamna atan - kum 2025 – 2026 ah Rs. nuai 1,500 pekchhuah a nih thu leh 2026 - 2027 ah Rs. nuai 4325 pekchhuah a nih thu a tarlang thung.

Chief Minister chuan "petrol leh diesel atanga road maintenance cess lak a nih (October 2024) aṭanga July 2026 thlenga sorkar-in sum a hmuh tawh zat chu Rs. 84,15,60,267 a ni" tiin Ramthanmawia zawhna a chhang a. Eptu member pathum - H. Lalzirliana, K. Laldawngliana leh Ramthanmawia te zawhna intawm chu "Sorkar-in petrol leh diesel atanga social infrastructure & service cess leh road maintenance cess a lak tan ni hi September ni 3, 2024 a ni" tia chhangin, "Social infrastructure & services cess leh road maintenance cess lak a nih atanga July 2026 thlenga heta tanga sum hmuh tawh zat chu Rs. 16,83,1,20,534 a ni" tiin a chhang .

Eptu member Dampa bialtu Dr. R. Lalthangliana zawhna a chhanna-ah Chief Minister chuan tun sorkar chhunga petrol leh diesel chhiah (cess) atanga sorkar-in sum a hmuh tawh zat chu Rs. 1,68,31,20,534 a nih thu a tarlang bawk#zabilianz #zabilianznews #zofatehuapzo