UD&PA Minister-in Rs. vbc 14.33 senga sak Chaltlang Multi-purpose Sports Complex a hawng

#ZabilianZ Aug 28, 2026: Aizawl Smart City Ltd hnuaia sak Chaltlang Multi-purpose Sports Complex chu vawiin khan UD&PA Minister K. Sapdanga'n a hawng,

Chaltlang Multi-purpose Sports Complex hi Rs. vbc 14.33 senga sak niin, December ni 4, 2021-ah tender chhuah a ni a, contractor H. Sanga'n November ni 30, 2022-ah hna tanin, August ni 20, 2026-ah sak zawh a ni.

Basketball-cum-Volleyball Court bakah a entu mi 1000 lenna tur thutna, Boxing ring leh a entu mi 48 thut lenna tur leh table tennis khelhna tur te a awm a. Gym room, media room, mi 12 ve ve lenna mipa leh hmeichhe dormitory, dressing room, toilet-cum-bathroom, dining room leh two wheeler parking te pawh awmin, 25kVA Generator dah a ni bawk.

UD&PA Minister chuan Aizawl Smart City Limited chu thla thar lo awm tura tawp tur a nih tawh thu sawiin, Smart City hmachhawp chhunzawm turin Mizoram Urban Development Agency Limited (MUDAL) din a nih tawh thu leh hnathawk tur lak mek a nih thu a sawi.