#ZabilianZ Sept 2m 2026: BJP Mizoram State thalai President Robinson Malsawmtluanga Hmar leh Vice President H. Malsawmtluanga ten Union Minister of Youth Affairs & Sports Dr. Mansukh Mandaviya chu a chenna in-ah hmuin, Mizoramin Sports Infrastructure ṭha leh changtlung zâwk a mamawh thu an thlen.
New Delhi-a state hrang hrang BJP thalai office bearer te thutkhawma tel BJP thalai hruitute hian Mizo ṭhalai ten infiamna chi hrang hranga theihna sang tak an neih thu Union Minister hi an hrilh a. Kum 2036-a India ramin Olympic thlen a tumah Mizo ṭhalai a tam thei ang berin India ram an aiawh theih na turin Sports Infrastructure ṭha leh changtlung zâwk Mizoram-in a mamawh dan te an hrilh a ni.#zabilianznews
Boxing lama Mizo thalai te thatna leh National level leh International level thlenga Mizo thalaite thlen chin te hrilhin, Boxing-ah Mizoram chu tun aia ṭha zawka thuam tur leh Mizoramah boxing hall lian leh changtlung tak din a nih theihna tura hmalaksak tur te in an ngen a. Mizoram Boxing Association-in harsatna hrang hrang a neih te an thlen bawk.
Union Sports Minister Dr. Mansukh Mandaviya chuan BJP thalai hruaitu ten infiamna lama hmalakpui tura an ngennaah theihtâwp chhuahpui a tum thu sawiin, Mizoram Boxing Association-in harsatna an neih te chinfel tura Boxing Federation of India hruaitute hma a lo lakpui tur thu a sawi bawk a ni.#zabilianz #zabilianznews #zofatehuapzo
0 Comments