#ZabilianZ Sept 2, 2026: ZPM party-in Assembly House pawnlama debate neih ṭul an ti tawh lo tih thuchhuah siamin an tarlang
Mizoram Legislative Assembly Session ni 27.8.2026-a Dr. Lalthangliana'n Memorundum of Settlement (MoS) leh Inner Line Regulation (ILR) chungchanga calling attention motion a pulut-ah Chief Minister Lalduhoma chuan debate a rawt a. Eptu Leader Lalchhandama Ralte-in debate nei turin ni khat dang session pawhsei a rawt bawk.
ZPM chuan he rawtna te hi Speaker-in emaw a rawttu ngei leh member dang tutemahin an sawi zui tak loh avangin Assembly House chhungah chuan debate chu neih a ni ta lo tih sawiin, "he issue chungchang hi fiah tawk takin media hrang hrangah sawi zui a ni a. Thudik hre duhtu te tan chuan a chiang tawk em em tawh a ni" tiin, Assembly House pawn lama debate neih chu ṭul an tih tawh loh thu an thuchhuahah chuan an tarlang a ni.#zabilianz #zabilianznews #zofatehuapzo
0 Comments