#ZabilianZ Sept 10, 2026: Excise & Narcotics Department (END) leh Kolasib Venglai East Branch YMA te thawkdunin nizan dar 10 khan Kolasib Venglai East-ah zu thahnem tak an man a. A neitua puh mi pahnih leh zu phurhna atana an lirthei hman an man bawk.
Kolasib Venglai East-a zu man te hi Assam atanga Mizorama phurhluh niin, sap zu (IMFL) case 150 (um 1800) leh canned beer (500 ml) case 50 (Can 1200) te an ni a. A neitua puh mi pahnih – Parul Hussain Laskar (24), Rajnagar, Bagha Bazar, Cachar District, Assam leh Saruk Ahmed Bharbuiya (26), Satyagaram, Bagha Bazar, Cachar District, Assam-a khawsa nia inchhalte te niin, zu phurhna atana an lirthei hman TATA Hyva Tipper AS 11 E 4260 nen man an ni.#zabilianznews
END-in tukin dar 3 khan Bung Bangla, Aizawl-ah truck pakhat atangin - sap zu (IMFL) case 267 (um 3204) leh canned beer (500 ml) case 280 (Can 6720) an man bawk a. Kuminah - END hian ram chhunga siam sap zu (IMFL) litre 21660.035 leh beer litre 32969.280 man tawhin, rakzu litre 50592.024 leh zu bilh lai tin nuai 118950 bakah ramdang zu litre 52.600 leh Burma zu (BEDC) litre 2555.210 an man tawh.
Kuminah vek END chuan heroin kg 18.489; Methamphetamine kg 68.138 leh Crystal Meth kg 11.531 man tawhin, ganja kg 145.926 an man tawh a. Ruihna atana hman khuh damdawi 8554 leh damdawi ruih theih dang mum 48109 an man tawh bawk.#zabilianz#zabilianznews#zofatehuapzo
0 Comments